1 तिमोति 6:12 - पवित्र पोल्‍ले

¹² नीवा विस्वासमतुन दक्‍किच्‍कुनालय बेस लडाइ कीसेके मन्‍नु, बस्‍केळ्‍क पिस्सना पिस्वरतुन गट्‍टिगा पीसि ताका, इद पिस्वरहाटींगे नीकुन केयमळ जर्गता. ई मंचि पोल्‍लेतुन निमे वेल्‍लेन मंदि गवाइदार्कुना मुन्‍ने ओप्कुत्‍तिन.

1 तिमोति 6:12 Iomraidhean Croise

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

2 कुरेंति 9:13

बारित्‍ते मिमेट इद सेवा कीसि, किरिस्‍तुना बेसता कबुरतुन ओप्‍कुंचि अद मत्‍ताप ताकसेक मंतिर. अचोने आयाका पेनदा लोकुल्‍कुंक, वेरे अंटोर्कुंक मीवा मनसुनाल सहायम कीसेक मंतिट. इदुन हूळसि ओर पेनदा महिमा कींतुर.

पिलिपिया 1:30

नना अरता तिप्पल्कुन मिमेट हूळतिर, इंदके केंजसंतिर आनि मिमेटगुडा अदे तिप्पल्कुने मंतिर.

कुलुसि 3:15

मीवा मनसुने किरिस्‍तुना सांतिता राज्येम ताकिकांटी, इदुनहाटींगे मीकुन उंदि मेंदुल आसि केयमळ जर्गता. पेनदुक बस्‍केळ्‍क दन्यवाद कीम्‍टु.

2 तेसलोनि 2:14

इल्‍हा मिमेट मना सामि येसु किरिस्‍तुना महिमातुन दोर्किच्‍कुनना इंचि, पेन मोमोट वेहता बेसता कबुरताहेंदाल मीकुन केयता.

1 तिमोति 1:18

कोको तिमोति! पेनदा कबुरतोर नीवा बारेमते मुन्‍ने बव पोल्‍लें अय्ते वेह्‍चि मत्‍तुरो, आ पोल्‍लेना परकारम, निमे नीवा विस्वासमतुन गट्‍टिगा पीसि, मनसुना बेस पोल्‍ले पीसि वरोर बेस सिपाइलेह्का लडाइ कीसेके मनना इंचि नना नीकु आदेसतुन अप्पजेपसंतन. बारित्‍ते मनसुना पोल्‍लेतुन हय्सका वेल्‍लेन मंदि लोकुल्‍क, उंदि डोंगा रोंडु तुकडां आसोत्‍ताप, ओर ओरा विस्वासमतुन नासडेम कीकुत्‍तुर.

1 तिमोति 4:14

पेद्‍दाल्क नीपोर्रो कय्‍क इर्सि पारतना कियनेंके, बविस्यवानि कियानोर वेहता आ वरम नीकु दोर्कता. अद वरमतुन निमे वाळकुन, दान मति मर्गुमा.

1 तिमोति 6:13

अन्‍निटवुन जीवाते इर्रना पेनदा मुन्‍ने आनि पुंतुस पिलातुसना मुन्‍ने बेस गवाइ हीता किरिस्‍तु येसुना मुन्‍ने, नना नीकु आदेस हीसेक गदा, मना सामि येसु किरिस्‍तु मर्रा वायनदाका, निमे ई आदेसतुन बदे तप्पु डागु आनि दोसेम अंटाकोंटा कापाळसेके इर्रा.

1 तिमोति 6:19

इल्‍हा कीसेके मत्‍ते, मुन्‍नेटा पिस्वरहाटीं ओर उंदि बेस पुनादि तयार कीकुंतुर, आनि बस्‍केळ्‍क पिस्सना पिस्वर पिस्सेक मनंतुर.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

2 तिमोति 4:7

सामिना पोर्रोटा विस्वासम बारेमता लडाइते, नना लडाइ बेस कीतन, नना बेस वित्‍तुतन. नावा विस्वासमतुन नना कापाळकुत्‍तन.

इब्रि 13:23

मना तम्मुनसोंटा तिमोति जेलनाल पेय्सता पोल्‍लेतुन मिमेट तेल्‍पिचकुंटु. ओर ओक्‍कला नहगा बिराना वाते, नना ओनतोनि, मीकु कलियालय वांतन.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

इब्रि 6:18

पेन हीता पोल्‍ले आनि ओट्‍टु, इव रोंडु बस्‍केने बदलांचो. इवुना बारेमते पेन बस्‍केने आबद्‍दम वळ्का पर्रो. मनम बद आसेहेके अय्ते होनालय पेय्सतोमो, अद आसेहेके मनम इंकिच्‍चो गट्‍टि दैरनेमते होनना इंचि पेन अल्हा माकु रोंडु मल्कां गेरांटि हीता.

1 पत्रु 3:9

कराबता बदला कराबतोनि एतमट; तेराहतोर इंचि तेराहमट गानि ओर्क आसिर्वाद हीम्टु. बारित्‍ते मीक आसिर्वाद दोर्काना इंचि पेन मीकुन केयता.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

1 योहान 2:25

किरिस्‍तु मनाकु बस्‍केळ्‍क पिस्सना पिस्वर हींतन इंचि पोल्‍ले हीतोर, अद इदे आंद.

यहुदा 1:3

पावरमगल्‍लोरिटा! मनाक अंटोर्क दोर्कता मुक्‍तिता बारेमते मीकु रासाना इंचि इनकुंचेके मत्‍तन, गानि इंदके विस्वासमता बारेमते रासि दाना सत्‍तेमतुन कापाळनाहाटीं मीक तेळियागोटसि वेहाना इंचि नाक अव्‍सरम अनपिस्ता. ई सत्‍तेमतुन पवित्र लोकुल्‍कुंक बस्‍केळ्‍ताहाटीं उंदे मल्का हियमळ जर्गता.

पेन हुपिस्‍ता पोल्‍लें 3:3

अदुनहाटीं केंजता बोदातुन निमे बल्हा ओप्कुत्‍तिनो अदुन मति कीम. मति कीसि अल्हे ताका आनि मनसु मार्सकुन. ओक्‍कला निमे जेगर्ता मनाकोंटे, नना वरोर दोंगानलेसीं वांतन, नना बद वेलाक निहागा वांतन, दाना पत्‍तागुडा नीकु दल्‍गो.