1 तिमोति 5:20 - पवित्र पोल्‍ले

²⁰ बस्‍केळ्‍क पापम कीसेक मनानोन अंटोरा मुन्‍ने तेरहा. अस्‍के कळमातोर अल्हा कियाकोंटा वेर्रेते मनांतुर.

1 तिमोति 5:20 Iomraidhean Croise

प्रेरितुल्‍कुना कबाह्‍क 19:17

इद संगति इपीसिते मनना अंटोर यहुदिल्कुंक, युनानि लोकुल्‍कुंक तेळियता. अदुनहाटीं ओर अंटोर इरगा वेरियतुर. येसु सामिना पोरोलता कदर बेर्स्‍सेके होत्‍ता.

प्रेरितुल्‍कुना कबाह्‍क 5:11

अस्‍के येरुसलेमता कलिसियातोर अंटोर, ई पोल्‍लें बोर अय्ते केंजतुरो ओर अंटोर बागा वेरियतुर.

प्रेरितुल्‍कुना कबाह्‍क 5:5

ई पोल्‍लें केंजतारित्‍तेन हनन्‍याल हिळु अर्सि जीवा होळ्‍सतोर. अचोने आयका ई पोल्‍लें केंजतुर अंटोर्क पेद्‍दा वेर्रे दल्‍गता.

2 कुरेंति 7:11

निजम हूळते, पेनदाहेंदाल वाता दुक्‍कम बक्‍तिते मनालय मीकुन बच्‍चोनो बदलांचता. मीलोप्‍पो बच्‍चोनो जोस, सत्‍तेमतोरम इंचि हुपुसमळ, अन्‍यायमता विरोद कियमळ, वेर्रेते मनमळ, नाकु कलियानाहाटीं मीवा जीवा बागाने तन्‍लाळमळ, सेवाता इच्‍चा, तप्‍पु कीतोन सिक्‍सा कियमळ. इवन्‍नि पोल्‍लेने मीलोप्‍पो तप्‍पु हिल्‍ले इंचि मिमेट निजम कीसि हुपिस्‍तिर.

इपीसि 5:11

अचोने आयका, बताके ओज्जुवा हीकटता कबाह्‍कुने मिमेट पोत्‍तु आयमट. गानि असोंटा कबाह्‍कुन पलाते अरहट.

1 तिमोति 1:20

विस्वासमतुन नासडेम कीकुत्‍तोरव्टेटाल हुमिनयुस आनि सिकंदर ईर इव्वुर मंतुर. पेनदुन बदनाम कियाकोंटा बल्हा मनना इत्‍ता पोल्‍ले करियना इंचि नना ईर्कुन देय्यम्‍क अप्पजेपतन.

2 तिमोति 4:2

पेनदा पोल्‍लेतुन, टाइम दोर्किना दोर्काकोन्‍ना प्रचार कियालय तयार मन, अन्‍नि तीरकुना ओप्‍केते ओर्कु कराहसेके, दटांच्‍सेके तेळियागोट्‍सि वेहा.

तीतु 1:13

ओर वेहता गवाइ निजमे आंद. अदुनहाटीं आबद्‍दम बोदातुन नम्मना विस्वासुल्कुंक गट्‍टिगा वेर्रे वेहा. अस्‍केन ओर सत्‍तेम विस्वासमते गट्‍टिपळांतुर.

तीतु 2:15

इव अन्‍नि पोल्‍लें निमे पूरा अदिकारमते दटांचि तेळियागोट्‍सि वेहा, करहा. नीकुन सिन्‍नगा बोने हूळा हियमा.