2 कुरेंति 10:1 - पवित्र पोल्‍ले

¹ नना पौलुसुन, मीवातोनि मननेंके सिन्‍नागासि मनंतन, गानि लक्‍कु मननेंके वेर्रे हिलाकोंटा मनंतन इंचि इच्‍चुर इंतुर. नना मीकु किरिस्‍तुना सादा-सिंपल आनि मेत्‍तटा गुनमता हेंदाल विनंति कीसेक मंतन,

2 कुरेंति 10:1 Iomraidhean Croise

मत्‍तयाल 11:29

ना कांडी मिमेट तेहाकुंचि नावातोनि करियट, नना बेस आनि सादा-सिंपल मंतन. इंका नावा कांडी सवरगा मंता नावा बर्वु अल्कगा मंता. इंचि मी आत्माकु सांति दोर्कंता.”

मत्‍तयाल 21:5

“सियोनुना मिय्यळ्‍क वेहट गदा, हुळाट, मीवा राजाल मीहेके वासंतोर, ओर सांत बुद्‍दितोनि, बर्वु कांजना गाडदि पोरिनपोर्रो उद्‍दिस वासंतोर.”

प्रेरितुल्‍कुना कबाह्‍क 8:32

ओर आ पुस्तकमते बतल अय्ते हदविसेके मत्‍तोरो अद इल्‍हा मंता: “हव्कालय ओयना गोर्रेतालेसीं ओन ओतुर, गोर्रे दाना मेंदुल्ता बूरातुन कतरिचिनेंके बल्हा सपुडदाका मनंता, अल्‍हेने ओरगुडा सपुडदाका मत्‍तोर, ओना तोळ्‍दाल उंदि पोल्‍लेगुडा पेय्‍सा हिल्‍ले.

रोम सहरतोरहाटीं पौलुसना सिट्‍टि 10:20

पजा “नाकुन पहकवोर नाकुन दोर्किच्‍कुत्‍तुर. नाकुन पूसकियवोर्कुंक ननाने कुद्‍दु दिसतन,” इल्‍हा पेन वेहता पोल्‍लेतुन दैरनेम कीसि यसायाहलगुडा रासतोर.

रोम सहरतोरहाटीं पौलुसना सिट्‍टि 12:1

अय्ते विस्वासुल्‍कुनिटा! पेन मनापोर्रो कीता दयातुन मति कीसि, नना मीकुन बतिमलाडसि विनंति कियानद बतल इत्‍ते, मिमेट मीवा पिस्वरतुन पवित्र इरसि, पेनदुक नच्‍चनसोंटा मोक्‍कु हीताप मी पिस्वरतुन जीवाते मननेंकेन अप्‍पजेप्‍पट. इल्‍हा कीतेन मिमेट पेनदा निजम सेवा कीसि तलस्कुत्‍ताप आंता.

रोम सहरतोरहाटीं पौलुसना सिट्‍टि 15:15

पेनदा कुर्पाहेंदाल यहुदि आयवोरा नड्‍डुम येसु किरिस्‍तुना सेवक आसि पेर्मनालेसीं बेसता कबुर वेहालय नाकु अदिकारम दोर्कता. अदुनहाटीं कोन्‍नि पोल्‍लें मीकु मति कीसि हियना इंचि मीकु दैरनेमते रासतन. ना मनसुने बतल मंता इत्‍ते, यहुदि आयवोर पवित्र आत्माहेंदाल पवित्र आयाना आनि पेन ओर्कुन ओप्कुननालायक कियना.

1 कुरेंति 2:3

नना मिहगा मननेंके मेंदुल्ते कमजोर आसि मत्‍तन. वेल्‍ले वेर्रेते वनुकसेके मत्‍तन.

1 कुरेंति 4:10

मोमोट किरिस्‍तुनाहाटीं मुर्कालोरम आंदुम, गानि मिमेट किरिस्‍तुना लोप्पो तेल्वितोर आंदिर. मोमोट बलम हिल्‍वोरम आंदुम, गानि मिमेट बलम मत्‍तोर आंदिर. मिमेट कदर मत्‍तोर आंदिर, गानि मोमोट कदर हिल्‍वोरम आंदुम.

1 कुरेंति 4:21

मीक बतल गावाले? नना मिहगा कट्‍टे पीसि वाकाना, हिलाकोंटे पावरमते, मेत्‍ताटा आत्माते वाकाना?

2 कुरेंति 10:10

बारित्‍ते, “ओर सिट्‍टिने अय्ते मजबुत आनि कडक पोल्‍लें रासंतोर, गानि मेंदुल्ते कमजोर मंतोर, पोल्‍लेंगुडा बेस पेय्‍सों,” इंचि इच्‍चुर इंतुर.

2 कुरेंति 10:2

नना वातारिते बोर अय्ते माकुन, “दुनियातोरालेसीं ताकसेक मंतुर” इंचि इनकुंतुर, ओरतोनि नाक कडक वळ्‍काना वेला वायामन्‍नि इंचि विनंति कीसेक मंतन.

2 कुरेंति 10:7

मिमेट सिराप मुन्‍ने मत्‍तवुन मीवा कळ्‍कुने हूळसेक मंतिट. मीक गिंटा बोर्कन्‍ना ओनद-ओन्क नना किरिस्‍तुनोन आंदुन इंचि बरोसा मनानय्ते बल्हा ओर किरिस्‍तुनोर आंदुर, अल्‍हेने मोमोटगुडा किरिस्‍तुनोर्कुम आंदुम इंचि ओन्क तेळियगोम

2 कुरेंति 11:21

नाक सिग्गु वायाना पोल्‍ले बतल इत्‍ते, ओर कीताप मोमोट किया हिल्‍लोम. गानि बोरे आयिर पेद्‍दिरकेम कियालय दैरनेम कीते, ननागुडा मूर्कुनालेसीं दैरनेमते पेद्‍दिरकेम कींतन.

2 कुरेंति 11:30

नाकु गिंटा पेद्‍दिरकेम कियाना मत्‍ते, नना किया पर्रुवा कबाह्‍कुना बारेमते पेद्‍दिरकेम कींतन.

2 कुरेंति 12:5

इसोंटा मनकना बारेमते नना पेद्‍दिरकेम वेहकुंतन. गानि ना बारेमते नावा कमजोरिन तप्‍पा, इंका बवे पोल्‍लेन बारेमते पेद्‍दिरकेम वेहोन.

2 कुरेंति 3:12

अदुनहाटीं इदे आसेता हेंदाल मनम बच्‍चोरो दैरनेमते वळ्‍कंतोम.

2 कुरेंति 5:20

अदुनहाटीं मोमोट किरिस्‍तुना राजदूतकुम आंदुम. मावाहेंदाल पेन मीक वेहासेक मंता इनकुंटु. मिमेट पेनतोनि कलियसि मंदना इंचि किरिस्‍तुनाहेंदाल मोमोट मीक विनंति कीसेक मंतोम.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

2 कुरेंति 7:4

नना मीवातोनि बतले मक्‍किचाकोंटा वेहासेक मंतन, नाक मीपोर्रो एक्‍को पेद्‍दिरकेम मंता. नना सांतिते निंडतन. मावा अन्‍नि तकलिपकुनेगुडा नना वेल्‍ले कुसिते मंतन.

गलातिया 4:13

मुन्‍नेटा मल्का नना वातस्के, ना जीवा बेस मनाहिल्‍ले, अस्‍के मीकु किरिस्‍तुना बेसता कबुर वेहतन. अद मीकु एरपाटे.

गलातिया 5:2

केंजाट, नना पौलुसुन मीकु वेहसेक मंतन, मिमेट कतना कीसि दर्मसास्‍त्रमता नियम मत्‍ताप ताकंतोम इनानय्ते, मीकु किरिस्‍तुनाहेंदाल बतल पाय्दा आयो.

इपीसि 3:1

मिमेट यहुदिल्क आयिर. अय्नागानि मीकु किरिस्‍तु येसुना बारेमता बेसता कबुर वेहताहाटीं नना पौलुस, जेलने बंद मंतन.

इपीसि 4:1

मीकुन पेन दाना लोकुल्‍क आयानाहाटीं केयता, अय्ते दाना लोकुल्‍क बल्हा अय्ते पिसानो अल्हा मिमेट पिस्‍सट इंचि, सामिनाहाटीं जेलुंक होत्‍तोन नना मीकु विनंति कीसंतन.

पिलिपिया 4:5

मिमेट सादा-सिंपलतोर इंचि अंटोर्क तेळियनाल पिस्‍सट, बारित्‍ते सामि वायाना वेला दग्‍गेरा मंता.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

2 तेसलोनि 3:17

नना पौलुसुन आंदुन, नावा कयदेने मीक जोहार रासेक मंतन. अन्‍नि सिट्‍टिने इद नावा आनवल आंद, नना इल्हे रासंतन.

पिलेमोन 1:19

अदुन निहचींतन इंचि, नना पौलुस, नावा सतता कय्‍दे रासि हीसेक मंतन. अल्हा हूळते निमेन नाकु बाकि मंतिन. इद नीकु वेहना अव्‍सरम हिल्‍ले.

1 पत्रु 2:11

नावा पावरमगल्‍लोरिटा, मिमेट वेरे देसेमतोर, वेरे नाटेनोर आसि मंतिर. अदुनहाटीं मी आत्माकु अड्‍डम मनानव दुनियातां अन्‍नि सेड्‍डा आसेनाल लक्‍कु मंटु इंचि विनंति कीसेके मंतन.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.