1 तिमोति 3:16 - पवित्र पोल्‍ले

¹⁶ मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

1 तिमोति 3:16 Iomraidhean Croise

मत्‍तयाल 1:23

“हुळाट, मरमिं आयवा पेगिड्‍क पीर आसि, वरोर मर्रिन कनांता. ओना पोरोल इम्मानुएल दोस्सानुर.” इत्‍ते, “मनातोनि पेन मंता,” इंचि ई पोरोल्क अर्तम.

मत्‍तयाल 13:11

येसु अस्‍के ओर्कु इल्‍हा वेहतोर. “मीक अय्ते स्वर्ग राज्येमता बारेमता मर्ममतुन एरपाट कीकुनालय बुद्‍दि मंता, गानि ओर्कु हिल्‍ले.

मत्‍तयाल 28:2

अस्‍के उंदि पेनदा दूता स्वर्गमताल अगा रेयताहाटीं अगा पेद्‍दा बुकंप आता. पजा आ पेनदा दूता बोंदक अड्‍डम मत्‍ता बंडातुन तेंडसि, अदे बंडापोर्रो उद्‍दुता.

मत्‍तयाल 3:16

येसु बापतिस्मा एतसि एताल पलाते पेय्‍स्‍तस्‍के मब्बु बय्यारा आता. पेनदा आत्मा उंदि पावरेम पिट्‍टेतालेसीं आसि येसुनपोर्रो रेयतद येसु हूळतोर.

मत्‍तयाल 4:11

अल्हा इत्‍तरित्‍ते पेद्‍दा देय्यम ओन होळसि होत्‍ता. अस्‍के हुळाट! पेनदा दूतां वासि येसुना सेवा कीतां.

मरकुस 1:13

अगा नल्‍पै रोजकु केडा जिवरासिना नड्‍डुम मननेंके, देय्यम येसुनगा वासि, ओना पट्‍टु हूळता. पजा पेनदा दूतां वासि ओना सेवा कीतां.

मरकुस 16:19

येसु सामि ओना सिस्युल्कुनतोनि इव पोल्‍लें वेहता पजा, पेन ओन स्वर्गमते तेहकुत्‍ता. अस्‍के ओर दाना तिना बाजुंक उद्तोर.

मरकुस 16:5

अव बोंदाते होळियतस्‍के वरोर लेय्या मनकल तेल्‍लाटा कपडिं केर्सि तिना बाजुंक उदिद्‍स मत्‍तद हूळसि अव वेरियतां.

लूकाल 2:32

वेरे जातिनोर्क बेसता हर्रि हुप्‍सना वेल्‍गु, नीवा इस्राएल लोकुल्‍कुंक पेनदाहेंदाल दोर्कुता पेद्‍दातनम ओरे आंदुर.”

लूकाल 20:44

इल्‍हा दाविद ओन, ‘सामि’ इंचि इत्‍तोर. अय्ते ओर दाविदना मर्रि बल्हा आया परांतोर?”

लूकाल 22:43

अस्‍के अगा उंदि पेनदा दूता स्वर्गमताल वासि ओन्क ताकत हियालय दल्‍गता.

लूकाल 24:4

अव इदुना बारेमते इल्‍हा बल्हा आता इंचि विचारमते मननेंकेन अचानक इव्वुर मनकालोर जगा-जगा मेर्सना कपडिं केर्सि अवुनगा वासि निलतुर.

लूकाल 24:51

ओर्क आसिर्वाद हियानेंकेन येसु ओरागटाल लक्‍कु आतोर. पजा ओन पेन स्वर्गमते तेहाचि ओता.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 13:3

पेनबाबाल अन्‍नि अदिकाराल्‍क येसुना कय्‍दुक हीतोर, इंका ओर पेनदागटाल वातोर, पेनदागेन मल्सि दांतोर इत्‍तद अन्‍नि ओन्क एरपाटे मत्‍ता.

योहान 15:26

गानि बाबानाहेंदाल नना लोहना सहायम कियानोर, इत्‍ते बाबानगटाल वायना सत्‍तेम आत्मा, बस्के अय्ते मिहगा वायार. अद मीकु नावा बारेमते गवाइ वेहंता.

योहान 16:28

नना बाबानगटाल इद दुनियाते वातन. इंदके मर्रा इद दुनियातुन होळसि बाबानाहेके होंचंतन,” इंचि येसु वेहतोर.

योहान 17:5

बाबा, दुनिया पुट्‍टका मुन्‍ने नना नीतोनि मननेंके बसोंटा महिमा मत्‍तानो, असोंटा महिमा इंदकेगुडा नी मुन्‍ने हीम.”

योहान 20:12

अस्‍के, तेल्‍लटा कपडिं केरता रोंड पेनदा दूतां दान्क दिसतां. अव येसुना सेत्‍तातुन इरतागा उंदि बारे तल्‍लाताहेके, इंकुंदि बारे काल्कुनहेके उद्‍दिस मत्‍तां.

योहान 6:62

अय्ते मनकना रूपमते पुटतोन नना, मुन्‍ने बगा मत्‍तन अगा मल्सि होननेंके हूळानय्ते, अस्‍के मिमेट बतल इंदकिरो मरि?

प्रेरितुल्‍कुना कबाह्‍क 1:19

इदु येरुसलेम सहरते मत्‍तोर्कुंक अंटोर्क तेळियता. दानहाटीं ओरा बासाते आ नेदुन हकलदामा, इत्‍ते नेत्‍तुरता नेलि इल्‍हा पोरोल अरता.

प्रेरितुल्‍कुना कबाह्‍क 10:34

अस्‍के पत्रु वळ्‍कमळ सुरुव कीतोर. ओर इत्‍तोर, “पेन हरेक मनकन उंदेतीर हूळंता इंचि इंदके नाकु निजम तेळियता.

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

रोम सहरतोरहाटीं पौलुसना सिट्‍टि 10:12

पेनदापोर्रो विस्वासम इर्रनोर बोरे आयिर, ओर यहुदि आयिर, युनानिर आयिर अंटोर उंदे, अंटोर्कुंक ओर वरोरे सामि आंदुर. ओना पोरोल एतसि पारतना कियना अंटोर्कुंक ओर वेल्‍लेन आसिर्वाद हींतोर.

रोम सहरतोरहाटीं पौलुसना सिट्‍टि 10:18

अयना नना उंदि पोल्‍ले पूसकींतन, इस्राएलतोर इद कबुरतुन केंजा हिल्‍लुरा? तप्‍पाकोंटा केंजतुर. इदुना बारेमते इल्‍हा रासतद मंता: “ओरा लेंग दुनियंता केंजा होत्‍ता, ओरा पोल्‍ले दुनियाता मूला-मूलादाका एव्ता,” इंचि दर्मसास्‍त्रमते रासि मंता.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

रोम सहरतोरहाटीं पौलुसना सिट्‍टि 3:4

अल्हा आयापर्रो. लोकुल्‍क अंटोर आबद्‍दम वळकानोर आयिना, पेन मात्रम बस्‍केळ्‍क निजम मनंता. बारित्‍ते दर्मसास्‍त्रमते, “निमे वळ्कते नीवा पोल्‍ले निजम इंचि दिस अर्रंता, निमे न्‍यायम कियनेंके नीवा पोल्‍ले गेल्‍संता,” इंचि रासि मंता.

रोम सहरतोरहाटीं पौलुसना सिट्‍टि 8:3

मनकालोरा बुद्‍दि पापमता कय्‍दा हिळु मत्‍ताहेंका मनम मूसाना नियमतुन केंजाकोंटा मत्‍तोम. अदुनहाटीं अद नियम मनाकुन पिसागोटा पराहिल्‍ले, अदुन पेने पिसागोटा परता. अद बल्हा इत्‍ते, पेन दाना मर्रिन इद बूमिते लोहचीता. ओर मनकालोरा पापाल्कुन तेंडसि पोहनाहाटीं, मनकाना मेंदुल्ते मारियतोर. अदे मेंदुल्ते ओर मना पापाल्कुना सिक्‍सातुन ओनपोर्रो एतकुत्‍तोर.

रोम सहरतोरहाटीं पौलुसना सिट्‍टि 9:5

एनकटा पेद्‍दाल्क अब्राहाम, इसाक आनि याकोब ईरगुडा ईरोरे आंदुर. अचोने आयका येसु किरिस्‍तुगुडा मनकन रूपमते ईरा वंसंमतेन पुटतोर. अन्‍निन ताकसना अदिकारम मत्‍ता पेने ई येसु किरिस्‍तु आंदुर. अव अन्‍नि बस्‍केळ्‍क ओने तल्‍सकुन्‍निं. आमीन.

1 कुरेंति 15:47

मोदाटा मनकल बूमिता तोळिते तयार आतोर, गानि पजाटाल वायाना मनकल स्वर्गमताल वातोर.

1 कुरेंति 2:7

मोमोट मर्ममते मक्‍किचि मत्‍ता पेनदा तेल्‍वितुन वेहंतोम, अद बूमि पुट्‍टका मुन्‍नेने मावा पेद्‍दातनमहाटीं पेन तयार कीसि इरता.

2 कुरेंति 1:19

बारित्‍ते, नना, सिल्‍वानुस आनि तिमोति मोमोट मीवा नड्‍डुम पेनदा मर्रि येसु किरिस्‍तु आंदुर इंचि वेहतोम. येसु किरिस्‍तु “हो, हिल्‍ले” इल्‍हा रोंडु पोल्‍लें वळ्‍कोर गानि ओर बस्‍केळ्‍क “हो” इंचे इंतोर.

गलातिया 4:4

गानि बस्के अय्ते पेन निरनायम कीता वेला एवता, अस्‍के दाना मर्रिन ई दुनियाते लोहता. ओर मूसाना नियम परकारम ताकानोरा लोप्पो उंदि मुरतटा पीटे पुटतोर.

इपीसि 1:9

पेन मुन्‍नेने निरनायम कीता, दाना इच्‍चा परकारम मत्‍ता मर्ममता पिलानतुन, मनाकु किरिस्‍तुनाहेंदाल कुल्‍ला कीसि वेहता.

इपीसि 6:19

इंका नना बस्के-बस्के अय्ते पेनदा पोल्‍लें कराहलय तोड्‍डि तेहांतन, अस्‍के-अस्‍के नाकुंदि बेसता कबुर दोर्कालय नावाहाटींगुडा पारतना कीम्‍टु. दीनहेंदाल नना पेनदा बेसता कबुरते मत्‍ता मर्ममतुन वेरियाकोंटा वेरेतोर्क वेहा परकन.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

2 तेसलोनि 1:10

बस्के अय्ते येसु सामि मर्रा वायानुर अस्‍के ओना पवित्र लोकुल्‍कुनाहेंदाल महिमा एतंतोर आनि विस्वासम कीतुर अंटोराहेंदाल ओर पेद्‍दातनम दोर्किच्‍कुंतोर. बारित्‍ते मोमोट वेहता गवाइतुन मिमेट विस्वासम कीतिट.

2 तेसलोनि 2:7

पेनदा पोल्‍लेतुन विरोद कियानोना मर्ममता ताकत इंदकेगुडा कबळ कीसेकेन मंता; गानि दान आपानोन पक्‍कक कियानादाका पेन ओन आपसेकेने मनंता.

1 तिमोति 3:9

ओर विस्वासम बारेमता मर्ममतुन मनसुना बेस पोल्‍ले वेहताप तेल्‍पिचकुंचि दान गट्‍टिगा पीसि मनानोर आयगोम.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 7:7

इंदके पेद्‍दोड सिन्‍नोंक आसिर्वाद हींतोर इत्‍ता पोल्‍लेपोर्रो बतले अनमानम हिल्‍ले.

इब्रि 8:1

इदवेरदाका वेहासेक वाता पोल्‍लेता मेन पोल्‍ले बतल इत्‍ते, स्वर्गमते अन्‍निटकन्‍ना पेद्‍दा पेनदा तिना बाजुंक राज्येम कियालय बोर अय्ते उद्‍दिसि मंतोरो, ओरे मावाहाटीं पेद्‍दा पेर्मल आतोर.

1 पत्रु 1:12

इव पोल्‍लें ओरा पायदाताहाटीं आयों गानि मीवाहाटीं इंचि पेने ओर्क तेळियागोट्‍सि वेहचि हुपिस्‍ता. इदवेरादाका बदाय्ते बेसता कबुर वेहतुर, अद स्वर्गमताल लोहचीता पवित्र आत्माहेंदाले मीक वेहतुर. इव पोल्‍लेना बारेमते पेनदा दूतांगुडा बल्हा आंतानो इंचि हूळना इच्‍चाते मंतां.

1 पत्रु 1:20

दुनिया पुट्‍टका मुन्‍नेन किरिस्‍तुन पेन पेरता, गानि मीवाहाटीं इव आकिर रोजकुने ई दुनियाते वातोर.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

1 पत्रु 3:22

इंदके येसु किरिस्‍तु स्वर्गमते होंचि पेनबाबाना तिना बाजुंक उद्तोर. अगा पेनदा दूतां, अदिकाराल्‍क, सक्‍तिं ओना कय हिळु मंतां.

1 योहान 1:2

आ बस्‍केळ्‍क पिस्‍साना पिस्वर हिय्यना पोल्‍ले मोदाला पेनबाबानतोनि मत्‍तोर. ओन पेन मनकाना रूपमते मारियागोटसि बूमिते लोहताहेंका मोमोट ओन हूळतोम, इंचि गवाइ वेहांतोम. अल्‍हेने आ बस्‍केळ्‍क पिस्‍साना पिस्वरता बारेमता कबुर मीकु वेहांतोम.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

1 योहान 3:8

पापम कीसेके मनना हरेक मनकल देय्यमता बाजुनोरे आंदुर. बारित्‍ते सुरुवनाले देय्यम पापम कीसेके वासंता. गानि देय्यमता कबाह्‍कुन नासडेम कियानाहाटींगे पेनदा मर्रि इद दुनियाते वातोर.

पेन हुपिस्‍ता पोल्‍लें 17:5

दाना कपालमपोर्रो, “पेद्‍दा बेबिलोन, बोगामोताह्‍कुना अल्हेन हय्‍सुवा वस्‍तुकुना तल्‍लुर” इंचि मर्ममते रासि मत्‍ता.

पेन हुपिस्‍ता पोल्‍लें 17:7

अस्‍के पेनदा दूता नाकुन, “निमे इचंत्रम बारि आतिन? नना इद मुरतळता आनि अद उद्‍दिस मत्‍ता पदि कोह्कु आनि एडुं तल्‍लां मत्‍ता जिवरासिता मर्ममतुन वेहांतन,

पेन हुपिस्‍ता पोल्‍लें 7:9

अद आता पजा, पेनदा राजगद्‍दे आनि गोर्रे पोरिना मुन्‍ने तेल्‍ला कपडिं केरसि, कजूर मराता कोम्मां कय्‍दे पीसि हरेक जातितोर, हरेक बासातोर, हरेक लोकुल्‍क आनि अन्‍नि देसेल्‍कुनोर इल्‍हा लेक्‍कुते बोरे लेक्‍का पर्रुर अच्‍चोन मंदितुन नना हूळतन.