2 कुरेंति 1:20 - पवित्र पोल्‍ले

²⁰ पेनदा अन्‍नि पोल्‍लें येसुनगा पूरा आतां. अदुनहाटीं मनम आमीन इंचि पेनदा महिमा कींतोम.

2 कुरेंति 1:20 Iomraidhean Croise

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

लूकाल 2:14

“स्वर्गमते पेनदा कदर आयि, बूमिपोर्रो अद पावरम कीता लोकुल्‍कुंक सांति दोर्किकांटी,” इंचि इनालय दल्‍गतां.

योहान 1:17

मूसाल इनानोनहेंदाल पेन मनाकु नियमाल्‍क हीता. गानि कुर्पा, सत्‍तेम मनाकु येसु किरिस्‍तुनाहेंदाल दोर्कता.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 3:5

अस्‍के येसु ओन्क इल्‍हा वेहतोर: “नना निजम-निजम वेहासेक, वरोर मनकल एताल आनि पवित्र आत्माहेंदाल पुट्‍टुवद, ओर पेनदा राज्येमते होळिया परोर.

रोम सहरतोरहाटीं पौलुसना सिट्‍टि 11:36

दुनियाते मनानव अन्‍नि पेनदागटाले वातां, अन्‍निन अदे पुटिस्ता, दुनियाते मनानव अन्‍नि दानाहाटींगे मंतां. युगा-युगाल्‍कुनदाका दानदे महिमा आयि, आमीन.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

1 कुरेंति 14:16

ओक्‍कला निमे सिराप आत्माते दन्यवाद कियानय्ते, नीवा पोल्‍ले तेळियवोर अगा उद्‍दुता मनकल आमीन इंचि बल्हा इनानुर? निमे बतल वळ्‍कतिन ओनकु तेळिया हिल्‍ले.

2 कुरेंति 4:15

पेनदा कुर्पा वेल्‍लेटुर लोकुल्‍कुनगा एवसि, दाना महिमा कियालय एक्‍कोते-एक्‍को दन्यवादाल्‍क वेहाना पारतनां बेर्सगोम इंचि इवन्‍नि मीवाहाटीं मंतां.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

गलातिया 3:22

गानि दर्मसास्‍त्रम अय्ते, “पूरा दुनिया पापमते दोह्‍चि मंता,” इंचि वेहंता. अल्हा बारि आता इत्‍ते, हीता पोल्‍ले परकारम दोर्कना आसिर्वाद, येसु किरिस्‍तुनपोर्रो विस्वासम कीतोर्के दोर्कना इंचि.

इपीसि 1:6

दाना पावरमगल्‍ला मर्रि मनाहाटीं कीतदुन पीसि, अद मनापोर्रो लेक्‍का परवच्‍चोन कुर्पातुन पुक्‍कटते कुम्मरिच्‍ता. अदुनहाटीं मनम पेनदा महिमाता स्‍तुति कीकोम.

इपीसि 2:7

इंका किरिस्‍तु येसुन मनाहाटीं लोहचि मनाकुन वेल्‍लेन पावरम कीता. इल्‍हा पेन मनापोर्रो लेक्‍का हिल्‍वच्‍चोन कुर्पा कीता, इदुन वायाना कालमते अंटोर्क हुप्‍सानाहाटीं पेन अल्हा कीता.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

2 तेसलोनि 1:10

बस्के अय्ते येसु सामि मर्रा वायानुर अस्‍के ओना पवित्र लोकुल्‍कुनाहेंदाल महिमा एतंतोर आनि विस्वासम कीतुर अंटोराहेंदाल ओर पेद्‍दातनम दोर्किच्‍कुंतोर. बारित्‍ते मोमोट वेहता गवाइतुन मिमेट विस्वासम कीतिट.

इब्रि 11:13

पेनदापोर्रो विस्वासम इरतोर अंटोरगुडा दानपोर्रो विस्वासम इरसे हासोत्‍तुर. पेन हींतन इंचि पोल्‍ले हीतद ओर्कु दोर्काहिल्‍ले. गानि पेन हींतन इत्‍तादुन लक्‍कुटाले हूळताप हूळसि कूस आतुर. पजा मनम इद बूमिपोर्रो पय्‍नेम कीसेके वाता पराइतोरम इंचि ओप्‍कुत्‍तुर.

इब्रि 13:8

येसु किरिस्‍तु मुन्‍ने मत्‍तापे, इंदके आनि बस्‍केळ्‍दाकागुडा मारियाकोंटा उंदेतीर मंतोर.

इब्रि 7:6

गानि मेल्किसेदेक लेविना वंसंमतोर आयोर. अय्नागानि मेल्किसेदेक, बोन्क अय्ते पेन पोल्‍ले हीसि मत्‍ता आ अब्राहामुनाहेंदाल पदि तूसकुनाल उंदि तूस येतकुंचि ओन्क आसिर्वाद हीतोर. दीनहेंदाल मेल्किसेदेक पेद्‍दोड आंदुर.

1 पत्रु 1:12

इव पोल्‍लें ओरा पायदाताहाटीं आयों गानि मीवाहाटीं इंचि पेने ओर्क तेळियागोट्‍सि वेहचि हुपिस्‍ता. इदवेरादाका बदाय्ते बेसता कबुर वेहतुर, अद स्वर्गमताल लोहचीता पवित्र आत्माहेंदाले मीक वेहतुर. इव पोल्‍लेना बारेमते पेनदा दूतांगुडा बल्हा आंतानो इंचि हूळना इच्‍चाते मंतां.

1 योहान 5:11

पेन मनाकु बस्‍केळ्‍क पिस्सना पिस्वर हीता, ई पिस्वर दाना मर्रिनगा मंता. इदे पेनदा गवाइ आंद.

पेन हुपिस्‍ता पोल्‍लें 3:14

लोदिकिया सहरता कलिसियाता दूताक इल्‍हा रासा. बोर अय्ते आमीन इननोर, विस्वासमगल्‍लोड, निजम गवाइ वेहानोर, इंका पेन तयार कीता अन्‍निटवुने मोदोल मनकल आसि मंतोर, इव पोल्‍लें ओनव आंदुं.