1 तिमोति 4:13 - पवित्र पोल्‍ले

¹³ नना बदवेरदाका अय्ते वायोनो अदवेरदाका निमे अंटोर नड्‍डुम दर्मसास्‍त्रमतुन हदवुसेके, प्रचार कीसेके, कराहसेके मन्‍नु.

1 तिमोति 4:13 Iomraidhean Croise

योहान 5:39

बस्‍केळ्‍क पिस्सना पिस्वर दर्मसास्‍त्रमहेंदाल दोर्कंता इंचि मिमेट अव्टे पह्कट, अदे दर्मसास्‍त्रम नावा बारेमते गवाइ वेहचंता.

प्रेरितुल्‍कुना कबाह्‍क 17:11

तेसलोनि सहरता यहुदिल्कुंकन्‍ना इगेटा यहुदिल्क बच्‍चोरो बेस मत्‍तुर. ईर पौलुस वेहना पोल्‍लेन बेस मनसु ताससि केंजुंदुर. हरेक रोजु दर्मसास्‍त्रमतुन हद्‍विसि पौलुस वेहना पोल्‍लें निजमेना इंचि बेस अर्तम कीकुनुंदुर.

प्रेरितुल्‍कुना कबाह्‍क 6:4

अस्‍के पारतना, पेनदा पोल्‍लें कराहना मावा सेवा कबळ आगाकोंटा जर्गसेक मनंता.” इंचि वेहतुर.

रोम सहरतोरहाटीं पौलुसना सिट्‍टि 12:8

कराहचि दैरनेम हियना वरम दोर्कतोर कराहचेके दैरनेम हीसेक होनना, दानम किया परानोर ओर पूरा मनसुनाल दानम कियगोम, लीडर आसि लोकुल्‍कुन ताकसना वरम दोर्कतोर जिम्मेदारिते ओर्कुन ताकिच्गोम आनि दया कियना वरम दोर्कतोर ओर कुसिते दया कियगोम.

1 कुरेंति 14:26

विस्वासुल्‍कुनिटा! इंदके बतल कियाना? बस्के अय्ते मिमेट जमा आंतिर, अस्‍के वरोर पाटा पारालय, वरोर कराहलय, वरोर पेनदा पोल्‍ले बैय्यरा कीसि वेहालय, वरोर वेरे बासाते वळ्कालय, वरोर वेरे बासाता अर्तम वेहालय तयार मनंतुर. इवन्‍नि कलिसियातोर्कुना बक्‍ति बेर्सनाहाटीं आयमळ गावाले.

1 कुरेंति 14:3

गानि बविस्यवानि वेहानोर, मनकालोर्कुना बक्‍तितुन बेर्सागोटालय, दैरनेम हियालय, सांतिते मनालय वेहंतोर.

1 कुरेंति 14:6

विस्वासुल्‍कुनिटा! नना मिहगा वासि पेन नाक हीता पोल्‍लेन वेहकन, तेल्‍विता पोल्‍लेन वेहकन, बविस्यवानि वेहकन, कराहकन अस्‍के मीक पाय्दा आयार. अवुन होळसिसि वेरे-वेरे बासाते वेहते मीक बतल पाय्दा आयार?

1 तिमोति 4:16

निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

2 तिमोति 3:15

अचोने आयका, निमे सिन्‍नास्केटाल पवित्र दर्मसास्‍त्रमता पोल्‍लेन करियतोन आंदिन. अव नीकु किरिस्‍तु येसुनपोर्रो विस्वासम इरते दोर्कना मुक्‍तितुन दोर्किच्‍कुननाहाटीं बुद्‍दि, तेल्वि हींतां.

2 तिमोति 4:2

पेनदा पोल्‍लेतुन, टाइम दोर्किना दोर्काकोन्‍ना प्रचार कियालय तयार मन, अन्‍नि तीरकुना ओप्‍केते ओर्कु कराहसेके, दटांच्‍सेके तेळियागोट्‍सि वेहा.

तीतु 2:15

इव अन्‍नि पोल्‍लें निमे पूरा अदिकारमते दटांचि तेळियागोट्‍सि वेहा, करहा. नीकुन सिन्‍नगा बोने हूळा हियमा.