1 तिमोति 2:8 - पवित्र पोल्‍ले

⁸ अदुनहाटीं पारतना कियना अन्‍नि जेगाने मनसुने बतले होंगु-जगडम इर्रांकोंटा पवित्र कय्‍कु पोर्रो तेहचि मांडसा पारतना कियना इंचि नावा इच्‍चा मंता.

1 तिमोति 2:8 Iomraidhean Croise

मत्‍तयाल 21:21

अस्‍के येसु ओर्कु इल्‍हा जवाब हीतोर. “नना मीकु निजम वेहांतन, ओक्‍कला मीकु बतले अनमानम हिलाकोंटा पेनदापोर्रो विस्वासम मनानय्ते, नना बल्हा अंजिर मरातुन कीतनो अल्हा मिमेटगुडा किया परांतिर. अचोने आयो इद गुट्‍टातुन, ‘इग्‍गेटाल तेदसि समुद्रमते होंचि अर्रा,’ इंचि इनानय्ते, अद होंचि समुद्रमते अर्रंता.

मत्‍तयाल 5:44

गानि नना मीकु वेहानद बतल इत्‍ते, मीवा पगातोर्कुन पावरम कीम्‍टु. मीकुन तकलिप कियानोराहाटीं मिमेट पारतना कीम्‍टु. अस्‍के मिमेट मीवा स्वर्गमते मनना बाबाना पिलाल्क आंतिर.

मत्‍तयाल 6:12

माकु विरोदमते कीता तप्‍पुकुन मोमोट बल्हा माप कीतोमो, निमेगुडा मोमोट कीता तप्‍पुकुन माप कीम.

लूकाल 23:34

अस्‍के, “पेनबाबा, ईर बतल कीसंतुरो, अद ईरके तेळियो. अदुनहाटीं ईर्कुन मापि कीम,” इंचि येसु इत्‍तोर. पजा सिपाइल्क सिट्‍टिं वाट्‍सि ओना कपडिन पंचकुत्‍तुर.

लूकाल 24:50

पजा येसु ओर्कुन येरुसलेम सहर दग्‍गेरा मनना बेतानि इनना नाटाहेके ओतोर. ओसि ओर ओना कय तेहचि ओर्कु आसिर्वाद हीतोर.

योहान 4:21

अस्‍के येसु दान्क इल्‍हा वेहतोर: “बाई नाकुन नम्मा! पेनबाबांक मोळ्‍कनाहाटीं इद गुट्‍टातगा हिलाकोंटे येरुसलेम सहर होनना अव्‍सरम हिल्‍ले, मिमेट बगानना मोळ्‍का परंतिट, इसोंटा वेला मुन्‍ने वासेक मंता.

प्रेरितुल्‍कुना कबाह्‍क 10:2

कुरनेलियुस बेस नीतिमंतुड मत्‍तोर. ओर, ओना लोतोरगुडा पेनदुक वेरियुंदुर. ओर गरिब लोकुल्‍कुंक वेल्‍ले सहायम कियुंदुर. बस्केळक पेनदुक पारतना कीसेके मनुंदुर.

प्रेरितुल्‍कुना कबाह्‍क 10:31

नित्‍तिसि, ‘कुरनेलियुस, नीवा पारतना पेन केंजता, गरिबोर्कुंक निमे कियना सहायमतुन पेन हूळता.

प्रेरितुल्‍कुना कबाह्‍क 10:4

अस्‍के कुरनेलियुस वेर-वेरियसेक पेनदा दूताहेके हूळसि, “नीकु बतल गावाले वेहा,” इंचि इत्‍तोर. अस्‍के पेनदा दूता, “नीवा पारतनां पेन केंजता. गरिबोर्कुंक निमे कियना सहायमतुन पेन हूळता.

प्रेरितुल्‍कुना कबाह्‍क 21:5

वारम आता पज्जो अगटाल मोमोट मावा पय्‍नेम पेय्‍सतोम. अगाटा विस्वासुल्‍क ओरा मुत्‍तोह्‍क, पिलाल्क अंटोर सहरता पलाते समुद्रम ओड्‍डुनदाका मातोनि वातुर. अगा मोमोट टोंगरां ऊनसि पारतना कीतोम.

प्रेरितुल्‍कुना कबाह्‍क 7:60

पजा ओर टोंगरां ऊनसि, “हे सामि, ई पापम ईरापोर्रो तासुमा,” इंचि जोरसे वरगेयसि, कळ्‍क मुचतोर. इल्‍हा साऊलगुडा ओना हामुरते पोत्‍तु आतोर.

1 कुरेंति 1:2

कुरेंति सहरते मनानोर किरिस्‍तु येसुनलोप्‍पो पवित्र आता पेनदा कलिसियातोर्कुंक, आनि वेरे-वेरे जेगाने मना सामि इत्‍ते, ओरा आनि मना येसु किरिस्‍तुना पोरोलते आरादना कियाना अंटोर बक्‍तुल्कुंक रासता सिट्‍टि,

1 कुरेंति 7:7

अंटोर लोकुल्‍क नावालेसीं मनागोम इंचि नाक अनपिच्‍चंता. गानि हरेक मनकंक पेनदाहेंदाल अलग-अलग वरम दोर्किस मंता, बोनको बदो तीरनद, इंका बोनको इंकुंदि तीरनद वरम दोर्किस मंता.

2 कुरेंति 2:14

पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

पिलिपिया 1:12

नावा विस्वासुल्‍कुनिटा! मिमेट उंदि पोल्‍ले अर्तम कीकुंटु, नावा पिस्वरते जर्गता अन्‍नि गटनां किरिस्‍तुना बारेमता बेसता कबुर बेरसालये सहायम आतां.

1 तेसलोनि 1:8

बारित्‍ते मीहेंदाल सामिना पोल्‍ले सिराप मेसिडोनिया आनि अकाया राज्येमतेन एवता इंचि आयो गानि पेनदापोर्रोटा मीवा विस्वासमता बारेमते अन्‍नि जेगाने तेळियसि होत्‍ता. अदुनहाटीं मोमोट मीक वेहाना बतल अव्‍सरम हिल्‍ले.

1 तिमोति 5:14

अदुनहाटीं लेय्यातनमते मुंडामोस्ता मुर्ताह्क मरमिं आसि, पिलाल्कुन कंचेके संसारम कियना इंचि नावा इच्‍चा मंता. अल्हा कीते पगातोर्कुंक तप्पुक दोसना मोका दोर्को.

तीतु 3:8

इद पोल्‍ले निजम आंद. आनि निमे इव पोल्‍लें दटांचि वेहाना इंचि नावा इच्‍चा मंता. निमे दटांचि वेहतेने, बोर अय्ते पेनदुन विस्वासम कीतुर, ओर जेर्गताते मंचेके बेसता कबाह्‍क कीसेके मनांतुर. बारित्‍ते इव अन्‍नि मनकालोरहाटीं बच्‍चोनो बेस आनि पायदता पोल्‍लें आंदुं.

इब्रि 10:22

अदुनहाटीं मनम सत्‍तेम मनसुने, पुरागा विस्वासमते, इंका मना विवेकमतुन दोसेम हिलाकोंटा कियानाहाटीं मना मनसुनपोर्रो किरिस्‍तुना नेत्‍तुर सल्सि, इंका मेंदुल्तुन बेस साप एते नोर्सि पेनदा दग्गेर्क दाकोम.

याकोब 4:8

मिमेट पेनदुक दग्‍गेरा वट, अस्‍के पेन मीवा दग्‍गेरा वांता. ए पापि लोकुरिटा! मीवा पापाल्कुन नोर्राट. रोंडु मनसुकुने ताकानोरिटा, मीवा मनसुन साप इर्राट.

1 पत्रु 3:7

अल्‍हेने मुय्दुर्कुनिटा! मीवा मुत्‍तोह्कुंकगुडा मी अचोने पेनदा कुर्पाता वारसान हक्‍क मंता. गानि अवुंक मीलेसीं ताकत हिल्‍ले. अदुनहाटीं मिमेट मुत्‍तोह्कुंक बेस कदर हीसि पिस्‍सट. अस्‍के मीवा पारतनाकु बतले अड्‍डम वायो.