1 तिमोति 4:6 - पवित्र पोल्‍ले

⁶ ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

1 तिमोति 4:6 Iomraidhean Croise

मत्‍तयाल 13:52

अस्‍के येसु “बोर मनकल अय्ते ओना कजानाताल पूनद-पळानद सोम्मुन पलाते पेच्‍हांतोर, आ मनकन लेह्कने स्वर्ग राज्येमता सिस्युड मत्‍ता हरेक दर्मसास्‍त्रम कराहना गुरु मनांतोर, ओर यहुदि लोकुल्‍कुना पडाना आनि पूना बोदा रोंडु इंका करहा परांतोर.” इंचि ओर्कु वेहतोर.

प्रेरितुल्‍कुना कबाह्‍क 1:15

उंदि रोजु नूटा इरवै (120) विस्वासि दादालोरा नड्‍डुम पत्रु नित्‍तिसि,

प्रेरितुल्‍कुना कबाह्‍क 20:31

अदुनहाटींगे मिमेट हुसारते मंटु. मूड वर्सनदाका वरो-वरोंकु, नर्का-पियल अळसि-अळसि जेगर्ता मननाहाटीं वेहमळते नना बस्‍केने पजोळ्क होना हिल्‍लेन इद मति इर्रट.

प्रेरितुल्‍कुना कबाह्‍क 20:35

वेल्‍लेन कस्‍टम कीसेके नादान मत्‍तोर्कुंक मनम बल्हा सहायम कियगोम इत्‍ता संगतितुन नना मीकु नावा हरेक कबळताल कीसि हुपिस्तन. “एतकुनुळकन्‍ना हियमळतेन एक्‍को सुकम मंता,” इंचि कुद्‍दु येसु सामि इत्‍ता पोल्‍लेतुन मतिते इरमळ बच्‍चोनो अवसरम मंता, इंचि इत्‍तोर.

रोम सहरतोरहाटीं पौलुसना सिट्‍टि 15:15

पेनदा कुर्पाहेंदाल यहुदि आयवोरा नड्‍डुम येसु किरिस्‍तुना सेवक आसि पेर्मनालेसीं बेसता कबुर वेहालय नाकु अदिकारम दोर्कता. अदुनहाटीं कोन्‍नि पोल्‍लें मीकु मति कीसि हियना इंचि मीकु दैरनेमते रासतन. ना मनसुने बतल मंता इत्‍ते, यहुदि आयवोर पवित्र आत्माहेंदाल पवित्र आयाना आनि पेन ओर्कुन ओप्कुननालायक कियना.

1 कुरेंति 4:17

इदे पोल्‍ले वेहनाहाटीं नना पावरम कियानोर आनि सामिना लोप्पो नावा विस्वासमगल्‍ला मर्रिनसंटोर तिमोतिन मिहगा लोहतन. नना किरिस्‍तु येसुना बक्‍तिते बल्हा ताकसेक मंतानो, अल्‍हेने अन्‍नि जेगाना कलिसियाने नना कराहना बोदाता बारेमते ओर मीक मति कीसि हींतोर.

2 कुरेंति 11:23

ओर किरिस्‍तुना सेवाकुल्क आंदुरा? नना ओर्कन्‍ना एक्‍को किरिस्‍तुना सेवा कियानोन आंदुन इंचि पिस्‍सनलेसीं इंचेके मंतन. ओर्कन्‍ना एक्‍को कस्‍टम कीतन, ऊके-ऊके जेलुंक होनुंदुन, देब्बां तिनुंदुन, बच्‍चुंगो मल्कां हायाना वेला वासि मत्‍ता.

2 कुरेंति 3:6

पेन माकुन पूना करारता सेवक आयाना लायकगुडा कीता. अद करार मूसाना नियमते रासि मत्‍ताप आयो गानि, पेनदा आत्माताहेंदाल मंता. मूसाना नियम हामुरतेके ओंता गानि पवित्र आत्मा पिस्वरताहेके ओंता.

2 कुरेंति 6:4

गानि अन्‍नि पोल्‍लेने मोमोट पेनदा बेसता सेवाकुल्‍कुम आंदुम इंचि हुपिच्‍चेक मंतोम. ओप्‍केते, बादाने, कस्‍टाल्‍कुने, तकलिपकुने,

इपीसि 6:21

तुकिकुस इनना वरोर पावरमगल्‍ला दादाल मंतोर. ओर सामिना वरोर बेस विस्वासमगल्‍ला सेवक आंदुर. नना इगे बल्हा-बतल मंतन इंचि अन्‍नि पोल्‍लें मीकु वेहानुर.

पिलिपिया 2:20

मीवा बेसताहाटीं मनसुनाल चिंता कियानोर नहगा ओन्क तप्‍पा वेरे बोरे हिल्‍लोर.

पिलिपिया 2:22

गानि तिमोति असंटोर आयोर. वरोर मर्रि बाबनतोनि कलियसि कबळ कीताप, ओर बेसता कबुर वेहना सेवाते नावातोनि इमानदारिते कस्‍टपळतोर. ओना गुनम बसंटदो मीकु बेस एरपाट.

पिलिपिया 3:16

अय्नागानि मनम मात्रम पेन मनाकु इदवेरादाका हुपिस्‍ता सत्‍तेमतुन पीसे ताकसेक मनना.

कुलुसि 2:19

असोंटा मनकल पूरा मेंदुल्ता कील्‍कुन, नराल्‍कुन उंदि कीसि, पेनदाहेंदाल मेंदुल्तुन बेर्सागोटना तल्‍ला, इत्‍ते किरिस्‍तुन पीसि मन्‍नोर.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

कुलुसि 4:7

पावरमगल्‍ला तुकिकुस दादल विस्वासमलायक सेवक आंदुर. ओर नावा बारेमते अन्‍नि पोल्‍लें मीक वेहांतोर, ओर नावातोनि कलियसि सामिन लोप्पो सेवा कियानोर आंदुर.

1 तेसलोनि 3:2

किरिस्‍तुना बेसता कबुरतुन मावातोनि कलियसि वेहानोर पेनदा दासुड तिमोति तम्मुन मिहगा लोहतोम. मीक बसोंटा तकलिप वायिनागानि पजोळ्क-मुन्‍नेळ्‍क आयाकोंटा विस्वासमते गट्‍टिगा मंदना इंचि ओर मीकु समजांचि वेहंतोर. बारित्‍ते इसोंटा तकलिपकु बोगांचालये पेन मनाकुन निलाहता इंचि मीक एरपाटे.

1 तिमोति 1:10

बोगमतनम कियानोराहाटीं, मांड्‍सा-मांड्‍सातोनि बोगमतनम कियानोराहाटीं, मनकालोर्कुन दोर्कापीसि अम्मानोराहाटीं, आबद्‍दम वळ्कानोराहाटीं, तप्‍पुड गवाइ वेहानोराहाटीं इंका सत्‍तेम पोल्‍लेन आबद्‍दम कियानोराहाटीं ई मूसाना नियमकु मंतां.

1 तिमोति 4:16

निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.

1 तिमोति 6:3

इंका ओक्‍कला बोरन्‍ना ई पोल्‍लें तप्‍पा वेरे कराहनय्ते, अचोने आयाका मना सामि येसु किरिस्‍तुना निजम पोल्‍लेन पियाकोंटा, ओर वेहता बक्‍तितुन ओप्कुनाकोंटे,

2 तिमोति 1:6

इदुनहाटीं नना नीकु मति कीसि हियानद बतल इत्‍ते, नना नीवा पोर्रो कय इरतस्के, पेनदाहेंदाल नीकु उंदि वरम दोर्कता. अद वरमतुन निमे बस्‍केळ्‍क एल्‍गिच्‍चि इर्रा.

2 तिमोति 3:10

गानि निमे नावा कराहमळतुन, ताकमळतुन, नना पिस्सना उद्‍देसमतुन, विस्वासमतुन, ओप्केतुन, पावरमतुन, नावा दैरनेमतुन,

2 तिमोति 4:3

नना इल्‍हा बारि वेहासेक इत्‍ते, बेस बोदातुन लोकुल्‍क केंजुर असोंटा कालम वायना मंता. ओर ओरा मनसुंक वाताप ताकंतुर, ओरां दुर्दा केव्कुंक बतल अय्ते केंजमळ इस्‍टमो, असोंटा पोल्‍लें कराहना गुरुल्‍कुन सततातोनि कल्‍पकुंतुर.

तीतु 2:1

निमे मात्रम बस्‍केळ्‍क सत्‍तेम बोदाकु ओप्‍पनालायक पोल्‍लें करहा.

1 पत्रु 2:2

इंदके पुटता पसिबाला बल्हा पाल उन्‍नालय तनलाळंता, अल्‍हेने मिमेटगुडा बेसता पाललेसीं मनना पेनदा पोल्‍लेताहाटीं तनलाळट. अल्हा तनलाळते मिमेट मुक्‍तिहाटीं पेनदा पोल्‍ले परकारम बेरस्सेक दांतिट.

2 योहान 1:9

किरिस्‍तु कराहता बोदा परकारम ताकाकोंटा बोर अय्ते मुन्‍ने-मुन्‍ने दांतोर, ओर पेनतोनि कलिया हिल्‍लोर. गानि बोर अय्ते किरिस्‍तु कराहता बोदा परकारम ताकंतोर, ओनतोनि पेनबाबाल, मर्रि इव्वुरगुडा मनांतुर.

यहुदा 1:5

मीक इवन्‍नि पोल्‍लें मोदाटाले एरपाट मंतां, अय्नागानि इव पोल्‍लें मीक मति कीसि हींतन इंचि इनकुंचेके मंतन. पेन दाना लोकुल्‍कुन इजिप्‍त देसेमताल पेचाह्ता पजा बोर अय्ते दान विस्वासम किया हिल्‍लुर, ओर्कुन नासडेम कीता.