1 तिमोति 6:20 - पवित्र पोल्‍ले

²⁰ तिमोति, नीकु अप्पजेपतदुन निमे कापाळकुन. बक्‍ति हिल्वा कराब पोल्‍लेनाल लक्‍कु मन. इंका इदे “निजम तेल्वि” इंचि वेहना आबद्‍दम कतानाल लक्‍कु मन.

1 तिमोति 6:20 Iomraidhean Croise

प्रेरितुल्‍कुना कबाह्‍क 16:1

पजा पौलुस मर्रा दिरबे इनना सहर होंचि अगटाल लिसरा इनना सहर होत्‍तोर. हूळा! अगा तिमोति पोरोलतोर वरोर सिस्युड मत्‍तोर. ओना तल्‍लुर यहुदि जातिता उंदि विस्वासि मुरतळ आंद. गानि ओना बाबाल वेरे जातितोर (युनानि जातितोर) मत्‍तोर.

प्रेरितुल्‍कुना कबाह्‍क 17:18

अस्‍के इच्‍चुर इपिकुरि आनि स्तोइकि इनना एक्‍को तेल्वि मत्‍ता लोकुल्‍क ओनतोनि जगडम दोसकुत्‍तुर. अव्टेटाल इच्‍चुर, “ई पिचुर-पिचुर वळकानोर बतल वेहांतन इंचंतोर?” इंचि इत्‍तुर. इंकिच्‍चुर बारे, “ईर अय्ते वेरे जातितोरा पेनदा बारेमते कराहनोर दिसंतोर” इंचि इत्‍तुर. पौलुस येसुना बारेमते आनि ओर हासि मर्रा जीवाते तेदतदुन बारेमते कराहुंदुर इंचि ओर अल्हा इत्‍तुर.

प्रेरितुल्‍कुना कबाह्‍क 17:21

एतेंस सहरता लोकुल्‍क आनि वेरेटागटाल वासि अगा मनना पलाता लोकुल्‍क, बस्‍केळ्‍क बतलन्‍ना पूनद केंजालय आनि दाना बारेमते चर्चा कियमळ तप्‍पा इंका वेरे बतले कबळ कियाकोंदुर.

रोम सहरतोरहाटीं पौलुसना सिट्‍टि 1:22

“मोमोट तेल्विगल्‍लोरम,” इंचि वेहकुंचि ओर बुद्‍दि हिल्‍वोरलेसीं आतुर.

रोम सहरतोरहाटीं पौलुसना सिट्‍टि 3:2

विलवा अय्ते वेल्‍लेने मंता. अद बल्हा इत्‍ते, पेन दाना पोल्‍लेन मोट्‍टा मोदाला यहुदिल्कुंके हीता.

1 कुरेंति 2:6

मोमोट इद दुनियाता हिलाकोंटे इद दुनियाते नासडेम आयाना अदिकारिल्कुना तेल्वि वेहोम, गानि विस्वासमते गट्‍टिगा मत्‍तोर्कुंके तेल्वि वेहंतोम.

1 कुरेंति 3:19

दुनियाता तेल्वि पेनदा मुन्‍ने मुर्कतनमतद आंद. बारित्‍ते, “पेन तेल्वितोर्कुन ओरा उस्सारतनमता लोप्पो पसांचंता,” इंचि दर्मसास्‍त्रमते रासि मंता.

कुलुसि 2:18

बोरन्‍ना सतागा सिन्‍नातनम हुपिच्‍कुनानोर, दूताना पूजा कियानोर, हूळता पोल्‍लेनपोर्रो, ओना मनसुना पालतु पोल्‍लेनपोर्रो पेद्‍दिरकेम कियानोना हेंदाल मीवा पेनदा इनामतुन तपिच्‍कुना हियमटु.

कुलुसि 2:8

मिमेट जेगर्ताते मंटु! बोरन्‍ना वासि मीकुन दुनियाता तेल्वि पोल्‍लें, एर्तम दोका हिय्यना पोल्‍लें वेह्‍चि पसांचा परांतुर, अव पोल्‍लें मनकालोर्कुना रीतिरिवाजकुनालेसीं, दुनियाते एनकटा कराहता पोल्‍लेनलेसीं मंतां गानि किरिस्‍तुना पोल्‍लेनलेसीं हिल्‍लें.

2 तेसलोनि 1:4

अचोने आयाका मिमेट तकलिपकुन, बादन ओप्के पीसि पेनदा लोप्पो गट्‍टिगा विस्वासमते निल्‍सि मंतिर. अदुनहाटीं मोमोट मीवा बारेमते पेनदा कलिसियाने पेद्‍दातनम वेहकुंचेके मंतोम.

2 तेसलोनि 2:15

अदुनहाटीं विस्वासुल्‍कुनिटा! गट्‍टिगा निल्‍सि मंटु, मावा तोळ्‍दाल पेय्सता पोल्‍लेहेंदाल, सिट्‍टिताल बव रीति-रिवाजकु अय्ते मीक कराहतोम अवुन पीसि ताकट.

1 तिमोति 1:11

तल्‍सकुननालायक पेनदाहेंदाल वाता महिमामय बेसता कबुरतुन नना कराहना इंचि नाकु अप्पजेपमळ जर्गता.

1 तिमोति 1:2

विस्वासमते नावा निजम मर्रि आता तिमोतिंकु इद सिट्‍टि रासतन. मना पेनबाबानाहेंदाल आनि मना सामि येसु किरिस्‍तुनहेंदाल नीकु कुर्पा, दया आनि सांति दोर्कि.

1 तिमोति 1:4

पुट्‍टिचि वेहना कतां, वंसाल्कुना जोलीं ओर होळसियालय आदेस हीम. बारित्‍ते अवुनहेंदाल वाद-विवादकु आंतां विस्वासमहेंदाल जर्गना पेनदा पिलानगुडा पुरागा आयो.

1 तिमोति 1:6

इच्‍चुर लोकुल्‍क इवनाल तप्‍पिसि वट्‍टि पोल्‍लें वळ्कालय दल्‍गतुर.

1 तिमोति 1:9

इंका इव नियमकु नीतिमंतुल्‍कुनाहाटीं रासमळ जर्गाहिल्‍ले. गानि अव अय्ते, नियमकुन पीसि ताकवोराहाटीं, आदेसकुन पीसि ताकवोराहाटीं, बक्‍ति कियवोर आनि पापि लोकुल्‍कुनाहाटीं, अपवित्र आनि सत्‍तेमते ताकवोराहाटीं, तल्‍लुर-बाबोन हव्कानोराहाटीं, मनकालोर्कुन हव्कानोराहाटीं,

1 तिमोति 4:7

बक्‍ति हिल्वव अल्हेन तयार कीसि वेहना कतानाल मंटु. बस्‍केळ्‍क बक्‍ति पिस्वरते मुन्‍नेळ्‍क ताकाना कोसिसते मंटु.

1 तिमोति 6:11

गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

2 तिमोति 2:1

ना मर्रि तिमोति, किरिस्‍तु येसुनगा मनना कुर्पाते निमे बेस ताकतवर आम.

2 तिमोति 2:16

बक्‍ति हिलुवा वट्‍टि पोल्‍लेनाल तप्पिच्‍कुन, असोंटा पोल्‍लें लोकुल्‍कुन हेळाहचि पेनदागटाल इंकिच्‍चो लक्‍कु कींतां.

तीतु 1:14

यहुदिल्कुना तयार कीता वेसुडिन पोर्रो विस्वासम इर्राकोंटा, सत्‍तेमताल तप्‍सोत्‍ता मनकालोरा आदेसकुनाल लक्‍कु मनांतुर.

तीतु 1:4

विस्वासमते नावा समानम मनना नावा मर्रि तीतुंक इद सिट्‍टि नना रासेक मंतन. पेनबाबनहेंदाल आनि मनाकुन पिसागोटनोर किरिस्‍तु येसुनहेंदाल नीकु कुर्पा, सांति दोर्किकांटी.

तीतु 1:9

इंका ओन्क कराहता सत्‍तेम पोल्‍लेतुन ओर विस्वासमते गट्‍टिगा पीसि मनगोम. अल्हा मत्‍तेने ओर लोकुल्‍कुंक सत्‍तेम पोल्‍लें वेहचि ओर्क कराह पर्रांतोर आनि एदुर वळकानोरा तोड्‍डिं मुच्‍चा पर्रांतोर.

तीतु 3:9

गानि अर्तम हिल्वा लोल्‍लिनाल, वंसाल्कुना बारेमता पोल्‍लेनाल, जगडाल्कुनाल इंका मूसाना नियमकुना बारेमता लोल्‍लिनाल निमे लक्‍कु मन. अव बतक ओज्जानव आयों, अवुनाहेंदाल बतल पायदा इंका वायो.

पेन हुपिस्‍ता पोल्‍लें 3:3

अदुनहाटीं केंजता बोदातुन निमे बल्हा ओप्कुत्‍तिनो अदुन मति कीम. मति कीसि अल्हे ताका आनि मनसु मार्सकुन. ओक्‍कला निमे जेगर्ता मनाकोंटे, नना वरोर दोंगानलेसीं वांतन, नना बद वेलाक निहागा वांतन, दाना पत्‍तागुडा नीकु दल्‍गो.