1 तिमोति 6:4 - पवित्र पोल्‍ले

⁴ ओर इरगा गर्राते निंडिस मंतोर, ओन्क बतले तेळियो. असंटोर लोल्‍लिं आनि पोल्‍लेन पीसि जगडाल्‍क कियना बिमार आसि मंतोर. दीनहेंदाल अय्ते कळ्‍क पोतमळ, जगडम, अपमानम, कराब अनमानाल्क तयार आंता.

1 तिमोति 6:4 Iomraidhean Croise

प्रेरितुल्‍कुना कबाह्‍क 15:2

ओर लोकुल्‍क कराहता पोल्‍लें पौलुसुंक, बरनाबासुंक नच्‍चा हिल्‍लें. अदुनहाटीं ओरा नड्‍डुम वेल्‍लेन लोल्‍लिं आतां. अय्ते ई लोल्‍लिंकु समादानम पूस कियनाहाटीं पौलुस, बरनाबास आनि इच्‍चुर विस्वासुल्‍क येरुसलेम होंचि अगाटा प्रेरितुल्कुंक, पेद्‍दाल्कुंक कलियना इंचि निरनायम कीतुर.

प्रेरितुल्‍कुना कबाह्‍क 18:15

गानि इद केस, पोल्‍लें, पोरोल्क आनि मीवा दर्मसास्‍त्रमता बारेमते मंता. अदुनहाटीं दीन मीवद मिमेटे नेमाहकुंटु. इसोंटा केसकुना न्‍यायम नना किय्योन,” इंचि इत्‍तोर.

प्रेरितुल्‍कुना कबाह्‍क 8:9

अद नाटे सिमोन पोरोलतोर वरोर मनकल मनुंदुर. ओर होदें-मंत्राल्कुना बलमते इचंत्रमाता कबाह्‍क कीसि, नाके एक्‍को तेळियंता, इंचि वेहकुंचेके सामरिया सहरता लोकुल्‍कुन इचंत्रमते अरहुंदुर.

रोम सहरतोरहाटीं पौलुसना सिट्‍टि 12:16

अंटोरतोनि बेस कलियसि मंटु, पोमाडेंगि वेहकुन्‍मटु. कदर हिल्वा लोकुल्‍कुनतोनि बेस कूळसि मंटु, मोमोटे तेल्विगल्‍लोरम इनकुनमटु.

रोम सहरतोरहाटीं पौलुसना सिट्‍टि 13:13

पोद्‍दला ओप्‍पनालायक मनम ताकाना. अदुनहाटीं लावारिस तिरिया मनि, कराब पार्टिं कियामन्‍नि, रिम्मा वायानव उनामन्‍नि, बोगम कबाह्‍क कियामन्‍नि, जगडाल्‍क कियामन्‍नि, इंकावरोन पोर्रो कळ्‍क पोत्‍ता मन्‍नि, गानि मनम बेसता हर्दे ताकाना.

रोम सहरतोरहाटीं पौलुसना सिट्‍टि 14:1

बोर अय्ते विस्वासमते कमजोर मंतोर, ओन्क बेस कदर हीसि मीलोप्‍पो कल्‍पट. गानि ओनतोनि बद बेसतद, बद बेसतद आयो इंचि वळ्कसेक मनमट.

रोम सहरतोरहाटीं पौलुसना सिट्‍टि 2:8

गानि बोर अय्ते सत्‍तेमते ताकाकोंटा तप्‍पुड कबाह्‍क कीसेके सतताहाटीं पिस्संतुर, ओरपोर्रो पेन होंग आसि सिक्‍सा हींता.

1 कुरेंति 11:16

इदुना बारेमते बोरन्‍ना लोल्‍लि कियानय्ते, ओनकु तेळियाना गदा, मावा इसोंटा रीति आयो, कलिसियातोरदगुडा इसोंटा रीति आयो.

1 कुरेंति 11:18

बस्के अय्ते मिमेट कलिसियाते जमा आंतिर, अस्‍के मीक वरोनद-वरोंक अर्राका अलग आसेक मंतिट इंचि नना मोदाला केंजतन, इदुन नना नम्मंतनगुडा.

1 कुरेंति 3:18

बोरे आयिर ओनद-ओरे पसांचकुनामन्‍नि. बोरन्‍नागिंटा मिहागटाल ई दुनियाते नना तेल्वितोन इनकुनानय्ते, पेनदा नदरते तेल्वितोर आयालय, मोदाला मुर्कनलेसीं आयापींता.

1 कुरेंति 3:3

बारित्‍ते इंदकेगुडा मिमेट मेंदुल्ता इच्‍चा मत्‍तापे ताकसेक मंतिट. इंकावरोना पोर्रो कळ्‍क पोत्‍तना, जगडाल्‍क कियाना गुनम मंता. अय्ते मिमेट मनकना इच्‍चाते ताकानोर आयिरा? दुनियाता लोकुल्‍कुनालेसीं ताकसेक हिल्‍लिरा?

2 कुरेंति 11:20

अचोने आयाका, ओर मीकुन गुलाम किय्‍यिना, लुटांचना, मीवा पायदा येताना, ओरद-ओरे पेद्‍दा कीकुन्‍निना, मीकुन सेंपापोर्रो तनिना इवन्‍नि मिमेट ओर्सकुंचेके मंतिर.

गलातिया 5:15

गानि मिमेटगिंटा नय्‍कु बल्हा उंदांक-उंदि कस्कसेक, इग्‍गिस तिंचेके मनंतंगो अल्हा मनानय्ते उसारते मंटु! उंदि रोज मिमेट वरोनहेंदाल वरोर नासडेम आया परांतिर.

गलातिया 5:26

इंकावरोर होंगुंक वायाकोंटा, गर्रा कियाकोंटा, कळ्‍क पोत्‍तकोंटा मनम मंदकोम.

गलातिया 6:3

बारित्‍ते, बोरे आयिर पेद्‍दातनम हिलाकुना गानि पेद्‍दातनम हुप्‍संतुर, असंटोर ओरद-ओरे पसांचकुंचेके मंतुर.

पिलिपिया 1:15

अव्टेटाल इच्‍चुर कळ्‍क पोत्‍सि, नावा पोर्रोटा पगा तीरिचकुनालय किरिस्‍तुना बारेमते वेहचंतुर, इंका इच्‍चुर बारे बेस उद्‍देसमते वेहचंतुर.

पिलिपिया 2:14

बद कबळ कियिनागानि गुल्‍गाकोंटा, जगडम कियाकोंटा कीम्‍टु.

पिलिपिया 2:3

सतता पाय्दाताहाटीं आयि, पेद्‍दातनम हुप्‍सालय आयि बदे कबळ कियमट. गानि वेरेतोरा कदर कीसेके मनम कुद्‍दु ओरा मुन्‍ने सिन्‍नोड आसि मनना.

कुलुसि 2:18

बोरन्‍ना सतागा सिन्‍नातनम हुपिच्‍कुनानोर, दूताना पूजा कियानोर, हूळता पोल्‍लेनपोर्रो, ओना मनसुना पालतु पोल्‍लेनपोर्रो पेद्‍दिरकेम कियानोना हेंदाल मीवा पेनदा इनामतुन तपिच्‍कुना हियमटु.

2 तेसलोनि 2:4

आ नासडेमता मर्रि, पेन इंचि इनानवुन अन्‍निन, मनकालोर मोळ्‍कानवुन अन्‍निन विरोद कीसि, ओनद ओरे पेद्‍दोन इंचि वेहकुंतोर. ओर पेनदालेसीं पेनदा गुळिते होंचि उद्‍दानुर, आनि ननाने पेनदुन इंचि वेहकुनानुर.

1 तिमोति 1:4

पुट्‍टिचि वेहना कतां, वंसाल्कुना जोलीं ओर होळसियालय आदेस हीम. बारित्‍ते अवुनहेंदाल वाद-विवादकु आंतां विस्वासमहेंदाल जर्गना पेनदा पिलानगुडा पुरागा आयो.

1 तिमोति 1:7

ओर वेहना पोल्‍लेना अर्तम बतलो ओर्के तेळियाकोन्‍ना, गट्‍टि विस्वासमते ओर, मूसाना नियमाल्कुना गुरुल्क आयाना इनकुंचंतुर.

1 तिमोति 3:6

इंका ओर पूनें-पूनें विस्वासमते वातोर आयामन्‍नि, बारित्‍ते असंटोंकु गर्रा वासि देय्यम्‍क दोर्कानसोंटा सिक्‍साता आदेस ओन्क दोर्कार.

2 तिमोति 2:14

इव अन्‍नि पोल्‍लें निमे ओर्कु मति कीसि हीसेक मन्‍नु. इंका केंजानोर्कुन हेळाहनालायक बतले पायदा हिलुवा पोल्‍लेनाहाटीं लोल्‍लिं कियामन्‍नि, इंचि ओर्कुन सामिना मुन्‍ने निलाहचि दटांचि वेहा.

2 तिमोति 2:23

तेल्वि तक्‍को अल्हेन बेकार पोल्‍लेनाल लक्‍कु मन. नीकु अय्ते एरपाटे, असोंटा पोल्‍लें वाद-विवाद जगडाल्‍कुन पुटसंतां.

2 तिमोति 3:4

पसांचंतुर, मंचि-सेड्‍डा विचारम किय्युर, सतता बारेमते पोंगुडतनम पोंगंतुर, पेनदा पावरमकन्‍ना सुकमतुने एक्‍को पावरम कींतुर,

तीतु 3:9

गानि अर्तम हिल्वा लोल्‍लिनाल, वंसाल्कुना बारेमता पोल्‍लेनाल, जगडाल्कुनाल इंका मूसाना नियमकुना बारेमता लोल्‍लिनाल निमे लक्‍कु मन. अव बतक ओज्जानव आयों, अवुनाहेंदाल बतल पायदा इंका वायो.

याकोब 1:19

नावा पावरमगल्‍ला विस्वासुल्‍कुनिटा, मिमेट इद पोल्‍ले तेल्‍पिचकुंटु, हरेक मनकल केंजालय बिराना तयार मंदना, वळ्कालय ओप्के मंदना आनि बिराना होंग वायाकोंटा मंदना.

2 पत्रु 2:12

गानि ईर ई लोकुल्‍क ओर्क तेळियवा पोल्‍लेना बारेमते तेराहसेक मनांतुर, दोर्कापीसि हव्कानाहाटीं पुटता बुद्‍दि हिल्वा जिवरासिनसंटोर ईर आंदुर. अवुनालेसीं ईरगुडा नासडेम आंतुर.

2 पत्रु 2:18

ओर बत्‍तक ओज्जुवा पोंगुळ पोल्‍लें वळ्कसेके मनंतुर, तप्‍पुड हर्रि ताकानोरव्टेटाल तपिच्‍कुंचि इंदके-इंदकेने बेसता हर्दे वातोर्कुन, ओर ओरा मेंदुल्ता रोता आसेना हेंदाल बोगमतनमते अरहंतुर.

यहुदा 1:10

ई लोकुल्‍कुंक बव पोल्‍लें अय्ते तेळियों अवुन हय्सुर, गानि बुद्‍दि हिल्वा जिवरासिनलेसीं बव पोल्‍लें अय्ते ओर्क तेळियंतां अवुनाहेंदाले ओर नासडेम आंतुर.

यहुदा 1:16

इसोंटा लोकुल्‍क गुल्‍गसेक मनानोर, नसीब बरोबर हिल्‍ले इनानोर, ओरा इच्‍चां मत्‍ताप ताकानोर, पेद्‍दिरकेम पोल्‍लें वळ्कानोर, सतता पाय्दाताहाटीं तिय्यटा पोल्‍लें वळकानोर आंदुर.

पेन हुपिस्‍ता पोल्‍लें 3:17

निमे अय्ते, “नना सिरमंतुन, नहगा अन्‍नि मंतां, नाकु बतल तक्‍को हिल्‍ले”, इंचि इनकुंचंतिन. गानि नीकु इदु एरपाट हिल्‍ले गदा, निमे पेद्‍दा हेडसोत्‍तोन, गति हिल्वोन, गरिबोन, गुड्‍डिन, कुळकें मंतिन इंचि.