1 तिमोति 3:2 - पवित्र पोल्‍ले

² पजा आ पेद्‍दा मनकना पिस्वरते बतले दोसेम मननायो. ओर उंदे मुरतटा मुय्दो आयगोम, ओर ओप्के पीसि मनानोर आयगोम, ओर विचारम कीसि ताकानोर आयगोम, अंटोर ओना कदर कियनालायक ओर मनगोम, ओर वेरेतोर्कुन बेस हूळकुनानोर आयगोम आनि वेरेतोर्क कराहनालायकगुडा मनगोम.

1 तिमोति 3:2 Iomraidhean Croise

लूकाल 1:6

ओर इव्वुरगुडा पेनदा नदरते नीतिमंतुल्क मत्‍तुर आनि सामि वेहता अन्‍नि नियमकु आनि आदेसकुन पीसि दोसेम हिलाकोंटा ताकुंदुर.

लूकाल 2:36

अगा पेनदा कबुर वेहना उंदि मातिर मनुंदु, दान पोरोल हन्‍ना. अद अस्सेर वंसमते पुटता पनुएल पोरोलतोना मिय्यड आंद. अद वेल्‍लेन मातिर आसि मत्‍ता. मरमिं आता एडुं वर्सानेन दाना मुय्दो हासोत्‍तोर.

रोम सहरतोरहाटीं पौलुसना सिट्‍टि 12:13

पेनदा लोकुल्‍कुंक अव्‍सरम अरतस्के मिहगा मत्‍तद ओर्क हीसि सहायम कीम्‍टु, बोरन्‍ना विस्वासुल्‍क मी लोन वातस्के ओरा सेवा कियालय बस्‍केळ्‍क तयार मंटु.

पिलिपिया 2:15

अस्‍के मिमेट बतले दोसेम हिलवा बेस लोकुल्‍क आकिट. तप्‍पुड कबाह्‍क किय्‍याना ई दुनियाता लोकुल्‍कुना नड्‍डुम आनि पापि लोकुल्‍कुना नड्‍डुम मिमेट बतले दोसेम हिलवोर आसि पेनदा मर्क-मियाह्कुनलेसीं मंदकिट. इंका मिमेट हीकटते पिस्वर पिस्सना लोकुल्‍कुना नड्‍डुम पोत्‍तना वेडसीलेसीं दिसकिट.

1 तिमोति 3:12

कलिसियाता सेवाकुंक उंदे मुत्‍तो मनगोम. ओर ओना सतता मर्क-मियाह्क आनि ओना संसारमतुन बेस ताकसानोर आसि मनगोम.

1 तिमोति 3:8

कलिसियाता सेवाकुल्कगुडा अल्हेन कदरलायक मनना. ओर रोंड नाल्केनोर इत्‍ते चुगलीं कियानोर मनामन्‍नि, ओर्कु कल्‍लु उनना अलवट मनामन्‍नि, ओर तप्पु कबाह्‍क कीसि संपादिंचनोर मनामन्‍नि.

1 तिमोति 4:3

मरमिं आयामन्‍नि इंचि ओर कराहंतुर, इंका बव वस्‍तुक अय्ते पेन दाना विस्‍वासुल्‍कुनाहाटीं आनि निजमतुन एरपाट कियनोराहाटीं दान्क दन्यवाद हीसि तिनालय कीता, अव कोन्‍नि वस्‍तुकुन तिनामन्‍नि इंचि ओर कराहंतुर.

1 तिमोति 5:10

इंका अद मुरतळ बेस कबाह्‍कुने बेस पोरोल तरकुंचि मनगोम, मर्क-मियाह्कुन पोस कीतद आयगोम, वाता हेळमितोरा सेवा कीतद आयगोम, पवित्र लोकुल्‍कुना काल्क नोरतद आयगोम, तकलिपने मत्‍तोर्कुंक सहायम कीतद आयगोम इंका अन्‍नि परिस्तितिने बेस कबाह्‍क कियालय अप्पजेपतद आयगोम.

1 तिमोति 5:22

कलिसियाता पेद्‍दा मनकल इंचि निलाहनाहाटीं, बोन पोर्रेन गाबर आसि कय इरमा. वेरेतोरा पापाल्कुने निमे पालिगाड आयमा. इंका नीवद निमे बस्‍केळ्‍क पवित्र ईर्कुन.

1 तिमोति 5:9

मुंडामोस्ता मुरतटा वय्सु अरवै वर्सांकन्‍ना तक्‍को मनानय्ते, आ मुरतटा पोरोल मुंडामोस्ता मुरताह्कुना रजिस्‍टरते रासानायो. अचोने आयका आ मुरतळ मुन्‍ने वरोने मुय्दोन मरमिं आसि मत्‍तद आयगोम.

2 तिमोति 2:24

इंका सामिना सेवाकुड बस्‍केने जगडम कियाकोंटा, अंटोरपोर्रो दया हुप्पिचानोर आयगोम, ओर कराहनालायक मनगोम, ओप्‍केते मनगोम.

तीतु 2:2

ओप्‍केते, इमानदार मनमळते, सततुन आपकुनमळते, विस्वासमते, पावरमते, दैरनेमते, ओर्सकुनमळते गट्‍टिगा मंदालय मातरलोर्कुंक करहा.

इब्रि 13:2

वाता हेळमितोर बोरे आयिर, ओर्कुन बेस हूळकुंटु. इल्‍हा इच्‍चुर लोकुल्‍क, एरपाट कियाकोन्‍नागानि पेनदा दूतन बेस हूळकुत्‍तुर.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

1 पत्रु 4:9

बतले गुल्‍गाकोंटा वरोंक-वरोर हेडमितोरलेसीं बेस हूळकुंटु.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.