2 कुरेंति 1:19 - पवित्र पोल्‍ले

¹⁹ बारित्‍ते, नना, सिल्‍वानुस आनि तिमोति मोमोट मीवा नड्‍डुम पेनदा मर्रि येसु किरिस्‍तु आंदुर इंचि वेहतोम. येसु किरिस्‍तु “हो, हिल्‍ले” इल्‍हा रोंडु पोल्‍लें वळ्‍कोर गानि ओर बस्‍केळ्‍क “हो” इंचे इंतोर.

2 कुरेंति 1:19 Iomraidhean Croise

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

मत्‍तयाल 24:35

इद बूमि, मब्बु नासडेम आसि होंदार, गानि नावा पोल्‍लें बस्‍केने नासडेम आयों.

मत्‍तयाल 27:54

अगा जर्गुता गटनां आनि बूमि अदुल्तद हूळसि, नूर मंदि सिपाइल्कुना पोर्रो मनना अदिकारि आनि येसुनगा कावेल कीसेक मत्‍ता सिपाइल्क वेल्‍ले वेरियतुर. वेरियसि, “ईर निजमे पेनदा मर्रि आंदुर” इंचि इत्‍तुर.

मत्‍तयाल 3:17

अस्‍केन स्वर्गमताल, “ईर ना पावरमगल्‍ला मर्रि आंदुर. ईर इत्‍ते नाकु बच्‍चोनो संबरम,” इंचि उंदि अल्किर केंजावाता.

मत्‍तयाल 4:3

अस्‍के आ पट्‍टु हूळानोर येसुनगा वासि, “ओक्‍कला निमे पेनदा मर्रिन आते ई बंडां हारिं आयिं इंचि आदेस हीम,” इंचि इत्‍ता.

मरकुस 1:1

पेनदा मर्रि, येसु किरिस्‍तुना बेसता कबुर इल्‍हा सुरुव आता.

लूकाल 1:35

अस्‍के पेनदा दूता इल्‍हा इत्‍ता, “पेनदा पवित्र आत्मा नीवा पोर्रो वांता आनि अन्‍निटकन्‍ना पेद्‍दा पेनबाबाना ताकतहेंदाल नीवा पोर्रो उंदि नीडा अर्रंता, अस्‍के निमे नेला तप्पंतिन. दानहाटीं नीकु पुट्‍टना पेडल पवित्र मनांतोर, ओन ‘पेनदा मर्रि’ इंचि इंतुर.

योहान 1:34

इदंता नना नावा कळ्‍कुन निंडा हूळतन. अदुनहाटीं, ‘ईरे पेनदा मर्रि आंदुर,’ इंचि नना गवाइ हीसंतन,” इंचि योहान वेहतोर.

योहान 1:49

अस्‍के नतेनल, “रब्‍बी, निमे पेनदा मर्रिन आंदिन, इस्राएलता राजान आंदिन,” इंचि इत्‍तोर.

योहान 19:7

अद केंजसि यहुदिल्क इल्‍हा जवाब हीतुर, “माकु उंदि नियम मंता. ओर, नना पेनदा मर्रिन, इंचि इत्‍तोर. अदुनहाटीं मावा नियम परकारम ओर हायमळे गावाले,” इत्‍तुर.

योहान 20:28

अस्‍के तोमल, “ना सामि, ना पेनदुना,” इंचि तोमल येसुंक जवाब हीतोर.

योहान 20:31

गानि येसे किरिस्‍तु, ओरे पेनदा मर्रि, इंचि मिमेट विस्वासम कीसि ओना पोरोल्ते पिस्वर दोर्किच्‍कुननाहाटीं, इवन्‍नि रासमळ जर्गता.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 6:69

पेन लोहता पवित्रुन निमेन आंदिन इंचि मोमोट विस्वासम कीसि एरपाट कीतोम,” इंचि इत्‍तोर.

योहान 8:58

अस्‍के येसु, “नना निजम-निजम वेहासेक, अब्राहाम मातरल पुट्‍टका मुन्‍नेटाले नना मत्‍तन,” इंचि इत्‍तोर.

प्रेरितुल्‍कुना कबाह्‍क 15:22

पजा प्रेरितुल्क, पेद्‍दाल्क आनि कलिसियातोर अंटोर कलियसि, अगाटा विस्वासुल्‍कुनाल इच्‍चुर लोकुल्‍कुन पेरसि पौलुस आनि बरनाबासुनतोनि अंताकियाक लोहना निरनायम कीतुर. पजा बरसब्बान आनि सिलासुन ईर इव्वुर्कुन पेरतुर. ईर इव्वुरगुडा विस्वासुल्‍कुनाल मुक्‍य मनकालोर मत्‍तुर.

प्रेरितुल्‍कुना कबाह्‍क 16:1

पजा पौलुस मर्रा दिरबे इनना सहर होंचि अगटाल लिसरा इनना सहर होत्‍तोर. हूळा! अगा तिमोति पोरोलतोर वरोर सिस्युड मत्‍तोर. ओना तल्‍लुर यहुदि जातिता उंदि विस्वासि मुरतळ आंद. गानि ओना बाबाल वेरे जातितोर (युनानि जातितोर) मत्‍तोर.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

प्रेरितुल्‍कुना कबाह्‍क 8:36

इल्‍हा हर्रि पीसि होननेंके-होननेंके ओर उंदि एर मत्‍ता जेगातगा एव्‍तुर. अस्‍के एतुन हूळसि, “हूळा! इगे एर मंता. इंदके नाकु बापतिस्मा एतालय बतलन्‍ना तकलिप मंतना?” इंचि आ आडिगुंल्‍ला मनकल इत्‍तोर.

प्रेरितुल्‍कुना कबाह्‍क 9:20

पजा ओर आल्सेम कियाकोंटा, “येसे पेनदा मर्रि,” इंचेके यहुदि लोकुल्‍कुना दर्मसास्‍त्रम कराहना लोह्कुने होंचि येसुना बारेमते वेहालय सुरुव कीतोर.

2 कुरेंति 1:1

पेनदा इच्‍चाताहेंदाल किरिस्‍तु येसुना प्रेरित आतोन नना पौलुसुन आनि मना तम्मुर तिमोति ओक्‍कला कुरेंति सहरते मंदना कलिसियातोर्क अल्‍हेने अकाया एरियाता अंटोर पवित्र लोकुल्‍कुंक सिट्‍टि रासेक मंतोम.

1 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीक तेसलोनि सहरते मंदना कलिसियातोराहाटीं रासेके मंतोम. मिमेट पेनबाबाल आनि सामि येसु किरिस्‍तुनतोनि कलियसि मंतिट इंचि मीक पेनदाहेंदाल कुर्पा, सांति दोर्किकांटी.

2 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीकु तेसलोनि सहरते मंदना कलिसियातोर्कुंक रासेक मंतोम. मना पेनबाबाल आनि सामि येसु किरिस्‍तुनाहेंदाल कुर्पा, सांति दोर्किकांटी.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

इब्रि 1:11

अव अन्‍नि नासडेम आसि होनानुं, गानि निमे बस्‍केळ्‍क मनांतिन, कपडिं पडन आसि हर्सोत्‍ताप, अव अन्‍नि पडानव आसि होनानुं.

इब्रि 13:8

येसु किरिस्‍तु मुन्‍ने मत्‍तापे, इंदके आनि बस्‍केळ्‍दाकागुडा मारियाकोंटा उंदेतीर मंतोर.

1 पत्रु 5:12

विस्वासमगल्‍ला तम्मुर इंचि नना नम्मुता सिल्‍वानुसना कय्‍दे इद सिन्‍ना सिट्‍टि रासतन. इदे पेनदा निजम कुर्पा आंदु, इव्टे मिमेट गट्‍टिगा निल्‍सि मंटु, इंचि नना मीकु इद सिट्‍टिते रासि तेळियागोट्‍सि वेहासेक मंतन.

2 पत्रु 1:17

बस्के अय्ते पेनबाबानाहेंदाल कदर आनि महिमा दोर्कता, अस्‍के आ स्वर्गमताल, “ईर नावा पावरमगल्‍ला मर्रि आंदुर, ईनतोनि नना आनंदमते मंतन,” इंचि उंदि अल्किर आ महिमाता वेल्‍गुनाल केंजावाता.

1 योहान 1:3

मोमोट अय्ते पेनबाबानतोनि ओना मर्रि येसु किरिस्‍तुनतोनि कलियसि उंदासि पिस्सेक मंतोम, अदुनहाटीं मोमोट बतल अय्ते हूळतोम, केंजतोम, अदुना बारेमते मीकुगुडा वेहासेक मंतोम. दीनहेंदाल मिमेटगुडा मातोनि कलियसि मनम उंदासि मंदकोम.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

2 योहान 1:9

किरिस्‍तु कराहता बोदा परकारम ताकाकोंटा बोर अय्ते मुन्‍ने-मुन्‍ने दांतोर, ओर पेनतोनि कलिया हिल्‍लोर. गानि बोर अय्ते किरिस्‍तु कराहता बोदा परकारम ताकंतोर, ओनतोनि पेनबाबाल, मर्रि इव्वुरगुडा मनांतुर.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.

पेन हुपिस्‍ता पोल्‍लें 1:17

बस्के अय्ते ओन नना हूळतन, अस्‍के नना हाताप आसि ओना काल्कुनगा अरतन. अस्‍के ओर ओना तिना कयदुन नापोर्रो इरसि, “निमे वेरियमा सुरुव आनि आकिर ननाने आंदुन, नना पिस्सि मंतन.

पेन हुपिस्‍ता पोल्‍लें 1:8

“ननाने अल्‍पा आनि ओमेगा आंदुन. ननाने मोदाटोन, इंदके मनानोन, मर्रा वायानोन आनि अन्‍निटकन्‍ना सक्‍तिमंतुनगुडा ननाने आंदुन” इंचि पेन इंता.

पेन हुपिस्‍ता पोल्‍लें 2:18

तुयतीराता सहरता कलिसियाता दूताक इल्‍हा रासा. बोना कळ्‍क अय्ते पोत्‍तना तळमिलेसीं मंतां, काल्क कोल्‍मिते काचाह्ता इत्‍तोडिलेसीं मंतां आ पेनदा मर्रि इल्‍हा वेहांतोर: