2 कुरेंति 11:13 - पवित्र पोल्‍ले

¹³ बारित्‍ते इसोंटा लोकुल्‍क आबद्‍दम प्रेरितुल्क आंदुर. ओर आबद्‍दम वळ्‍कंतुर, ओर इंकावरोन पसांचना कबळ कींतुर, ओर किरिस्‍तुना प्रेरितुल्‍कुनालेसीं मनंतुर.

2 कुरेंति 11:13 Iomraidhean Croise

मत्‍तयाल 25:24

पजा उंदि मुल्‍ले दोर्कतोर मालकुनगा वासि, “मालक, निमे कळक मनकन आंदिन, निमे वीतवगा कोय्‍यंतिन, सल्‍लुवगा जमा कींतिन इंचि नाकु एरपाट.

प्रेरितुल्‍कुना कबाह्‍क 15:1

पजा यहुदियाताल इच्‍चुर लोकुल्‍क अंताकियाक वासि, “मूसाना नियम परकारम मीवद कतना आयाकोंटे मीकु मुक्‍ति दोर्का पर्रो” इंचि अगाटा दादालोर्कुंक कराहलय दल्‍गुतुर.

प्रेरितुल्‍कुना कबाह्‍क 15:24

मावा पावरमगल्‍ला दादालोरिटा, माकुन पूस कियाकोंटेन महागटाल इच्‍चुर लोकुल्‍क मिहगा वासि ओरा मनसुंक वाताप वळकिसि मी मनसुने अनमानम पुट्‍टिचि मीकु तकलिप हीतुर इत्‍ता संगति मोमोट केंजतोम.

प्रेरितुल्‍कुना कबाह्‍क 20:30

अचोने आयका मीवा लोप्पोटाले इच्‍चुर इसंटा मनकालोर पेय्संतुर गदा, ओर सिस्युल्कुन ओरा पज्जो इग्गुकुनालय आबद्‍दम पोल्‍लें वळकांतुर.

रोम सहरतोरहाटीं पौलुसना सिट्‍टि 16:18

असंटोर मना सामि किरिस्‍तुना सेवा किय्युर, गानि ओरा पीटाहाटीं सेवा कींतुर. ओरा तिय्यटा पोल्‍लेनाहेंदाल सीदा-सादा लोकुल्‍कुन मुळहंतुर.

2 कुरेंति 11:15

अदुनहाटीं देय्यमता सेवाकुल्कगुडा सत्‍तेमते ताकाना सेवाकुल्कुनलेसीं मारियते इद पेद्‍दा पोल्‍ले आयो, गानि आकिरते ओर कियाना कबळता इसाबते सिक्‍सा आयार.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

गलातिया 1:7

असल निजम बतल इत्‍ते, वेरे बदे बेसता कबुर हिल्‍ले. गानि इच्‍चुर लोकुल्‍क मंतुर ओर मीकुन गयबेत कीसि किरिस्‍तुना बारेमता बेसता कबुरतुन बदलांचलय हूळसंतुर.

गलातिया 2:4

गानि मावा लोप्पो इच्‍चुर लोकुल्‍क विस्वासुल्‍कुनलेसीं आसि मक्‍किस होळियतुर. येसु किरिस्‍तु माकुन यहुदिल्कुना नियमाल्कुना गुलामगिरिताल पलाते पेचाह्तदुन चुपचाप हूळसि, माकुन मर्रा गुलामगिरिते अरहचि नासडेम कियना उद्‍देसमते ओर वातुर.

गलातिया 4:17

आबद्‍दम पोल्‍लें कराहनोर मीकुन ओरा पट्‍टुने अरहालय वेल्‍लेन कोसिस कीसेक मंतुर. ओरा अद कोसिस मीवा बेसताहाटीं आयो गानि मिमेट ओरा लोप्पो कलियसि मंचि मावाहेंदाल अलग आयना इंचि ओरा विचारम मंता.

गलातिया 6:12

नालुरा मुन्‍ने नना बेसतोन इंचि हुप्‍सानोर, ओरे मीकुन कतना कियागोम इंचि बल्‍मि कींतुर. इल्‍हा बारि कींतुर इत्‍ते, किरिस्‍तुना क्रुसताहेंका वायाना तकलिपताल तपिच्‍कुननाहाटीं ओर इल्‍हा कींतुर.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

पिलिपिया 3:18

बारित्‍ते वेल्‍लेटुर लोकुल्‍क किरिस्‍तु क्रुसुनपोर्रो हातोर इत्‍ता पोल्‍लेक विरोदमते ताकसेक मंतुर. ओर किरिस्‍तुना क्रुसता पगातोर आंदुर. ओरा बारेमते नना मीकु बच्‍चुंगो मल्कां वेहतन, इंदकेगुडा अळसेके वेहासेक मंतन.

पिलिपिया 3:2

अदुनहाटीं तप्‍पुड कबाह्‍क कियना नयकस्‍केल गुनमतोरगटाल जेगर्ता मंटु. कतना रिवाज कीतेन नीतिमंतुल्क आंतुर इंचि ओर कराहंतुर.

कुलुसि 2:4

बोरन्‍ना तिय्यटा पोल्‍लेनतोनि मीकुन पसांचामन्‍नि इंचि नना इद वेहासेक मंतन.

कुलुसि 2:8

मिमेट जेगर्ताते मंटु! बोरन्‍ना वासि मीकुन दुनियाता तेल्वि पोल्‍लें, एर्तम दोका हिय्यना पोल्‍लें वेह्‍चि पसांचा परांतुर, अव पोल्‍लें मनकालोर्कुना रीतिरिवाजकुनालेसीं, दुनियाते एनकटा कराहता पोल्‍लेनलेसीं मंतां गानि किरिस्‍तुना पोल्‍लेनलेसीं हिल्‍लें.

1 योहान 2:18

पिलाल्‍कुनिटा! इद आकिरता वेला आंद, किरिस्‍तुना पगातोर वायानुर इंचि मिमेट केंजसि मत्‍तिर. अल्‍हेने इंदके किरिस्‍तुना वेल्‍लेटोरे पगातोर वातुर. इदुनहेंदाल, इद आकिरता वेला आंद इंचि मनाकु तेळियंता.

1 योहान 4:1

पावरमगल्‍लोरिटा! नहगा पेनदा आत्मा मंता इनना अंटोरपोर्रो विस्वासम कियमट. मोमोट पेनदा कबुरतोरम इंचेके, तप्‍पुड बोदां कराहनोर वेल्‍लेन मंदि दुनियाते वेलियसंतुर. अदुनहाटीं बरोसा कियाका मुन्‍ने आ वळ्‍कानोनगा मनना आत्मां पेनदागटाल वातावेना इंचि, परिक्‍सा कीसि हुळट.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 2:2

निमे कियाना कबाह्‍क, नीवा मेहनत आनि ओप्के नाक एरपाटे. अल्‍हेने निमे सेड्‍डा लोकुल्‍कुन हय्सिन आनि बोर अय्ते “नना प्रेरित” इंचि इनकुंतुर गानि ओरा परिक्‍सा एततस्के ओर नीकु आबद्‍दम वळ्कतद दिसतुर.

पेन हुपिस्‍ता पोल्‍लें 2:20

गानि नी विरोदमते नाकु उंदि पोल्‍ले वेहानद मंता. जेजेबेल इनना मुरतळ, नना पेनदा कबुरतदुन इंचि वेह्कुंचेके नावा सेवाकुल्कुंक, बोम्मांक मोळ्कता वस्तु तिनगोम, बोगमतनम कियगोम इंचि कराहचि ओर्कुन पसांचेके मंता. असोंटा मुर्ताटुन निमे निहगा मना हीसंतिन.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.