1 तिमोति 5:1 - पवित्र पोल्‍ले

¹ पेद्‍दा वयम मनकन तेराहताप वळ्कुमा, गानि ओन नीवा बाबाल इन्कुंचि ओन्क तेल्‍पिचि वेहा. सिन्‍नोर्कुन तम्मुर इन्कुंचि ओरतोनि व्यवहार कीम.

1 तिमोति 5:1 Iomraidhean Croise

मत्‍तयाल 23:8

गानि मिमेट अंटोर दादालोर-तम्मुह्‍क आंदिर, मीवा अंटोरा गुरु वरोरे. अदुनहाटीं मिमेट मीकुन “गुरु” इंचि इनागोटकुन्‍मटु.

प्रेरितुल्‍कुना कबाह्‍क 14:23

पजा ओर, अगाटा हरेक कलिसियाने पेद्‍दाल्कुन निलाहतुर. ओराहाटीं ओक्‍कापोद्‍दु मंचि पारतना कीसि, ओर बा सामिनपोर्रो अय्ते विस्वासम कीतुर, आ सामिंक अप्पजेपतुर.

प्रेरितुल्‍कुना कबाह्‍क 15:4

ओर येरुसलेम एवतस्‍के, अगाटा कलिसियातोर, प्रेरितुल्क, पेद्‍दाल्क ओर्कु बेस आनंदमते कलियतुर. पजा पौलुस आनि बरनाबास पेन ओरतोनि मंचि बता-बता कबाह्‍क कीता, अदंता वेहतुर.

प्रेरितुल्‍कुना कबाह्‍क 15:6

अस्‍के ई पोल्‍लेन बारेमते विचारम कियालय प्रेरितुल्क आनि पेद्‍दाल्क उंदगा जमा आतुर.

प्रेरितुल्‍कुना कबाह्‍क 20:17

पौलुस इपीसि सहरता कलिसिया पेद्‍दाल्कुंक कबुर लोहचि ओर्कुन मिलेतुस सहरते ओनगा केयतोर.

रोम सहरतोरहाटीं पौलुसना सिट्‍टि 13:7

सरकारुंक बतलय्ते हियना मंतांगो अव हीसीम्टु, कर दोहनद दोहटु, तासिल दोहनद दोहटु, अदिकारिल्कुंक वेरियसि मनना इत्‍ते ओर्क वेरियट, बोर्क कदर हियना मंता ओर्क कदर हीम्टु.

गलातिया 6:1

गानि विस्वासुल्‍कुनिटा! मीलोप्‍पो बोरन्‍ना पापम कीते, पेनदा आत्माते ताकानोर मिमेट होंगुंक वायाकोंटा ओनगा होंचि ओन बेस समजांचि, सत्‍तेम हर्दे तटु. अल्‍हेने मिमेटगुडा असोंटा परिक्‍साते अर्रामन्‍नि इंचि, उसारते मंटु.

1 तिमोति 5:17

कलिसिया ताकसानोरव्टेटाल बोर अय्ते बेस कलिसिया ताकसंतोरो, ओन्क वेल्‍ले कदर हियगोम. विसेस कीसि बोर अय्ते प्रचार कियालय, कराहलय कस्‍टपळंतोरो ओन्क रोंड अंताल्‍क कदर दोर्कुगोम.

1 तिमोति 5:2

अल्हेन पेद्‍दा वयम मुर्ताह्‍कुन यावह्क इन्कुंचि आनि सिन्‍ना वयम मुर्ताह्‍कुन हेलाह्क इन्कुंचि पुरागा पवित्र मंचेके अवुंक तेल्‍पिचि वेहा.

तीतु 2:2

ओप्‍केते, इमानदार मनमळते, सततुन आपकुनमळते, विस्वासमते, पावरमते, दैरनेमते, ओर्सकुनमळते गट्‍टिगा मंदालय मातरलोर्कुंक करहा.

तीतु 2:6

अल्‍हेने लेय्युर्कुंक जोर हीसि वेहा गदा, ओर सततुन आपकुंचि पिस्सिरकांटी.

याकोब 3:17

गानि पोर्रोटाल वायाना तेल्वि अद मोदाला अय्ते पवित्र मनंता, आयंका सांति हियानद, सीदा-सादा गुनमतद, इंकावरोना पोल्‍ले केंजालय तयारते मनानद, दया आनि बेसता कबाह्‍क कियानद, अद बेदबाव कियवद, इमानदारते मनानद आंद.

याकोब 5:14

मीवा लोप्‍पोगिंटा बोरन्‍ना बिमारते मनानय्ते, कलिसियाता पेद्‍दाल्कुन केयाना. ओर वासि सामिना पोरोलते ओनकु निय होकसि, पारतना किय्‍यिर.

1 पत्रु 5:1

मीलोप्‍पो बोर अय्ते पेद्‍दाल्क मंतुर, ओरालेसींगे ननागुडा पेद्‍दा मनकन, किरिस्‍तु बोगांचता तकलिपकुना गवाइतोन, ओर मल्सि वायानस्के ओना पेद्‍दातनमते कलियानोन आंदुन इंचि, नना आ पेद्‍दाल्कुंक वेहासेक मंतन.

2 योहान 1:1

नना मीवा कलिसियाते बेस पोरोल होत्‍ता मनकन आंदुन. पेन पेरता बाई आनि दाना पिलाल्कुंक, इद सिट्‍टि रासेके मंतन. नना मीकुन पावरम कींतन. नना वरोने आयो, पेनदा सत्‍तेमतुन तेल्‍पिचकुत्‍तोर अंटोरे मीकुन पावरम कींतुर. बारित्‍ते, मनम सत्‍तेमतुन तेल्‍पिचकुत्‍तोम. अदुनहाटीं अद सत्‍तेम मना पिस्‍वरतगा निल्‍सि मंता आनि बस्‍केळ्‍के अद मनातोनि मनंता.

3 योहान 1:1

नना योहानुन, कलिसियाते बेस पोरोल होत्‍ता वरोन मनकन आंदुन. नना बोन अय्ते निजमते पावरम कींतन आ गयुसुंक इद सिट्‍टि रासेक मंतन.

पेन हुपिस्‍ता पोल्‍लें 4:4

राजगद्‍देता सुट्‍टु इरवै नालुं राजगद्‍दें मत्‍तां. अव राजगद्‍देन पोर्रो इरवै नालुर एनकटा पेद्‍दाल्क तेल्‍ला कपडिं केरसि उद्‍दिस मत्‍तुर. ओरा तल्‍लानपोर्रो बंगारमता किरिटाल्कु दोस्‍सि मत्‍तां.