1 तिमोति 4:16 - पवित्र पोल्‍ले

¹⁶ निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.

1 तिमोति 4:16 Iomraidhean Croise

मरकुस 13:9

गानि मिमेट उसारते मंटु. बारित्‍ते मीकुन पंचादितोरा कय्‍दे अप्‍पजेपनुर आनि दर्मसास्‍त्रम कराहना लोह्कुने ओसि तनानुर. पजा नावा बारेमते गवाइ वेहालय मीकुन राज्यपाल आनि राजालोरा मुन्‍ने निलाहनुर.

लूकाल 21:34

“अदुनहाटीं मिमेट पार्टिं किय्युड, कल उनुड इंका इद दुनियाता रंदिनेन मीवा मनसु मनना आयो. गानि नना मर्रा वायना रोजु अचानक अर्रना कोम्मालेह्का मीपोर्रो वासि अर्राकोंटा मीवद मिमेट जेगर्ता मंटु.

प्रेरितुल्‍कुना कबाह्‍क 26:22

गानि इदवेरदाका पेन नाकुन सहायम कीता. अदुनहाटीं नना इग्‍गे नित्‍तिसि सिन्‍नाल्क, पेद्‍दाल्क अंटोर मुन्‍ने गवाइ हीसेक मंतन. बव पोल्‍लें अय्ते आयानव मंतां इंचि पेनदा कबुरतोर आनि मूसाल मुन्‍नेन वेहतुर, अव पोल्‍लें तप्‍पा नना वेरे बतले वेहोन.

प्रेरितुल्‍कुना कबाह्‍क 6:4

अस्‍के पारतना, पेनदा पोल्‍लें कराहना मावा सेवा कबळ आगाकोंटा जर्गसेक मनंता.” इंचि वेहतुर.

रोम सहरतोरहाटीं पौलुसना सिट्‍टि 11:14

इल्‍हा कीतेनना मीकु आता पायदातुन हूळसि नावा यहुदि लोकुल्‍कुना कळ्‍क पोत्‍सि ओराव्टेटाल गिच्‍चचुरन्‍ना विस्वासमते वायानुर इंचि नावा आसे.

रोम सहरतोरहाटीं पौलुसना सिट्‍टि 16:17

विस्वासुल्‍कुनिटा! इच्‍चुर लोकुल्‍क मिमेट करियता पोल्‍लेन हेळाहलय ई पोल्‍लेंक विरोदमते वेरे पोल्‍लें वेहचि मीलोप्‍पो वरोनद-वरोंक अर्राकोंटा कींतुर. असंटोरतोनि उसारते मंचि, ओर्क लक्‍कु मंटु इंचि नना मीकु विनंति कीसेक मंतन.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

1 कुरेंति 9:22

विस्वासमते कमजोर मत्‍तोर्कुन किरिस्‍तुनगा तर्रालय, नना ओरालेसीं आतन. बल्हैना आयि इच्‍चुरन्‍ना पिसागोम इंचि, बोर बल्हा मंतुर, ननागुडा ओरालेसीं आतन.

1 कुरेंति 9:27

नना ना मेंदुल्तुन आपकुंचि इरंतन. नना वेरेतोर्कुंक बेसता कबुर वेहचि, नावा लोप्पेने तक्‍को मत्‍ते नना बाता कबळतोन आयोन.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

कुलुसि 4:17

अल्‍हेने अरकिपुसुंक, “सामि नीकु अप्पजेपता सेवातुन तप्‍पाकोंटा पूरा कीम,” इंचि वेहाट.

1 तेसलोनि 2:16

पेनदा पिसागोटमळ बारेमते यहुदि आयवोर्कुनतोनि वळ्कते, ओर माकुन आपंतुर. इल्‍हा कीसि बस्‍केळ्‍क ओरा पापाल्कुन निहकुंतुर. गानि आकिरते पेनदा होंग ओरपोर्रो रेयंता.

1 तिमोति 1:3

नना मेसिडोनिया राज्येम होननेंके नीकु नना विनंति कीसि वेहतन. दाना परकारम निमे इपीसि सहरते मन्‍नु. निमे अगा मत्‍ते, बोर अय्ते सत्‍तेमकु बदुल वेरे बोदां कराहंतुर, ओर्कुन अल्हा कराहकोंटा आपा.

1 तिमोति 4:15

इवे पोल्‍लेन निमे नीवा मनसुने इर्सि अवुना परकारमे ताकसेक मन. अस्‍के निमे बक्‍तिते बेस बेर्सनद अंटोर लोकुल्‍कुंक दिस अर्रंता.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 3:14

गानि निमे बतल करियतिनो, बतल विस्वासम कीतिनो आनि अवुन निमे बोनहेंदाल करियतिन नीकु एरपाट मंता. अवुने उंदेतीर ताकसेक मन.

2 तिमोति 4:2

पेनदा पोल्‍लेतुन, टाइम दोर्किना दोर्काकोन्‍ना प्रचार कियालय तयार मन, अन्‍नि तीरकुना ओप्‍केते ओर्कु कराहसेके, दटांच्‍सेके तेळियागोट्‍सि वेहा.

तीतु 1:9

इंका ओन्क कराहता सत्‍तेम पोल्‍लेतुन ओर विस्वासमते गट्‍टिगा पीसि मनगोम. अल्हा मत्‍तेने ओर लोकुल्‍कुंक सत्‍तेम पोल्‍लें वेहचि ओर्क कराह पर्रांतोर आनि एदुर वळकानोरा तोड्‍डिं मुच्‍चा पर्रांतोर.

तीतु 2:15

इव अन्‍नि पोल्‍लें निमे पूरा अदिकारमते दटांचि तेळियागोट्‍सि वेहा, करहा. नीकुन सिन्‍नगा बोने हूळा हियमा.

तीतु 2:7

बेस कबाह्‍क कीसि निमे अन्‍नि पोल्‍लेने ओराहाटीं उंदि उदाहरनलेसीं मन्‍नु. नीवा कराहमळ सत्‍तेम आनि लोकुल्‍क बेस केंजनालायक मनगोम.

पिलेमोन 1:19

अदुन निहचींतन इंचि, नना पौलुस, नावा सतता कय्‍दे रासि हीसेक मंतन. अल्हा हूळते निमेन नाकु बाकि मंतिन. इद नीकु वेहना अव्‍सरम हिल्‍ले.

इब्रि 12:15

पेनदा कुर्पाताल वरोरगुडा तप्‍सोनामन्‍नि इंचि जेगर्ता मंटु. अल्हा तप्‍सोंचि हेळतोर बोरन्‍ना मी नड्‍डुम मनानय्ते, ओर कळमातोर्कुन हेळाहचि, पेनदाल लक्‍कु कींतोर. इदुन जरा जेगर्ता हुळट.

इब्रि 13:9

अदुनहाटीं, वेरेतोर वासि कराहना रका-रकाल्कुना बोदां केंजसि मिमेट गयबेत आयमट. बोनके बतल पायदा वायवा, तिंदाना नियमकुन पीसि तनलाळसेक मत्‍ते मना मनसुंकु ताकत दोर्को, गानि पेनदा कुर्पातेन मनसुंकु ताकत वांता.

याकोब 5:20

ओनकु इद तेळियना गदा, बोरन्‍ना सत्‍तेमता हरदाल तप्‍सि होत्‍ता पापि मनकन, सत्‍तेमता हर्दे वापस तायते ओर ओना जीवातुन हामुरताल पिसागोटतोर आनि ओना अन्‍नि पापाल्कुन मुच्‍चि हीतोर.