1 तिमोति 1:17 - पवित्र पोल्‍ले

¹⁷ बस्‍केळ्‍क मनना राजाल, बस्‍केने नासडेम आयवोर, बस्‍केने दिस्सोर असोंटा मावा उंदे पेनदुक पीळि-पीळिनदाका कदर, पेदातनम दोर्कि. आमीन.

1 तिमोति 1:17 Iomraidhean Croise

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

मत्‍तयाल 28:20

नना मीकु हीता आदेस परकारम ओर्कु ताकालय करहट, ई दुनिया मुंळगना आकिर वेलादाका नना बस्केळक मीतोने मनंतन,” इत्‍तोर.

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

योहान 1:18

पेनदुन बस्‍केने बोरे हूळा हिल्‍लुर. गानि पेनबाबाना संकाते मनना ओना वरोरे मर्रि, ओरे मनाकु ओन हुपिस्तोर.

योहान 5:44

मीवद मिमेटे कदर कीकुनमळ इत्‍ते मीकु वेल्‍लेन इस्‍टम. गानि पेनदाहेंदाल दोर्कना कदरतुन मात्रम बोरे पहका हूळिर. असोंटस्के मिमेट नापोर्रो बल्हा विस्वासम किया परांतिर?

रोम सहरतोरहाटीं पौलुसना सिट्‍टि 1:20

बल्हा इत्‍ते, इद दुनिया पुटतस्केटाल पेन तयार कीता दुनियातुन हूळते, दाना बस्‍केने दिसुवा गुनम, बस्‍केळ्‍क मनना ताकत मनाकु दिसंता. अदुनहाटीं पेनदुन एरपाट किय्‍योम इंचि मनकालोर इना परुर.

रोम सहरतोरहाटीं पौलुसना सिट्‍टि 1:23

बस्‍केळ्‍क नासडेम आयाकोंटा मंदना महिमागल्‍ला पेनदुन ओर मोळ्‍कका, दाना जेगाते नासडेम आयना मनकानव, पिट्‍टेनव, जिवरासिनव आनि तरासुनलेह्का बेंगना जिवरासिना बोम्मां कीसि मोळ्‍कालय दल्‍गतुर.

रोम सहरतोरहाटीं पौलुसना सिट्‍टि 11:36

दुनियाते मनानव अन्‍नि पेनदागटाले वातां, अन्‍निन अदे पुटिस्ता, दुनियाते मनानव अन्‍नि दानाहाटींगे मंतां. युगा-युगाल्‍कुनदाका दानदे महिमा आयि, आमीन.

रोम सहरतोरहाटीं पौलुसना सिट्‍टि 2:10

गानि अवे रोजकुने बेसता कबाह्‍क कीसेक ताकानोर्कुंक पेद्‍दातनम, कदर, सांति दोर्कार. अव्टे मोदाला यहुदिल्कुंक पजा युनानिर्कुंक.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

कुलुसि 1:15

ओर दिस्‍सवसोंटा पेनदा रूपम आंदुर, ओर दुनिया पुट्‍टका मुन्‍नेटाले मत्‍ताहाटीं, दुनियाते पुटतवुने अन्‍निनपोर्रो पेद्‍दोड आंदुर.

इब्रि 11:27

विस्वासमहेंदाले, इजिप्‍त देसेमता राजाल होंगुंक वायिनागानि, वेरियाकोंटा मूसाल इजिप्‍त देसेम होळसीतोर. बोर्के दिसुवा पेन ओन्क दिसताप, ओर गट्‍टि दैरनेमते मत्‍तोर.

इब्रि 2:7

निमे ओन पेनदा दूतांकन्‍ना गिचचो सिन्‍नगा कीतिन, गानि निमे ओन्क पेद्‍दातनम आनि कदरता किरिटम हीसि, निमे नीवा कय्‍दा कबाह्कुनपोर्रो ओन्क अदिकारम हीतिन,

1 पत्रु 5:11

दानादे राज्येम युगा-युगाल्‍कुनदाका मन्‍निकांटी, आमीन.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

1 योहान 4:12

पेनदुन बोर बस्‍केन हूळा हिल्‍लुर. गानि मनम, वरोंक-वरोर पावरम कियानय्ते पेन मनालोप्‍पो मनंता आनि दाना पावरम मनालोप्‍पो पुरागा आंता.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.

पेन हुपिस्‍ता पोल्‍लें 15:3

पेनदा सेवाकुड मूसाना पाटा आनि गोर्रे पोरिना पाटा पारसेके ओर इल्‍हा इनुंदुर, “ए अन्‍निटकन्‍ना एक्‍को सक्‍तिमंतुन आता मावा सामि पेनदुना, नीवा कबाह्‍क पेद्‍देय आनि इचंत्रमतव आंदुं, निमे बस्‍केळ्‍क मंदना राजान आंदिन, नीवा हर्रि नीतितद, आनि सत्‍तेमतद आंदु,

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 19:1

अस्‍के स्वर्गमते वेल्‍लेन मंदिलेसीं पेद्‍दा आवाजते, “हालेलुया! मुक्‍ति, महिमा आनि ताकत मा पेनदा कय्‍देन मंता,

पेन हुपिस्‍ता पोल्‍लें 19:16

ओना कपडि आनि तोडापोर्रो, “राजालोर्कुना राजाल, सामिल्‍कुना सामि,” इंचि रासि मंता.

पेन हुपिस्‍ता पोल्‍लें 19:6

पजा नाकु वेल्‍लेन मंदितालेसीं आवाज, वेल्‍लेन एता तळाना आवाज आनि मब्बु उरुमताप आवाज केंजावाता. अद आवाज, “हालेलुया! सामि मना पेनबाबाल वेल्‍लेन सक्‍तिमंतुड आंदुर. ओरे राज्येम ताकिचेके मंतोर.