6 पेनदा बक्ति समादानमते कियमळे पेद्दा दनम आंद.
पजा येसु ओरतोनि, “बेस जेगर्ता मंचि, अन्नि लालचकुनाल मीवद मिमेटे लक्कु मंटु! बारित्ते मनकना पिस्वर वेल्लेन आस्ति मत्तेन बेस मनंता इंचि इनकुन्मट,” इंचि इत्तोर.
अस्के इच्चुर सिपाइल्कगुडा ओनगा वासि, “अय्ते मोमोट बतल कीकोम मरि?” इंचि पूसकीतुर. अस्के योहान ओर्क, “मीकु दोर्कना पगारतेन मिमेट कूस मंटु, बोरहेकटाले आयि बेदरिच्चि हिलाकोंटे आबद्दम तप्पु दोस्सि कोत्तां येतमट,” इंचि वेहतोर.
बोर अय्ते पेनदुन पावरम कींतुर, बोर्कुन अय्ते पेन दाना पिलान मत्ताप केयता, ओर्क बसोंटा परिस्तिति वायिना, पेन आ परिस्तिति ओरा बेसताहाटींगे कींता इत्ता पोल्ले मनाकु एरपाटे.
बारित्ते, माकु गळसेमताहाटीं वायाना तकलिपकु, मावाहाटीं मोमोट विचारम किय्योम अच्चोर अव्सरम आतव आनि बस्केळ्क मंदना महिमातुन तयार कींतां.
बारित्ते नना पिस्संतन इत्ते किरिस्तुनाहाटींगे. नना हायिनागानि किरिस्तुनगेन दांतन इंचि हामुरगुडा नावा पायदातदे आंद.
बारित्ते मेंदुलताहाटीं कियना टेरनिंगते गोडच्चेन पायदा मंता. गानि पेनदा बक्ति कीते, अव्टे अन्नि तीरकुना पायदा मंता. इंदकेटा पिस्वर आनि मुन्नेटा पिस्वरहाटीं पेन हीता पोल्ले अव्टे कलियसि मंता.
अदुनहाटीं मनगा तिनालय तिंडि, केर्रालय कपडिं मत्ते, अव्टेन मनम समादानम मनना.
दनमताहाटीं मिमेट आसे पडानायो. मिहगा बतल अय्ते मंता अव्टेन कूस मंटु. बारित्ते पेने कुद्दु इल्हा इत्ता: “नना नीकुन बस्केने होळ्सोन, नना नीकुन बस्केने दिक्कु हिल्वोन किय्योन,” इंचि वेहता.
