1 तिमोति 6:13 - पवित्र पोल्‍ले

^13-14 अन्‍निटवुन जीवाते इर्रना पेनदा मुन्‍ने आनि पुंतुस पिलातुसना मुन्‍ने बेस गवाइ हीता किरिस्‍तु येसुना मुन्‍ने, नना नीकु आदेस हीसेक गदा, मना सामि येसु किरिस्‍तु मर्रा वायनदाका, निमे ई आदेसतुन बदे तप्पु डागु आनि दोसेम अंटाकोंटा कापाळसेके इर्रा.

1 तिमोति 6:13 Iomraidhean Croise

मत्‍तयाल 27:11

पजा येसुन पिलातुस राज्यपालना मुन्‍ने निपिस्तस्‍के, राज्यपाल ओन, “निमे यहुदिल्कुना राजाना?” इंचि पूसकीतोर. अस्‍के “निमे इंचेकेने गदा,” इंचि येसु इत्‍तोर.

मत्‍तयाल 27:2

पजा ओन दोह्‍चि वाट्‍सि ओसि, पिलातुस राज्यपालुंक अप्पजेपतुर.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 19:11

अस्‍के येसु, “पोर्रो मनना पेन आ अदिकारम नीकु हीता, अचोने! हिलाकोंटे नीकु नावापोर्रो बतले अदिकारम हिल्‍ले. अदुनहाटीं, नाकुन नीवा कय्‍दुक अप्पजेपतोंके एक्‍को पापम दल्‍गंता,” इंचि इत्‍तोर.

योहान 5:21

बल्हा अय्ते बाबो हातोर्कुन मर्रा जीवाते तेहंतोरो, अल्हेन मर्रिगुडा ओन्क इस्‍टमातोर्कुन मर्रा जीवाते तेहंतोर.

योहान 5:26

बल्हा अय्ते पेनबाबाल कुद्‍दु पिस्वरता मालक आंदुर, अल्हेन मर्रिनगुडा पिस्वरता मालक कीतोर.

प्रेरितुल्‍कुना कबाह्‍क 17:25

दानगा बतले तक्‍को हिल्‍ले. इंका अदे अंटोर्क ऊपिरि, पिस्वर आनि गावाले मत्‍तव अन्‍नि वस्‍तुक हींता. अय्ते असोंटा पेनदुक मनकना कय बतल हिया पर्रंता?

2 कुरेंति 9:13

बारित्‍ते मिमेट इद सेवा कीसि, किरिस्‍तुना बेसता कबुरतुन ओप्‍कुंचि अद मत्‍ताप ताकसेक मंतिर. अचोने आयाका पेनदा लोकुल्‍कुंक, वेरे अंटोर्कुंक मीवा मनसुनाल सहायम कीसेक मंतिट. इदुन हूळसि ओर पेनदा महिमा कींतुर.

गलातिया 3:26

येसु किरिस्‍तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.

1 तिमोति 1:12

मना सामि येसु किरिस्‍तु नाकु बलम हीतोर अदुनहाटीं नना ओन्क दन्यवाद कींतन. इंका नाकुन विस्वासम लायकतोर इन्कुंचि ओना सेवाताहाटीं निलाहतोर.

1 तिमोति 1:15

पापिर्कुन पिसागोटनाहाटीं येसु किरिस्‍तु इद दुनियाते वातोर. ई पोल्‍ले सत्‍तेम आनि पूरा ओप्कुननालायक मंता. अंटोर्कन्‍ना पेद्‍दा पापिन नना आंदुन.

1 तिमोति 2:5

बारित्‍ते पेन उंदे आंद. इंका मनकन आनि पेनदुन कल्‍पालय नड्‍डुमगुडा वरोरे मंतोर. ओरगुडा वरोर मनकले. ओरे किरिस्‍तु येसु आंदुर.

1 तिमोति 5:21

पेन, किरिस्‍तु येसु आनि पेन पेरता पेनदा दूतन मुन्‍ने इर्सि नना नीकु गट्‍टिगा आदेस हीसेक गदा, बदे उंदि बाजुन पियाकोंटा, सिन्‍ना-पेद्‍दा इनाकोंटा निमे इव नियमकुन पीसि ताका.

1 तिमोति 6:12

नीवा विस्वासमतुन दक्‍किच्‍कुनालय बेस लडाइ कीसेके मन्‍नु, बस्‍केळ्‍क पिस्सना पिस्वरतुन गट्‍टिगा पीसि ताका, इद पिस्वरहाटींगे नीकुन केयमळ जर्गता. ई मंचि पोल्‍लेतुन निमे वेल्‍लेन मंदि गवाइदार्कुना मुन्‍ने ओप्कुत्‍तिन.

पेन हुपिस्‍ता पोल्‍लें 21:6

पजा मरुंदि मल्का नाकु इल्‍हा वेहतोर, “इव पोल्‍लें पुरागा आतां. अल्‍पा आनि ओमेगा, मोदोल आनि आकिर ननाने आंदुन. दूपाते मत्‍तोर्कुंक नना पिस्वरता एता ऊटाताल एर पुक्‍कटते हींतन.

पेन हुपिस्‍ता पोल्‍लें 22:1

अस्‍के पेनदा दूता नाकु सक्‍कगा मिटकरा मनना पिस्वरता एर हिय्यना बेरेटुन हुपिस्‍ता. अद बेरेड पेनदा आनि गोर्रे पोरिना राजगद्‍देताल सुरुव आसि, अद सहरता पेद्‍दा हरदा नड्‍डुमताल पोंगसेक मनुंदु. अद बेरेटा ओड्‍डुंक रोंडु पक्‍काने पिस्वर हियना मराक मत्‍तां. अव मराक वर्साता हरेक नेलाते पन्‍नेंड तीरकुना पंडि हादसेकेन मनुंदु. दुनियाता अन्‍नि देसेल्‍कुना लोकुल्‍क अव मराकुना आकिने बेस आयुंदुर.

पेन हुपिस्‍ता पोल्‍लें 3:14

लोदिकिया सहरता कलिसियाता दूताक इल्‍हा रासा. बोर अय्ते आमीन इननोर, विस्वासमगल्‍लोड, निजम गवाइ वेहानोर, इंका पेन तयार कीता अन्‍निटवुने मोदोल मनकल आसि मंतोर, इव पोल्‍लें ओनव आंदुं.