1 तिमोति 1:15 - पवित्र पोल्‍ले

¹⁵ पापिर्कुन पिसागोटनाहाटीं येसु किरिस्‍तु इद दुनियाते वातोर. ई पोल्‍ले सत्‍तेम आनि पूरा ओप्कुननालायक मंता. अंटोर्कन्‍ना पेद्‍दा पापिन नना आंदुन.

1 तिमोति 1:15 Iomraidhean Croise

मत्‍तयाल 1:21

अद पेडन कनंता, ओर ओना लोकुल्‍कुन ओरा पापाल्कुनाल पिसागोटंतोर. अदुनहाटीं ओना पोरोल येसु दोस्‍सा,” इंचि वेहता.

मत्‍तयाल 18:10

हुळाट, नावापोर्रो विस्वासम कीता ई सिन्‍नोरकुन बोने तेंडसि पोहमटु. नना वेहनद बतल इत्‍ते, ओरा पेनदा दूतां स्वर्गमते मनना नावा पेनबाबांक बस्केळक कलियसेके मनंतां.

मत्‍तयाल 18:11

अचोने आयका मनकना रूपमते पुटतोन नना तप्‍सोत्‍तोर्कुन पिसागोटलय वातन.

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

मरकुस 2:17

अद केंजसि येसु ओर्कुन इल्‍हा इत्‍तोर, “बिमार हिल्‍वोर्कुंक डाक्‍टरना अव्‍सरम मन्‍नो गानि बिमार मत्‍तोर्कुंक डाक्‍टरना अव्‍सरम मनंता. नना नीतिमंतुल्‍कुन केयालय आयो गानि पापि लोकुल्‍कुन केयालय वातन,” इंचि इत्‍तोर.

लूकाल 15:2

जमा आतद हूळसि, परिसिल्कु आनि दर्मसास्‍त्रम कराहना गुरुल्क येसुन, “ई मनकल पापि लोकुल्‍कुन दग्गेर्क केय्‍सि उपसंतोर अल्‍हेने ओरतोनि कलियसि गाटोगुडा तिंतोर,” इंचि गुल्‍गसेक इत्‍तुर.

लूकाल 5:32

नना नीतिमंतुल्‍कुन केयालय आयो गानि पापि लोकुल्‍कुन मनसु मार्सकुननाहाटीं केयालय वातन,” इंचि इत्‍तोर.

योहान 1:12

गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 12:47

बोरे आयिर, ओक्‍कला नावा पोल्‍लें केंजसिगुडा अवुन परकारम ताकाकोंटे, ओना न्‍यायम नना किय्योन. बारित्‍ते नना इद दुनियाते न्‍यायम कियालय वाया हिल्‍लेन, गानि इद दुनियातोर्कुन पिसागोटलय वातन.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

प्रेरितुल्‍कुना कबाह्‍क 11:1

वेरे जातितोरगुडा पेनदा पोल्‍लेतुन ओप्‍कुत्‍तुर इत्‍ता संगति, प्रेरितुल्क आनि यहुदिया एरियाते मत्‍ता दादालोर केंजतुर.

प्रेरितुल्‍कुना कबाह्‍क 11:18

ई पोल्‍लें केंजसि ओर अंटोर सपुडदाका आतुर. पेन वेरे जातितोर्कगुडा पिस्वर दोर्किच्‍कुननाहाटीं मनसु मार्सकुनना वरम हीता, इंचि पेनदा स्‍तुति कीतुर.

प्रेरितुल्‍कुना कबाह्‍क 3:26

पेन ओना सेवक येसुन मर्रा जीवा अरहतस्के, मीकुन कराब हरदाल तप्पिचि आसिर्वाद हियनाहाटीं मोदाला मीहेके लोहता,” इत्‍तोर.

रोम सहरतोरहाटीं पौलुसना सिट्‍टि 11:14

इल्‍हा कीतेनना मीकु आता पायदातुन हूळसि नावा यहुदि लोकुल्‍कुना कळ्‍क पोत्‍सि ओराव्टेटाल गिच्‍चचुरन्‍ना विस्वासमते वायानुर इंचि नावा आसे.

रोम सहरतोरहाटीं पौलुसना सिट्‍टि 5:6

बस्के अय्ते मनद मनम पिसागोटकुना पराकोंटा आतोम, असोंटा वेलाते मना पापि लोकुल्‍कुनाहाटीं किरिस्‍तु ओना जीवा हीतोर.

1 कुरेंति 15:9

बारित्‍ते, नना अंटोर प्रेरितुल्‍कुन लोप्‍पो सिन्‍नोन आंदुन, नना पेनदा कलिसियातोर्कुन तिप्‍पल्‍क कीतोन आंदुन. अदुनहाटीं प्रेरित इनना लायकगुडा हिल्‍लेन.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

1 तिमोति 1:13

मुन्‍ने नना बदनाम कियुंदुन, तकलिप हियुंदुन, तेंडसि पोहचि वळ्‍कुंदुन. अयना नाकु सामिना दया दोर्कता, बारित्‍ते नना कियानद बतलो तेळियका, अविस्वासमते अल्हा कीतन.

1 तिमोति 3:1

ओक्‍कला बोरन्‍ना मनकल कलिसियाता पेद्‍दा मनकल आयना मनसु इरते, ओर तप्‍पाकोंटा बेस कबळ कियना इनकुंतोर, इत्‍ता पोल्‍ले मात्रम निजम आंद.

1 तिमोति 4:9

ई पोल्‍ले पुरागा ओप्कुननालायक आनि विस्वासम कियनलायक मंता.

1 तिमोति 6:13

अन्‍निटवुन जीवाते इर्रना पेनदा मुन्‍ने आनि पुंतुस पिलातुसना मुन्‍ने बेस गवाइ हीता किरिस्‍तु येसुना मुन्‍ने, नना नीकु आदेस हीसेक गदा, मना सामि येसु किरिस्‍तु मर्रा वायनदाका, निमे ई आदेसतुन बदे तप्पु डागु आनि दोसेम अंटाकोंटा कापाळसेके इर्रा.

2 तिमोति 2:11

इद पोल्‍ले विस्वासम कियनलायक मंता, अद बतल इत्‍ते, ओक्‍कला मनम ओनतोनि हातोम इनानय्ते, ओनतोनि पिस्संतोमगुडा.

तीतु 3:8

इद पोल्‍ले निजम आंद. आनि निमे इव पोल्‍लें दटांचि वेहाना इंचि नावा इच्‍चा मंता. निमे दटांचि वेहतेने, बोर अय्ते पेनदुन विस्वासम कीतुर, ओर जेर्गताते मंचेके बेसता कबाह्‍क कीसेके मनांतुर. बारित्‍ते इव अन्‍नि मनकालोरहाटीं बच्‍चोनो बेस आनि पायदता पोल्‍लें आंदुं.

इब्रि 7:25

अदुनहाटीं येसु, ओनाहेंदाल बोर अय्ते पेनदागा वांतुरो, ओराहाटीं विनंति कियालय ओर बस्‍केळ्‍क जीवातेन मनंतोर. इल्‍हा येसु माकुन पुरागा पिसागोटा पर्रांतोर.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

1 योहान 3:8

पापम कीसेके मनना हरेक मनकल देय्यमता बाजुनोरे आंदुर. बारित्‍ते सुरुवनाले देय्यम पापम कीसेके वासंता. गानि देय्यमता कबाह्‍कुन नासडेम कियानाहाटींगे पेनदा मर्रि इद दुनियाते वातोर.

1 योहान 5:11

पेन मनाकु बस्‍केळ्‍क पिस्सना पिस्वर हीता, ई पिस्वर दाना मर्रिनगा मंता. इदे पेनदा गवाइ आंद.

पेन हुपिस्‍ता पोल्‍लें 21:5

अस्‍के राजगद्‍देपोर्रो उद्‍दिस मत्‍तोर ओर, “हुळाट! नना अन्‍निटवुन पूनाव कीसि वाटंतन” इंचि इत्‍तोर. मर्रा ओर, “इव पोल्‍लें सत्‍तेम, विस्वासमलायकतव आंदुं, इवुन रासा,” इंचि नाकु वेहतोर.

पेन हुपिस्‍ता पोल्‍लें 22:6

पजा अद पेनदा दूता नातोनि, “इदवेरादाका बतल अय्ते वेहामळ जर्गता अव पोल्‍लें विस्वासमलायक आनि सत्‍तेम पोल्‍लें आंदुं, बव पोल्‍लें अय्ते बिराना जर्गमळ अव्‍सरम मंता, अव पोल्‍लेन दाना सेवाकुल्कुंक हुप्‍सानाहाटीं, कबुरतोरा आत्मान ताकसाना पेने दाना दूतातुन लोहता,” इंचि इत्‍ता.

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”