1 तिमोति 5:10 - पवित्र पोल्‍ले

¹⁰ इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

1 तिमोति 5:10 Iomraidhean Croise

मत्‍तयाल 25:17

अल्‍हेने रोंडु मुल्‍लें दोर्कतोर इंका दंदा कीसि, रोंडु मुल्‍लें एक्‍को संपलिच्‍तोर.

मत्‍तयाल 5:16

अदुनहाटीं मीवा पिस्वर लोकुल्‍कुना मुन्‍ने इल्‍हा मनना गदा मीवा वेलगुनसोंटा बेसता कबाह्‍कुन हूळसि वेरेतोर स्वर्गमता बाबानद कदर कियानुर.

लूकाल 7:38

वासि येसुना पज्जो नित्‍तिसि अळसेके दाना कळ्‍कुनाल पोंगाना एरतोनि येसुना काल्‍कुन नहालय दल्‍गता. पजा दाना केल्कुनतोनि उसुमसेके, ओना काल्‍कुन बुर्सेके अत्‍तर निय होकुंदु.

लूकाल 7:44

येसु मुरतटहेके तिरियसि सिमोनुन इल्‍हा इत्‍तोर, “निमे ई मुरताटुन हूळा. नना नीवा लोन वातन, निमे नावा काल्क नोर्रालय एरगुडा हिय्या हिल्‍लिन. गानि इद बारे दाना कांडेह्कुनतोनि नावा काल्‍कुन नाहचि, केल्कुने उसुमता.

प्रेरितुल्‍कुना कबाह्‍क 10:22

अस्‍के आ मनकालोर, “माकुन उंदि पोलिस दलमता दरोगाल कुरनेलियुस इनानोर लोहतोर. ओर बेस नीतिमंतुड आनि पेनदुक वेरियसि ताकाना मनकल आंदुर. यहुदि जातिता लोकुल्‍कुने ओर बेस पोरोल होत्‍तोर. नीकुन ओना लोन केया वेहचि, नीहेंदाल ओन्क पोल्‍लें वेहालय उंदि पवित्र पेनदा दूता ओन्क वेहता,” इंचि इत्‍तुर.

प्रेरितुल्‍कुना कबाह्‍क 22:12

अगा हनन्‍याल पोरोलतोर वरोर मनकल मत्‍तोर. ओर मूसाना नियम परकारम ताकुंदुर. अगाटा अंटोर यहुदिल्क इंका ओन बेस मनकल इनुंदुर.

प्रेरितुल्‍कुना कबाह्‍क 6:3

अदुनहाटीं नावा विस्वासुल्‍कुनिटा! मिमेट मीवव्टेटाले बेस कदर, बुद्‍दि आनि पवित्र आत्माते निंडिस मत्‍ता एडुर मांडसातुन पेरकुंट. मोमोट ओर्कुन ई कबळ पोर्रो इर्रांतोम.

प्रेरितुल्‍कुना कबाह्‍क 9:36

यापा सहरते उंदि विस्वासि मुरतळ मनुंदु, दाना पोरोल तबिता. तबिता इत्‍ते युनानि बासाते, दोरकस, इत्‍ते तल्‍लुर दुप्‍पि इंचि अर्तम. अद मुरतळ बस्‍केळ्‍क बेसता कबाह्‍क कीसेके, गरिबोर्कुंक दान-दर्मम कीसेके मनुंदु.

प्रेरितुल्‍कुना कबाह्‍क 9:39

अस्‍के पत्रु बिराना तयार आसि ओरतोनि होत्‍तोर. ओर अगा एव्ता-एव्‍वुडे ओन मिद्‍दे पोर्रोटा अर्राते ओतुर. अगा ओर होत्‍तस्के अगा मत्‍ता मुंडामोस्ता मुर्ताह्क, दोरकस अवुनतोनि मननेंके कुट्‍ता अंगिं आनि कपडिं पत्रुंकु हूपिच्‍चेके ओन सुट्‍टु आसि अळालय दल्‍गतां.

रोम सहरतोरहाटीं पौलुसना सिट्‍टि 12:13

पेनदा लोकुल्‍कुंक अव्‍सरम अरतस्के मिहगा मत्‍तद ओर्क हीसि सहायम कीम्‍टु, बोरन्‍ना विस्वासुल्‍क मी लोन वातस्के ओरा सेवा कियालय बस्‍केळ्‍क तयार मंटु.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

कुलुसि 1:10

इदुनहेंदाल, मिमेट अन्‍नि तीरुकुने सामिन कूस कियालय मीवा पिस्वर दानकु इस्‍टमाताप मनंता, मीक हरेक बेसता कबळते पलम दोर्किसि, पेनदा तेल्‍विते बेर्स्‍सेके दांतिट.

1 तिमोति 3:2

पजा आ पेद्‍दा मनकना पिस्वरते बतले दोसेम मननायो. ओर उंदे मुरतटा मुय्दो आयगोम, ओर ओप्के पीसि मनानोर आयगोम, ओर विचारम कीसि ताकानोर आयगोम, अंटोर ओना कदर कियनालायक ओर मनगोम, ओर वेरेतोर्कुन बेस हूळकुनानोर आयगोम आनि वेरेतोर्क कराहनालायकगुडा मनगोम.

1 तिमोति 3:7

इच्‍चोने आयका वेरे लोकुल्‍कुना विचाराल्कगुडा ओना बारेमते बेस मनगोम. अल्हा मनाकोंटे ओर सिग्गु पोळागोट्‍कुंचि देय्यमता कय्‍दुक दोर्का परांतोर.

1 तिमोति 5:16

बदन्‍ना विस्वासि मुरतटा लोन ओक्‍कला मुंडामोस्ता मुर्ताह्क मत्‍ते, अवुंक आ लोता विस्वासि मुरतळे कुद्‍दु सहायम कियगोम, अवुना मोता कलिसियातोरपोर्रो वाटानायो. अस्‍के निजमते मुंडामोसि मत्‍ता मुरताह्कुंक कलिसिया सहायम कियगोम.

1 तिमोति 5:25

इल्हेने बेस कबाह्कगुडा बय्यर दिस अर्रंतां, बव बेस कबाह्‍क दिस अर्रोंगों, अवगुडा वेल्‍ले रोजकु मक्‍किस मन्‍नों.

1 तिमोति 6:18

इचोने आयका इंका ओर्क आदेस हीम गदा, ओर बेस कबाह्‍क कीसेक मनना, बेस कबाह्‍क कीसे सिरमंत आयाना. मनागा मत्‍तदुनाल अव्‍सरम मत्‍तोंक, पंचि हियालय बस्‍केळ्‍क मनसुनाल तयार मनगोम.

2 तिमोति 1:5

नीवा आ सत्‍तेम विस्वासम नाकु मति मंता. आ विस्वासम, मुन्‍ने नीवा काको लुइस आनि नीवा यावल युनिसनगागुडा मनुंदु. अदे विस्वासम निहगागुडा मंता इंचि नाकु बरोसा मंता.

2 तिमोति 2:21

अदुनहाटीं बोरन्‍ना मनकल इलुवा तक्‍कोतोर मनानय्ते, ओर पेद्‍दा-पेद्‍दा कबाह्‍कुने वाळकुनना बोळिंलेह्काटोर आयनुर. अस्‍के ओर पवित्र आसि ओना मालकुना कबळ्‍क ओज्‍जंतोर पजा अन्‍नि तीरकुना बेसता कबाह्‍क कियालय ओर तयार मनंतोर.

2 तिमोति 3:15

अचोने आयका, निमे सिन्‍नास्केटाल पवित्र दर्मसास्‍त्रमता पोल्‍लेन करियतोन आंदिन. अव नीकु किरिस्‍तु येसुनपोर्रो विस्वासम इरते दोर्कना मुक्‍तितुन दोर्किच्‍कुननाहाटीं बुद्‍दि, तेल्वि हींतां.

2 तिमोति 3:17

अद बल्हा इत्‍ते, दर्मसास्‍त्रमहेंदाल पेन दाना हरेक मनकन पुरागा दानालायक कीसि, अन्‍नि तीरकुना बेसता कबाह्‍क कियनाहाटीं, ओर्कुन तयार कींता.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

तीतु 2:7

बेस कबाह्‍क कीसि निमे अन्‍नि पोल्‍लेने ओराहाटीं उंदि उदाहरनलेसीं मन्‍नु. नीवा कराहमळ सत्‍तेम आनि लोकुल्‍क बेस केंजनालायक मनगोम.

तीतु 3:1

राज्येम कियानोरद आनि अदिकारिल्कुना पोल्‍ले केंजसि ओर वेहताप ताकना, इंचि लोकुल्‍कुंक मति कीसि हीम. इंका कदरलायक मंदना हरेक बेस कबळ कियालय बस्‍केळ्‍क तयार मंदना.

तीतु 3:14

अवसराल्कुन दोर्किच्‍कुननाहाटीं मना लोकुल्‍कगुडा बेस कबाह्‍क कीसेके मनमळ करियगोम, अल्हा कीते ओर पलम हियानोरलेह्का मनांतुर.

तीतु 3:8

इद पोल्‍ले निजम आंद. आनि निमे इव पोल्‍लें दटांचि वेहाना इंचि नावा इच्‍चा मंता. निमे दटांचि वेहतेने, बोर अय्ते पेनदुन विस्वासम कीतुर, ओर जेर्गताते मंचेके बेसता कबाह्‍क कीसेके मनांतुर. बारित्‍ते इव अन्‍नि मनकालोरहाटीं बच्‍चोनो बेस आनि पायदता पोल्‍लें आंदुं.

इब्रि 10:24

मनम वरोंक वरोर पावरम कियालय, बेसता कबाह्‍क कियालय आनि बतल-बल्हा कीते बेस इंचि वरोंक-वरोर दैरनेम हियालय विचारम कीकोम.

इब्रि 13:2

वाता हेळमितोर बोरे आयिर, ओर्कुन बेस हूळकुंटु. इल्‍हा इच्‍चुर लोकुल्‍क, एरपाट कियाकोन्‍नागानि पेनदा दूतन बेस हूळकुत्‍तुर.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 4:9

बतले गुल्‍गाकोंटा वरोंक-वरोर हेडमितोरलेसीं बेस हूळकुंटु.

3 योहान 1:12

देमेतिरियुसना बारेमते अंटोरगुडा बेसतोर इंचि गवाइ वेहांतुर. पेनदा सत्‍तेमते ताकतोर इंचि सत्‍तेमता नदरतेगुडा ओर बेस मनकल आंदुर. ओर बेसतोर इंचि ननागुडा गवाइ हींतन, नावा गवाइ सत्‍तेम इंचि मीकु अय्ते एरपाटे मंता.