1 तिमोति 3:14 - पवित्र पोल्‍ले

^14-15 नाकु निहगा बिराना वायना आसे मंता. गानि ओक्‍कला नाकु वायालय आल्सेम आते, पेनदा कुटुंबते, इत्‍ते जीवाते मनना पेनदा कलिसियाते वरोर मनकल बल्हा मनगोम इत्‍ता पोल्‍ले नीकु एरपाट आयगोम इंचि इद सिट्‍टि रासेक मंतन. बारित्‍ते कलिसिया निजमता निटड गुंजा आनि पुनादि आंदु.

1 तिमोति 3:14 Iomraidhean Croise

1 कुरेंति 11:34

बोरन्‍नागिंटा कर्वुने मत्‍ते लोने तिंचि वायिर. इल्‍हा कलियमळता हेंदाल सिक्‍सा तपंता. कळमता पोल्‍लेन बारेमते नना वातस्के वेहंतन.

1 तेसलोनि 2:18

बारित्‍ते माक मिहगा वायागोम इंचि मंता. नना पौलुस, बच्‍चुंगो मल्कां कोसिसगुडा कीतन, गानि देय्यम माक अड्‍डम आयुंदु.

1 तिमोति 3:13

बारित्‍ते बोर अय्ते सेवक इंचि कबळ कींतोर ओर बेस कदर दोर्किच्‍कुना परांतोर. अचोने आयका किरिस्‍तु येसुना पोर्रो मनना ओना विस्वासमते ओन्क वेल्‍लेन दैरनेम दोर्कंता.

1 तिमोति 4:13

नना बदवेरदाका अय्ते वायोनो अदवेरदाका निमे अंटोर नड्‍डुम दर्मसास्‍त्रमतुन हदवुसेके, प्रचार कीसेके, कराहसेके मन्‍नु.

पिलेमोन 1:22

अल्‍हेने, नाहाटीं मंदालय उंदि जेगा हूळसि इर्रा. मिमेट किय्‍याना पारतनां केंजसि सामि नाकुन मिहगा लोहंतोर बारे इत्‍ता आसे नाकु मंता.

इब्रि 13:23

मना तम्मुनसोंटा तिमोति जेलनाल पेय्सता पोल्‍लेतुन मिमेट तेल्‍पिचकुंटु. ओर ओक्‍कला नहगा बिराना वाते, नना ओनतोनि, मीकु कलियालय वांतन.

2 योहान 1:12

इंका वेल्‍लेन पोल्‍लें मीहाटीं रासाना इंचि नावा मनसु मंता. गानि अवुन नना साइते कायदोमपोर्रो रासोन. बारित्‍ते, मिहगा वासि मीकुन कलियसि, मीतोने अन्‍नि पोल्‍लें वळ्‍काना इंचि मनसुने आसे पडसेक मंतन. अस्‍के मना कुसि इत्‍तदगुडा पुरागा आंता.

3 योहान 1:14

बिरानेन नीकु कलियना इंचि नना आसे पडसेक मंतन. कलियतस्‍के, मनम मोकोम मुन्‍नेन वळ्‍क्‍कुनकोम.