1 तिमोति 4:7 - पवित्र पोल्‍ले

⁷ बक्‍ति हिल्वव अल्हेन तयार कीसि वेहना कतानाल मंटु. बस्‍केळ्‍क बक्‍ति पिस्वरते मुन्‍नेळ्‍क ताकाना कोसिसते मंटु.

1 तिमोति 4:7 Iomraidhean Croise

प्रेरितुल्‍कुना कबाह्‍क 24:16

अदुनहाटीं नना पेनदा मुन्‍ने आयि, लोकुल्‍कुना मुन्‍ने आयि, बस्‍केळ्‍क बेस मनसुने ताकालय हूळंतन.”

1 तिमोति 1:4

पुट्‍टिचि वेहना कतां, वंसाल्कुना जोलीं ओर होळसियालय आदेस हीम. बारित्‍ते अवुनहेंदाल वाद-विवादकु आंतां विस्वासमहेंदाल जर्गना पेनदा पिलानगुडा पुरागा आयो.

1 तिमोति 1:9

इंका इव नियमकु नीतिमंतुल्‍कुनाहाटीं रासमळ जर्गाहिल्‍ले. गानि अव अय्ते, नियमकुन पीसि ताकवोराहाटीं, आदेसकुन पीसि ताकवोराहाटीं, बक्‍ति कियवोर आनि पापि लोकुल्‍कुनाहाटीं, अपवित्र आनि सत्‍तेमते ताकवोराहाटीं, तल्‍लुर-बाबोन हव्कानोराहाटीं, मनकालोर्कुन हव्कानोराहाटीं,

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

1 तिमोति 4:8

बारित्‍ते मेंदुलताहाटीं कियना टेरनिंगते गोडच्‍चेन पायदा मंता. गानि पेनदा बक्‍ति कीते, अव्टे अन्‍नि तीरकुना पायदा मंता. इंदकेटा पिस्वर आनि मुन्‍नेटा पिस्वरहाटीं पेन हीता पोल्‍ले अव्टे कलियसि मंता.

1 तिमोति 6:11

गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

1 तिमोति 6:20

तिमोति, नीकु अप्पजेपतदुन निमे कापाळकुन. बक्‍ति हिल्वा कराब पोल्‍लेनाल लक्‍कु मन. इंका इदे “निजम तेल्वि” इंचि वेहना आबद्‍दम कतानाल लक्‍कु मन.

1 तिमोति 6:3

इंका ओक्‍कला बोरन्‍ना ई पोल्‍लें तप्‍पा वेरे कराहनय्ते, अचोने आयाका मना सामि येसु किरिस्‍तुना निजम पोल्‍लेन पियाकोंटा, ओर वेहता बक्‍तितुन ओप्कुनाकोंटे,

1 तिमोति 6:5

आनि इसोंटोरा नड्‍डुम बस्‍केळ्‍क लोल्‍लिं-जगडाल्‍क आसेकेन मनंतां. इंका इसंटोरा बुद्‍दि हेळसोंचि, ओर निजमताल लक्‍कु आतोर आंद. अदुनहाटीं ओर पेनदा बक्‍तितुन कमाइ कियना उंदि हर्रि इनकुंतुर.

2 तिमोति 2:16

बक्‍ति हिलुवा वट्‍टि पोल्‍लेनाल तप्पिच्‍कुन, असोंटा पोल्‍लें लोकुल्‍कुन हेळाहचि पेनदागटाल इंकिच्‍चो लक्‍कु कींतां.

2 तिमोति 2:23

तेल्वि तक्‍को अल्हेन बेकार पोल्‍लेनाल लक्‍कु मन. नीकु अय्ते एरपाटे, असोंटा पोल्‍लें वाद-विवाद जगडाल्‍कुन पुटसंतां.

2 तिमोति 3:12

किरिस्‍तु येसुना लोप्पो पेनदा बक्‍तिते ताकंतन इंचि इच्‍चा इर्राना अंटोर्क कस्‍टाल्‍क अय्ते वायानुंगे.

2 तिमोति 3:5

पलाताल पेनदा बक्‍ति कीतापे दिसंतुर गानि आ बक्‍तिता बलमतुन मात्रम नम्मुर. इसंटोरगटाल लक्‍कु मन.

2 तिमोति 4:4

ओर सत्‍तेम पोल्‍लेन केंजुर, तयार कीसि वेहना कतां केंजालय दांतुर.

तीतु 1:14

यहुदिल्कुना तयार कीता वेसुडिन पोर्रो विस्वासम इर्राकोंटा, सत्‍तेमताल तप्‍सोत्‍ता मनकालोरा आदेसकुनाल लक्‍कु मनांतुर.

तीतु 2:12

अद दया मनाकु, मनम पेनदुक नच्‍चुवा पिस्वर आनि सततुन आपकुंचि, इद दुनियाते बेस बक्‍तिते, सवरटा हर्दे आनि पेनदुक नच्‍चना पिस्वर पिसगोम, इंचि कराहंता.

तीतु 3:9

गानि अर्तम हिल्वा लोल्‍लिनाल, वंसाल्कुना बारेमता पोल्‍लेनाल, जगडाल्कुनाल इंका मूसाना नियमकुना बारेमता लोल्‍लिनाल निमे लक्‍कु मन. अव बतक ओज्जानव आयों, अवुनाहेंदाल बतल पायदा इंका वायो.

इब्रि 5:14

गानि बोर अय्ते तेल्वि बेर्सि, मंचि-सेड्‍डातुन एरपाट कीसि अल्हा ताकतुरो, ओरे गाटो तिनानोरालेसीं आतुर.