1 तिमोति 5:22 - पवित्र पोल्‍ले

²² कलिसियाता पेद्‍दा मनकल इंचि निलाहनाहाटीं, बोन पोर्रेन गाबर आसि कय इरमा. वेरेतोरा पापाल्कुने निमे पालिगाड आयमा. इंका नीवद निमे बस्‍केळ्‍क पवित्र ईर्कुन.

1 तिमोति 5:22 Iomraidhean Croise

प्रेरितुल्‍कुना कबाह्‍क 13:3

अस्‍के ओर ओक्‍कापोद्‍दु मंचि पारतना कीसि ओरापोर्रो कय इरसि ओर्कुन लोहचीतुर.

प्रेरितुल्‍कुना कबाह्‍क 18:6

गानि यहुदि लोकुल्‍क पौलुसुन हय्‍सा हिल्‍लुर. ओना अपमानम कीतुर. अस्‍के पौलुस ओना कपडिं दुल्‍पसेके ओर्कुन, “मीवा नेत्‍तुर मीवा तल्‍लापोर्रो अर्रि. अव्टे नावद बतल दोसेम हिल्‍ले. इंदकेटाल नना वेरे जातितोर हेके दांतन,” इंचि इत्‍तोर.

प्रेरितुल्‍कुना कबाह्‍क 20:26

दानहाटीं इय्याला नना वेहासेक मंतन गदा, मीवा लोप्पोटाल बोरन्‍ना आयिर, हासोत्‍ते दान्क जबाबदारी नना आयोन.

प्रेरितुल्‍कुना कबाह्‍क 6:6

पजा ईर एडुरकुन प्रेरितुल्कुना मुन्‍ने निलाहतुर. अस्‍के प्रेरितुल्क ओरपोर्रो कय इरसि पारतना कीतुर.

इपीसि 5:11

अचोने आयका, बताके ओज्जुवा हीकटता कबाह्‍कुने मिमेट पोत्‍तु आयमट. गानि असोंटा कबाह्‍कुन पलाते अरहट.

1 तिमोति 3:10

ईरा गुनम बसंटदो तेळियनाहाटीं ईरदगुडा परिक्‍सा येतगोम. परिक्‍साते ओरगा बतले दोसेम दोर्काकोंटे, ओर्कुन कलिसियाता सेवक इंचि कबळ किया हियना.

1 तिमोति 3:2

पजा आ पेद्‍दा मनकना पिस्वरते बतले दोसेम मननायो. ओर उंदे मुरतटा मुय्दो आयगोम, ओर ओप्के पीसि मनानोर आयगोम, ओर विचारम कीसि ताकानोर आयगोम, अंटोर ओना कदर कियनालायक ओर मनगोम, ओर वेरेतोर्कुन बेस हूळकुनानोर आयगोम आनि वेरेतोर्क कराहनालायकगुडा मनगोम.

1 तिमोति 3:6

इंका ओर पूनें-पूनें विस्वासमते वातोर आयामन्‍नि, बारित्‍ते असंटोंकु गर्रा वासि देय्यम्‍क दोर्कानसोंटा सिक्‍साता आदेस ओन्क दोर्कार.

1 तिमोति 4:12

नीवा लेय्यातनमहेंदाल बोरे नीकुन सिन्‍नगा हूळानायो. गानि वळ्कुमळते, ताकमळते, पावरम हूप्‍समळते, विस्वासमते, पवित्र मनमळते विस्वासुल्‍क नीकुन हूळसि करियगोम, अल्हा मन्‍नु.

1 तिमोति 4:14

पेद्‍दाल्क नीपोर्रो कय्‍क इर्सि पारतना कियनेंके, बविस्यवानि कियानोर वेहता आ वरम नीकु दोर्कता. अद वरमतुन निमे वाळकुन, दान मति मर्गुमा.

2 तिमोति 1:6

इदुनहाटीं नना नीकु मति कीसि हियानद बतल इत्‍ते, नना नीवा पोर्रो कय इरतस्के, पेनदाहेंदाल नीकु उंदि वरम दोर्कता. अद वरमतुन निमे बस्‍केळ्‍क एल्‍गिच्‍चि इर्रा.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

इब्रि 6:2

बापतिस्माता बारेमते करियमळ, तल्‍लापोर्रो कय इरमळ, हासि मर्रा जीवाते तेदमळ आनि बस्‍केळ्‍ताहाटीं मनना न्‍यायम बारेमते करियमळ, इसोंटा किरिस्‍तुना बारेमते सुरुवने करियता बोदाना बारेमते मीकु मर्रा-मर्रा वेहाना अव्‍सरम हिल्‍ले.

2 योहान 1:11

बारित्‍ते, बोर अय्ते असंटोन हेरा हींतोर, ओर ओना तप्‍पुड कबाह्‍कुने कलियसि मत्‍तोना लेक्‍काते वांतोर.

पेन हुपिस्‍ता पोल्‍लें 18:4

अस्‍के स्वर्गमताल इंकुंदि आवाज इल्‍हा केंजावाता गदा, “ना लोकुल्‍कुनिटा दाना पापमते कलियमटु, दानपोर्रो वायना गंडाल्कु मीपोर्रो वायामन्‍नि इत्‍ते दानगटाल पलाते पेय्‍सट.