1 तिमोति 6:9 - पवित्र पोल्‍ले

⁹ गानि सिरमंत आंतोम इनकुनना लोकुल्‍क कतरनाक परिक्‍साने, उर्रिने, अव्‍सरम हिल्वव वेल्‍लेन नुकसान कियनसोंटा इच्‍चाने हिरकंतुर. असोंटा इच्‍चां मनकालोर्कुन हेळाहचि नासडेम कींतां.

1 तिमोति 6:9 Iomraidhean Croise

मत्‍तयाल 13:22

बोर अय्ते पेनदा पोल्‍लेतुन केंजांतोर गानि सम्‍सारमता रंदि, दनमता आस्‍ति, इसोंटा विचाराल्क ओर केंजता पोल्‍लेतुन ओनालोप्‍पो बेर्सा हिय्यों. अस्‍के अद पोल्‍लेताल बतल पायदा आयो. असंटोर इत्‍ते, विज्‍जां अरता हाह्कुना पोदाना जेगातसंटोर आंदुर.

मत्‍तयाल 19:22

गानि ओनगा सोम्मु वेल्‍लेन मत्‍ताहाटीं ई पोल्‍ले केंजसि लेय्योड सिम्मरा आसि पेय्सि होत्‍तोर.

मत्‍तयाल 26:15

होंचि, “नना मीक येसुन पीसि हीते, मिमेट नाकु बतल हींतिर?” इंचि इत्‍तोर. अस्‍के ओर ओन्क मुप्‍पै एंडि रूपें हीतुर.

मत्‍तयाल 6:19

मिमेट बूमिपोर्रो दनम जमा कीते अदुन सेदेल तिंचि, सिलुम पीसि नासडेम आंता आनि दोंगाल्क दोसकुंचि ओंतुर. अदुनहाटीं ई बूमिते दनम जमा कियमट.

मरकुस 4:19

गानि सम्‍सारमता रंदि, दनमता आस्‍ति, दिसतवंता गावाले इत्‍ता मनसु, इवन्‍नि मत्‍ताहाटीं पेनदा पोल्‍लेतुन ओनालोप्‍पो बेर्सा हिय्यों. पजा अद पोल्‍लेहेंदाल ओन्क बतल पायदा आयो.

लूकाल 12:21

बच्‍चोर पेद्‍दा सिरमंत मनकल अयना ओर पेनदा मुन्‍ने सिरमंतुड आयोर, बारित्‍ते ओर ओनाहाटींगें आस्‍ति जमा कींतोर इंचि. ई वेसुडिते ई मनकना गति गुडा अल्हेन आता.”

लूकाल 21:35

बारित्‍ते अद रोजु इद बूमिपोर्रो मनना अंटोर लोकुल्‍कुनपोर्रो अल्हेन अर्रानद मंता.

प्रेरितुल्‍कुना कबाह्‍क 8:20

अस्‍के पत्रु ओन, “निमे कोत्‍ताने पेनदा वरमतुन अस्सा परांतन इंचि इनकुत्‍तिन. अदुनहाटीं नीवा कोत्‍तां नीतोने नासडेम आंतां.

इपीसि 4:22

अय्ते मीवा पडाना पिस्वरते मत्‍ता गुनाल्‍कुन इंदके तेंडसि पोहाट. अव गुनाल्‍क मीलोप्‍पो कराब कबाह्‍क कियाना आसे पुट्‍टिचि मीकुन पाडगीसि पोहंतां.

1 तिमोति 1:9

इंका इव नियमकु नीतिमंतुल्‍कुनाहाटीं रासमळ जर्गाहिल्‍ले. गानि अव अय्ते, नियमकुन पीसि ताकवोराहाटीं, आदेसकुन पीसि ताकवोराहाटीं, बक्‍ति कियवोर आनि पापि लोकुल्‍कुनाहाटीं, अपवित्र आनि सत्‍तेमते ताकवोराहाटीं, तल्‍लुर-बाबोन हव्कानोराहाटीं, मनकालोर्कुन हव्कानोराहाटीं,

1 तिमोति 3:7

इच्‍चोने आयका वेरे लोकुल्‍कुना विचाराल्कगुडा ओना बारेमते बेस मनगोम. अल्हा मनाकोंटे ओर सिग्गु पोळागोट्‍कुंचि देय्यमता कय्‍दुक दोर्का परांतोर.

1 तिमोति 6:10

बारित्‍ते कोत्‍तन पोर्रोटा पावरम, अन्‍नि रकाल्कुना सेड्‍डातनाल्कुंक हर्रि पुट्‍टिचंता. बचुटूरो लोकुल्‍क ओरा इच्‍चान दोर्किच्‍कुननाहाटीं विस्वासमताल तप्‍सोत्‍तुर आनि ओरा पिस्वरते वेल्‍लेन दुक्‍कमतुन संपादिंच्‍कुंतुर.

1 तिमोति 6:17

ई दुनियाते मनना सिरमंत लोकुल्‍क, गर्रा कियामन्‍नि. नासडेम आसि होनना दनम पोर्रो आसे इर्राकोंटा, जीवाते मनना पेनदापोर्रो विस्वासम इर्राना. आ पेने मना आनंदमहाटीं गावाले मत्‍तव आ अन्‍नि बेसतवुन इरगा हींता, इंचि ओर्क आदेस हीम.

2 तिमोति 2:26

अस्‍के ओर्कु बेस तेल्वि वासि, ओरा सतता इच्‍चातुन दोर्किच्‍कुननाहाटीं देय्यमता कयदाल इळबळानुर. बारित्‍ते देय्यम सतता इच्‍चान दोर्किच्‍कुननाहाटीं ओर्कुन दोह्‍चि वाटसि इर्ता.

तीतु 2:12

अद दया मनाकु, मनम पेनदुक नच्‍चुवा पिस्वर आनि सततुन आपकुंचि, इद दुनियाते बेस बक्‍तिते, सवरटा हर्दे आनि पेनदुक नच्‍चना पिस्वर पिसगोम, इंचि कराहंता.

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.

यहुदा 1:11

अय्यो, बच्‍चोर गोसा आयार! बारित्‍ते ओर काइन ताकता हर्दे ताकतुर, पाय्दाताहाटीं बिलाम इनानोर कीता तप्पु कीतुर आनि कोरह बल्हा विरोद कीसि नासडेम आतोर, अल्हे ईरगुडा नासडेम आंतुर.