1 तिमोति 6:18 - पवित्र पोल्‍ले

¹⁸ इचोने आयका इंका ओर्क आदेस हीम गदा, ओर बेस कबाह्‍क कीसेक मनना, बेस कबाह्‍क कीसे सिरमंत आयाना. मनागा मत्‍तदुनाल अव्‍सरम मत्‍तोंक, पंचि हियालय बस्‍केळ्‍क मनसुनाल तयार मनगोम.

1 तिमोति 6:18 Iomraidhean Croise

मत्‍तयाल 5:42

बोरन्‍ना नीकुन बतलन्‍ना तल्‍कते अद ओन्क हीम. उद्‍देरा तल्किनागानि, हिल्‍ले इनमा.

लूकाल 12:21

बच्‍चोर पेद्‍दा सिरमंत मनकल अयना ओर पेनदा मुन्‍ने सिरमंतुड आयोर, बारित्‍ते ओर ओनाहाटींगें आस्‍ति जमा कींतोर इंचि. ई वेसुडिते ई मनकना गति गुडा अल्हेन आता.”

लूकाल 3:11

अस्‍के योहान, “बोनगा रोंडु अंगिं मंतां, ओर ओनद उंदि अंगि, अंगि हिल्वोंकु हियना आनि बोनगा अय्ते गाटो मंता, ओरगुडा हिल्वोंकु तूस कीसि हियना,” इंचि वेहतोर.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

प्रेरितुल्‍कुना कबाह्‍क 11:29

अस्‍के अंताकियाते मत्‍ता अंटोर सिस्युल्क ओरा-ओरा एलवान परकारम यहुदियाते मनना विस्वासुल्कुंक सहायमहाटीं बतलन्‍ना लोहना इंचि निरनायम एततुर.

प्रेरितुल्‍कुना कबाह्‍क 9:36

यापा सहरते उंदि विस्वासि मुरतळ मनुंदु, दाना पोरोल तबिता. तबिता इत्‍ते युनानि बासाते, दोरकस, इत्‍ते तल्‍लुर दुप्‍पि इंचि अर्तम. अद मुरतळ बस्‍केळ्‍क बेसता कबाह्‍क कीसेके, गरिबोर्कुंक दान-दर्मम कीसेके मनुंदु.

रोम सहरतोरहाटीं पौलुसना सिट्‍टि 12:13

पेनदा लोकुल्‍कुंक अव्‍सरम अरतस्के मिहगा मत्‍तद ओर्क हीसि सहायम कीम्‍टु, बोरन्‍ना विस्वासुल्‍क मी लोन वातस्के ओरा सेवा कियालय बस्‍केळ्‍क तयार मंटु.

रोम सहरतोरहाटीं पौलुसना सिट्‍टि 12:8

कराहचि दैरनेम हियना वरम दोर्कतोर कराहचेके दैरनेम हीसेक होनना, दानम किया परानोर ओर पूरा मनसुनाल दानम कियगोम, लीडर आसि लोकुल्‍कुन ताकसना वरम दोर्कतोर जिम्मेदारिते ओर्कुन ताकिच्गोम आनि दया कियना वरम दोर्कतोर ओर कुसिते दया कियगोम.

1 कुरेंति 16:2

नना वाता पजाने चंदा जमा कियमट, गानि मीवव्टेटाल हरेक मनकल ओना कमाइता इसाबते वारमता मोदाटा रोज इच्‍चुक कोत्‍तां जमा कीसि इर्रट.

2 कुरेंति 8:12

कोत्‍तां हिय्याना इंचि मीवा इच्‍चा मत्‍ते, मिमेट बच्‍चोन हींतिट, अद पोल्‍ले आयो गानि, मिमेट पूरा मनसुनाल हीते पेन अदुन ओप्‍कुंता.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

गलातिया 6:10

अय्ते मरि, मनाकु बल्हा मोका दोर्कते अल्हा अंटोराहाटीं, एक्‍कोते-एक्‍को मना विस्‍वासुल्‍कुनाहाटीं बेस सहायम कीकोम.

इपीसि 4:28

बोर अय्ते मुन्‍ने दोंगातनाल्‍क कियुंदुर, ओर इंदके अदुन होळसियना. सतता कय्‍कुने कस्‍टम कीसि, बेस तरिकाते कमांचना. अस्‍केन, अव्‍सरम मत्‍तोर्क ओर सहायम किया पर्रंतोर.

1 तिमोति 5:10

इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

तीतु 3:8

इद पोल्‍ले निजम आंद. आनि निमे इव पोल्‍लें दटांचि वेहाना इंचि नावा इच्‍चा मंता. निमे दटांचि वेहतेने, बोर अय्ते पेनदुन विस्वासम कीतुर, ओर जेर्गताते मंचेके बेसता कबाह्‍क कीसेके मनांतुर. बारित्‍ते इव अन्‍नि मनकालोरहाटीं बच्‍चोनो बेस आनि पायदता पोल्‍लें आंदुं.

इब्रि 13:16

वेरेतोराहाटीं बेस कियमळतुन आनि मिहगा मत्‍तव्टेटाल ओर्कु तूस हियमळतुन होळ्‍समट. इल्‍हा कियमळगुडा उंदि मोक्‍के आंद. दीनहेंदाल पेन कूस मनंता.

याकोब 2:5

नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

1 पत्रु 3:11

ओर कराब कबाह्‍कुन होळसिसि बेसता कबाह्‍क कियाना, ओर सांतितुन पहकिसि दान पीसि ताकाना.

1 योहान 3:17

गानि बोनागन्‍ना वेल्‍लेन दनम-संपत्‍ति मंचि, ओना दादांको, तम्मुंको अवसरम मंता इत्‍तद तेळियसिगुडा ओना जीवा नोय्याकोंटे, ओनगा पेनदा पावरम मंता इंचि बल्हा इनकोम?

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.