1 तिमोति 3:7 - पवित्र पोल्‍ले

⁷ इच्‍चोने आयका वेरे लोकुल्‍कुना विचाराल्कगुडा ओना बारेमते बेस मनगोम. अल्हा मनाकोंटे ओर सिग्गु पोळागोट्‍कुंचि देय्यमता कय्‍दुक दोर्का परांतोर.

1 तिमोति 3:7 Iomraidhean Croise

मरकुस 4:11

येसु ओर्कुन, “मीक अय्ते पेनदा राज्येमता बारेमता मर्ममतुन एरपाट कीकुनालय बुद्‍दि मंता, गानि पलातोर्कुंक बारे इद मर्मम तेळियालय वेसुडिने वेहा पींता.”

प्रेरितुल्‍कुना कबाह्‍क 10:22

अस्‍के आ मनकालोर, “माकुन उंदि पोलिस दलमता दरोगाल कुरनेलियुस इनानोर लोहतोर. ओर बेस नीतिमंतुड आनि पेनदुक वेरियसि ताकाना मनकल आंदुर. यहुदि जातिता लोकुल्‍कुने ओर बेस पोरोल होत्‍तोर. नीकुन ओना लोन केया वेहचि, नीहेंदाल ओन्क पोल्‍लें वेहालय उंदि पवित्र पेनदा दूता ओन्क वेहता,” इंचि इत्‍तुर.

प्रेरितुल्‍कुना कबाह्‍क 22:12

अगा हनन्‍याल पोरोलतोर वरोर मनकल मत्‍तोर. ओर मूसाना नियम परकारम ताकुंदुर. अगाटा अंटोर यहुदिल्क इंका ओन बेस मनकल इनुंदुर.

प्रेरितुल्‍कुना कबाह्‍क 6:3

अदुनहाटीं नावा विस्वासुल्‍कुनिटा! मिमेट मीवव्टेटाले बेस कदर, बुद्‍दि आनि पवित्र आत्माते निंडिस मत्‍ता एडुर मांडसातुन पेरकुंट. मोमोट ओर्कुन ई कबळ पोर्रो इर्रांतोम.

1 कुरेंति 10:32

यहुदि लोकुल्‍कुंक, युनानि लोकुल्‍कुंक आनि कलिसियातोर्कुंक अड्‍डम आयाना लायक मनमट.

1 कुरेंति 5:12

विस्वासम कियवोरा न्‍यायम नना बारि कीकन? बोर अय्ते विस्वासमते मंतुर, ओरा न्‍यायम मिमेट किय्‍यिरा?

2 कुरेंति 6:3

मावा सेवाते बतले तप्पु जर्गामन्‍नि इंचि, बदे पोल्‍लेते इंकावरोंक अड्‍डम ताकोम.

2 कुरेंति 8:21

सिराप पेनदा मुन्‍नेने तप्‍पु हिल्‍वाप आयो, गानि मनकालोरा मुन्‍नेगुडा तप्‍पु हिल्‍वाप मंतोम.

कुलुसि 4:5

विस्वासम कियवोरतोनि बेस तेल्‍विते ताकट, मोका दोर्कतस्के ओर्क बेसता कबुर वेहाना पायदा तप्‍पाकोंटा एतट.

1 तेसलोनि 4:12

इल्‍हा मत्‍ते मिमेट विस्वासम कियवोरा मुन्‍नेगुडा कदरलायक मनंतिर, बोना पोर्रोने बर्वु आयिर.

1 तेसलोनि 5:22

अन्‍नि तीरकुना कराब पोल्‍लेनाल लक्‍कु मंटु.

1 तिमोति 3:6

इंका ओर पूनें-पूनें विस्वासमते वातोर आयामन्‍नि, बारित्‍ते असंटोंकु गर्रा वासि देय्यम्‍क दोर्कानसोंटा सिक्‍साता आदेस ओन्क दोर्कार.

1 तिमोति 5:14

अदुनहाटीं लेय्यातनमते मुंडामोस्ता मुर्ताह्क मरमिं आसि, पिलाल्कुन कंचेके संसारम कियना इंचि नावा इच्‍चा मंता. अल्हा कीते पगातोर्कुंक तप्पुक दोसना मोका दोर्को.

1 तिमोति 6:9

गानि सिरमंत आंतोम इनकुनना लोकुल्‍क कतरनाक परिक्‍साने, उर्रिने, अव्‍सरम हिल्वव वेल्‍लेन नुकसान कियनसोंटा इच्‍चाने हिरकंतुर. असोंटा इच्‍चां मनकालोर्कुन हेळाहचि नासडेम कींतां.

2 तिमोति 2:26

अस्‍के ओर्कु बेस तेल्वि वासि, ओरा सतता इच्‍चातुन दोर्किच्‍कुननाहाटीं देय्यमता कयदाल इळबळानुर. बारित्‍ते देय्यम सतता इच्‍चान दोर्किच्‍कुननाहाटीं ओर्कुन दोह्‍चि वाटसि इर्ता.

तीतु 2:5

सततुन आपकुंचि पिस्‍साना, पवित्र मंदना, लोतुन आवरिच्‍कुनना, दयाता गुनम मंदना, मुय्दोना पोल्‍लेपोर्रो बेस मंदना, इंचि कराह. अल्हा कराहते, अवुनाहेंदाल पेनदा पोल्‍ले बदनाम आयाकोंटा मनंता.

तीतु 2:8

निमे कराहना बोदा इच्‍चोन सत्‍तेम मनना गदा, अव्टे बोरे तप्पु तेंडामन्‍नि आनि नीवा विरोदमते वळ्कानोर्कुंक मना बारेमते बतले तप्पु दोर्कका ओर्क सिग्गु वायगोम.

3 योहान 1:12

देमेतिरियुसना बारेमते अंटोरगुडा बेसतोर इंचि गवाइ वेहांतुर. पेनदा सत्‍तेमते ताकतोर इंचि सत्‍तेमता नदरतेगुडा ओर बेस मनकल आंदुर. ओर बेसतोर इंचि ननागुडा गवाइ हींतन, नावा गवाइ सत्‍तेम इंचि मीकु अय्ते एरपाटे मंता.