1 तिमोति 5:17 - पवित्र पोल्‍ले

¹⁷ कलिसिया ताकसानोरव्टेटाल बोर अय्ते बेस कलिसिया ताकसंतोरो, ओन्क वेल्‍ले कदर हियगोम. विसेस कीसि बोर अय्ते प्रचार कियालय, कराहलय कस्‍टपळंतोरो ओन्क रोंड अंताल्‍क कदर दोर्कुगोम.

1 तिमोति 5:17 Iomraidhean Croise

मत्‍तयाल 24:25

हुळाट! नना अय्ते इव पोल्‍लें मीक मुन्‍नेने वेहचीतन.

लूकाल 10:7

कबळ कियानोंकु बूति दोर्कंता. अदुनहाटीं मिमेट बद लोन अय्ते दांतिटो अद लोतुर बतल हींतुरो अद तिंचेक-उंचेके अदे लोते मंटु, अलग-अलग लोह्कुने मनमट.

लूकाल 12:42

अस्‍के सामि इल्‍हा इत्‍तोर: “मालक हिल्वस्के ओनगा कबळ कियानोर्कुंक वेलापोर्रो गाटो-जावा दोस्‍सालय, वरोर बेस तेल्विगल्‍लोड, विस्वासमलायक दिवांजि मालाकुंक गावाले. अय्ते असोंटा सेवक बोर मंतोर?

योहान 4:38

बोरो वेरेतोर कस्‍टपळसि पंडिस्ता पंटातुन कोय्‍यालय नना मीकुन लोहतन. मिमेट कस्‍टपळा हिल्‍लिर, गानि ओर कीता कस्‍टमता पायदा मीकु दोर्कसंता,” इंचि येसु वेहतोर.

प्रेरितुल्‍कुना कबाह्‍क 11:30

ओरा निरनायमनुसार सहायमहाटीं जमा कीता सोम्मुन ओर बरनाबास आनि साऊलना कय्‍दे यहुदियाते मनना पेद्‍दाल्कुनहेके लोहचीतुर.

प्रेरितुल्‍कुना कबाह्‍क 20:35

वेल्‍लेन कस्‍टम कीसेके नादान मत्‍तोर्कुंक मनम बल्हा सहायम कियगोम इत्‍ता संगतितुन नना मीकु नावा हरेक कबळताल कीसि हुपिस्तन. “एतकुनुळकन्‍ना हियमळतेन एक्‍को सुकम मंता,” इंचि कुद्‍दु येसु सामि इत्‍ता पोल्‍लेतुन मतिते इरमळ बच्‍चोनो अवसरम मंता, इंचि इत्‍तोर.

प्रेरितुल्‍कुना कबाह्‍क 28:10

ओर माकुन वेल्‍ले कदर कीतुर. मोमोट अगटाल पेय्सनेंके माकु बतल-बतल गावाले मत्‍ता अवन्‍नि डोंगाते तच्‍चि इरतुर.

रोम सहरतोरहाटीं पौलुसना सिट्‍टि 12:8

कराहचि दैरनेम हियना वरम दोर्कतोर कराहचेके दैरनेम हीसेक होनना, दानम किया परानोर ओर पूरा मनसुनाल दानम कियगोम, लीडर आसि लोकुल्‍कुन ताकसना वरम दोर्कतोर जिम्मेदारिते ओर्कुन ताकिच्गोम आनि दया कियना वरम दोर्कतोर ओर कुसिते दया कियगोम.

रोम सहरतोरहाटीं पौलुसना सिट्‍टि 15:27

ओर इल्‍हा कीसि कूस मत्‍तुर, इल्‍हा कियमळे गावाले. बारित्‍ते यहुदि आयवोर्क पेनदा लोप्पो कलियालय आसिर्वाद दोर्कता, ओर यहुदि लोकुल्‍कुंक अव्‍सरम मत्‍तवुना सेवा कियमळ गावाले.

रोम सहरतोरहाटीं पौलुसना सिट्‍टि 16:12

तिरुपेना आनि तिरुपोसा इनना अक्‍काह्‍क सामिनाहाटीं कस्‍टपळंतां, अवुंक जोहार वेहाट. नावा पावरमगल्‍ला परसिस इनना अक्‍कलगुडा सामिनाहाटीं वेल्‍ले कस्‍टपळता, दान्क जोहार वेहाट.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 16:16

मिमेटगुडा असंटोरा आनि ओरालेसीं सेवा कियानोरा पोल्‍ले केंजसि ताकट इंचि बतिमलाडसंतन.

1 कुरेंति 3:9

मोमोट पेनतोनि कलियसि कबळ कियानोर्कुम आंदुम, मिमेट पेनदा नेलितसंटोर, पेनदा लोतसंटोर आंदिर.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

गलातिया 6:6

बोर अय्ते पेनदा पोल्‍ले करियतुर, ओर अन्‍नि बेसता वस्‍तुक ओन्क कराहतोंक पंचि हियमळ गावाले.

पिलिपिया 2:16

पिस्वर हियना पेनदा पोल्‍लेतुन गट्‍टिगा पीसि ताकट. इदुना हेंदाल किरिस्‍तु वायाना रोजुने, मीवाहाटीं नना कीता कस्‍टम, वितलाटा एर्तम आयाहिल्‍ले इंचि कुसिते वेहंतन.

पिलिपिया 2:29

मिमेट नावाहाटीं किया पर्वा सेवातुन ओर ओना जीवाक तेग्गिचि पूरा कीतोर. किरिस्‍तुना कबळतुन पूरा कियनाहाटीं ओर हायालय आसि मत्‍तोर. अदुनहाटीं ओर मिहगा वातस्के मावा दंटाता विस्वासि इंचि सामिना पोरोलते मिमेट ओन बेस कल्‍पकुंटु. ओनालेसीं सेवा कियना हरेक मनकना बेस कदर कीम्‍टु.

पिलिपिया 4:3

नावा दंटातोना! अव रोंड मुर्ताह्क जगडाल्‍क होळसि उंदासि मनालय निमे सहायम कीम इंचि नीकु विनंति कीसेक मंतन. बारित्‍ते किलेमेन्‍स आनि नावातोनि कबळ कियानोरतोनि कलियसि अव रोंड मुर्ताह्क बेसता कबुर वेहालय वेल्‍ले कस्‍टपळतां. अल्हा कबळ कियानोरा पोरोल्क पेनदागा मनना बस्‍केळ्‍क पिस्सना पिस्वरता पुस्तकमते रासि मंता.

1 तिमोति 3:5

बारित्‍ते वरोर मनकंक ओना कुटुंबता देकरेक किय्युडे तेळियाकोंटे, ओर पेनदा कलिसियाता देकरेक बल्हा किया परांतोर?

1 तिमोति 4:10

इदुनाहाटींगें मनम बागा कस्‍टपळसेके, पोराटम कीसेके मुन्‍नेळ्‍क ताकसेके मंतोम. बारित्‍ते मनम मना आसे, बस्‍केळ्‍क जीवाते मननद आनि अंटोर लोकुल्‍कुन कापाळना पेनदापोर्रो इरतोम, विसेस कीसि दान विस्वासम कियानोर्कुन पिसागोटना पेनदापोर्रो इरतोम.

1 तिमोति 4:14

पेद्‍दाल्क नीपोर्रो कय्‍क इर्सि पारतना कियनेंके, बविस्यवानि कियानोर वेहता आ वरम नीकु दोर्कता. अद वरमतुन निमे वाळकुन, दान मति मर्गुमा.

1 तिमोति 4:16

निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

1 तिमोति 5:19

कलिसिया ताकसाना पेद्‍दा मनकना पोर्रो बोरन्‍ना दोसेम दोसते, इव्वुर-मुव्वुरन्‍ना गवाइदार्क हिल्‍वद निमे अद दोसेमतुन नम्मुमा.

1 तिमोति 5:3

बव मुर्ताह्क अय्ते निजम मुंडामोसि मंतां, अवुना निमे कदर कीम.

2 तिमोति 2:6

कस्‍टपळना कास्तकारि मनकंक, पंडता पंटाता मोदाटा पाल एतना अदिकारम मंता.

2 तिमोति 4:2

पेनदा पोल्‍लेतुन, टाइम दोर्किना दोर्काकोन्‍ना प्रचार कियालय तयार मन, अन्‍नि तीरकुना ओप्‍केते ओर्कु कराहसेके, दटांच्‍सेके तेळियागोट्‍सि वेहा.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

इब्रि 13:24

मीवा लीडरकुंक आनि पेनदा अंटोर पवित्र लोकुल्‍कुंक, नावा जोहार वेहाट. इटलि देसेमते मनना विस्वासुल्‍क मीकु जोहार वेहासेक मंतुर.

इब्रि 13:7

मीकु मोट्‍टा मोदाला पेनदा पोल्‍ले वेहता मीवा पेद्‍दाल्कुन मति कीम्‍टु. ओर बल्हा आकिरदाका पेनदापोर्रो विस्वासम इरसि पिस्तुरो मति कीसि, अल्हेन मिमेटगुडा ताकट.