2 कुरेंति 10:8 - पवित्र पोल्‍ले

⁸ मीकुन नासडेम कियालय आयो गानि, मीकुन बेर्सागोटालय सामि माक अदिकारम हीतोर इंचि नना इंकागुडा पेद्‍दिरकेम वेहकुनिना नाक सिग्गु हिल्‍ले.

2 कुरेंति 10:8 Iomraidhean Croise

2 कुरेंति 1:24

मीवा विस्वासम पोर्रो अदिकारम हुप्‍सना इंचि मोमोट वेहासेक हिल्‍लोम, मिमेट विस्वासमते गट्‍टिगा निल्‍सि मंतिट, मीवा आनंदमते मोमोटगुडा मीवा तोळ मनंतोम.

2 कुरेंति 10:4

मोमोट लडाइ कियाना विस्रें दुनियातोरसंटव आयों, गानि किल्‍लान कूलाहनाहाटीं पेनदाहेंदाल ताकततव आंदुं.

2 कुरेंति 10:9

नना बारि वेहसेक इत्‍ते, नावा सिट्‍टिना हेंदाल नना मीकुन वेराहसेक मंतन इंचि मीक अनपिच्‍चमन्‍नि.

2 कुरेंति 12:19

महगा तप्‍पु हिल्‍ले इंचि हुप्‍सालय इवन्‍नि मोमोट मीक वेहसेक मंतोम इंचि मिमेट इनकुंचंतिर आयावच्‍चु, गानि आयो. मोमोट अय्ते पेनदा मुन्‍ने किरिस्‍तुना अदिकारमते वळ्‍कंतोम. पावरमगल्‍लोरिटा! इवन्‍नि पोल्‍लें मीवा विस्वासम बेर्सनाहाटींगे वेहसेक मंतोम.

2 कुरेंति 12:6

नना पेद्‍दिरकेम वेहतेगुडा, निजम वेहताहाटीं नाकुन मूर्कुड इनावायो. गानि नना अल्हा वेहोन. बारित्‍ते नना कीता कबाह्‍कुन हूळता दानकन्‍ना आनि वेहता पोल्‍लेन केंजता दानकन्‍ना एक्‍को मान नाक हिय्यामन्‍नि.

2 कुरेंति 13:10

अदुनहाटीं सामि मीकुन नासडेम कियालय आयो गानि, गट्‍टिगा निलाहलय नाक अदिकारम हीतोर. नना मिहगा वातस्के नावा अदिकारमते मीतोनि कडक वळ्कना वेला वायामन्‍नि इंचि, मिहागटाल लक्‍कु मनेंकेने इव पोल्‍लें रासेक मंतन.

2 कुरेंति 13:8

मिमेट सत्‍तेमते ताकते दानकु विरोद मोमोट किय्‍योम, गानि सत्‍तेमताहाटींगे सहायम कींतोम.

2 कुरेंति 7:14

नना ओनतोनि मीवा बारेमते पेद्‍दिरकेम वेहकुत्‍तन. मोमोट मीक वेहतव अन्‍नि पोल्‍लें निजमे आंदुं. अदुनहाटीं तीतुना मुन्‍ने नावा पेद्‍दिरकेम निजम कीसि हुपिस्‍तिर, नाकुन सिग्गु होननाल किया हिल्‍लिर.

2 कुरेंति 7:4

नना मीवातोनि बतले मक्‍किचाकोंटा वेहासेक मंतन, नाक मीपोर्रो एक्‍को पेद्‍दिरकेम मंता. नना सांतिते निंडतन. मावा अन्‍नि तकलिपकुनेगुडा नना वेल्‍ले कुसिते मंतन.

गलातिया 1:1

नना येसु किरिस्‍तुना वरोर प्रेरितुन आंदुन, नावा पोरोल पौलुस. नना प्रेरित इंचि मनकालोराहेंदालो हिलाकोंटे बोरो वरोर मनकल नाकुन कीताहेंका आया हिल्‍लेन, गानि कुद्‍दु येसु किरिस्‍तु आनि ओन हामुरताल मर्रा जीवाते तेहता आ पेनबाबाले नाकुन केयतोर.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.