1 तिमोति 5:13 - पवित्र पोल्‍ले

¹³ अचोने आयका लोन-लोन तिरियना अलवट अर्सि लंडुंक हेडंतां. सिराप लंडुंक हेळमळे आयो, गानि हेकेटां-हीकेटां जोलीं केंजंतां, वेरेतोरा कबाह्‍कुने कय कुच्‍चंतां, बव पोल्‍लें अय्ते अव वळकना आयोनो, असोंटा पोल्‍लें वळकालय दल्‍गंतां.

1 तिमोति 5:13 Iomraidhean Croise

लूकाल 10:7

कबळ कियानोंकु बूति दोर्कंता. अदुनहाटीं मिमेट बद लोन अय्ते दांतिटो अद लोतुर बतल हींतुरो अद तिंचेक-उंचेके अदे लोते मंटु, अलग-अलग लोह्कुने मनमट.

प्रेरितुल्‍कुना कबाह्‍क 20:20

मीवा बेसताहाटीं अवसरम मत्‍ता बदे पोल्‍ले आयि वेहालय नना बस्‍केने पजोळ्क आया हिल्‍लेन. नना अव पोल्‍लें अंटोर लोकुल्‍कुना नड्‍डुम, लोन-लोन होंचि वेरियाकोंटा कराहतन, इद संगति मीकु एर्के मंता.

प्रेरितुल्‍कुना कबाह्‍क 20:30

अचोने आयका मीवा लोप्पोटाले इच्‍चुर इसंटा मनकालोर पेय्संतुर गदा, ओर सिस्युल्कुन ओरा पज्जो इग्गुकुनालय आबद्‍दम पोल्‍लें वळकांतुर.

1 तिमोति 5:12

इल्‍हा अव अवुना मोदाटा निरनायमताल तपिच्‍कुंचि सिक्‍साता आदेस तरकुंतां.

तीतु 1:11

ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

याकोब 3:10

उंदे तोळ्‍दाल आसिर्वाद, सापनेम रोंडु पेय्‍संतां, नावा विस्वासुल्‍कुनिटा, इल्‍हा आयामन्‍नि.

1 पत्रु 4:15

गानि मीवा लोप्पोटोर बोरे आयिर, हव्कताहेंका, दोंगातनम कीताहेंका, तप्‍पुड कबळ कीताहेंका, वेरेतोरा कबळते कय वाटताहेंका दुक्‍कम बोगांचा मन्‍नि.

3 योहान 1:10

अचोने आयका, कलिसियाते पूनें वायाना विस्‍वासुल्‍कुन ओर अय्ते बेस हूळोर आनि हूळकुंतोम इनानोर्कुनगुडा बेस हूळा हिय्योर. इंका बोर अय्ते बेस हूळकुंतुरो ओर्कुन कलिसियाताल पलाते पेच्‍हांतोर. मावा बारेमते कराब-कराब पोल्‍लें वळ्कंतोर, अदुनहाटीं नना बस्के अय्ते वांतन, अस्‍के ओना बारेमते कलिसियाते अंटोर्क वेहांतन.