1 तिमोति 6:11 - पवित्र पोल्‍ले

¹¹ गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

1 तिमोति 6:11 Iomraidhean Croise

रोम सहरतोरहाटीं पौलुसना सिट्‍टि 14:19

अदुनहाटीं मनम बस्‍केळ्‍क सांति दोर्कानव आनि विस्वासमते बेर्सना कबाह्‍क कीकोम.

1 कुरेंति 10:14

अदुनहाटीं नावा पावरमगल्‍ला विस्वासुल्‍कुनिटा! बोम्मना पूजेनाल लक्‍कु मंटु.

1 कुरेंति 14:1

पावरम इद मीवा लक्‍से मन्‍निकांटी. आत्माता वराल्कुन पह्काटु, बविस्यवानि वेहना वरम पहकसेकेन मंटु.

1 कुरेंति 6:18

व्यबिचारमताल लक्‍कु मंटु. मेंदुल्ता पलाताल वायना पापाल्क अच्‍चोर बतल किय्यों, गानि बोर अय्ते व्यबिचारम कींतोर, ओर ओनादे मेंदुल्क अड्‍डम पापम कींतोर.

1 तिमोति 1:14

मना सामिना कुर्पा नाकु वेल्‍लेन दोर्कता. अचोने आयका, येसु किरिस्‍तु ओनगा मनना विस्वासम आनि पावरमगुडा नाकु हीतोर.

1 तिमोति 4:12

नीवा लेय्यातनमहेंदाल बोरे नीकुन सिन्‍नगा हूळानायो. गानि वळ्कुमळते, ताकमळते, पावरम हूप्‍समळते, विस्वासमते, पवित्र मनमळते विस्वासुल्‍क नीकुन हूळसि करियगोम, अल्हा मन्‍नु.

1 तिमोति 5:10

इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

1 तिमोति 6:20

तिमोति, नीकु अप्पजेपतदुन निमे कापाळकुन. बक्‍ति हिल्वा कराब पोल्‍लेनाल लक्‍कु मन. इंका इदे “निजम तेल्वि” इंचि वेहना आबद्‍दम कतानाल लक्‍कु मन.

2 तिमोति 2:21

अदुनहाटीं बोरन्‍ना मनकल इलुवा तक्‍कोतोर मनानय्ते, ओर पेद्‍दा-पेद्‍दा कबाह्‍कुने वाळकुनना बोळिंलेह्काटोर आयनुर. अस्‍के ओर पवित्र आसि ओना मालकुना कबळ्‍क ओज्‍जंतोर पजा अन्‍नि तीरकुना बेसता कबाह्‍क कियालय ओर तयार मनंतोर.

2 तिमोति 2:22

लेय्यातनमते वायाना कराब इच्‍चानाल लक्‍कु मन. पवित्र मनसुने सामिंक आरादना कीसेके मनानोरतोनि कलियसि नीतिते, विस्वासमते, पावरमते, सांतिते मनालय कोसिस कीम.

2 तिमोति 3:10

गानि निमे नावा कराहमळतुन, ताकमळतुन, नना पिस्सना उद्‍देसमतुन, विस्वासमतुन, ओप्केतुन, पावरमतुन, नावा दैरनेमतुन,

2 तिमोति 3:17

अद बल्हा इत्‍ते, दर्मसास्‍त्रमहेंदाल पेन दाना हरेक मनकन पुरागा दानालायक कीसि, अन्‍नि तीरकुना बेसता कबाह्‍क कियनाहाटीं, ओर्कुन तयार कींता.

इब्रि 12:14

अंटोर मनकालोरतोनि सांतिते कलियसि पवित्र मनना कोसिस कीम्‍टु, अल्हा मनाकोंटे बोरे मनकल सामिनगा होना पर्रोर.

1 पत्रु 3:11

ओर कराब कबाह्‍कुन होळसिसि बेसता कबाह्‍क कियाना, ओर सांतितुन पहकिसि दान पीसि ताकाना.