1 तिमोति 1:12 - पवित्र पोल्‍ले

¹² मना सामि येसु किरिस्‍तु नाकु बलम हीतोर अदुनहाटीं नना ओन्क दन्यवाद कींतन. इंका नाकुन विस्वासम लायकतोर इन्कुंचि ओना सेवाताहाटीं निलाहतोर.

1 तिमोति 1:12 Iomraidhean Croise

मत्‍तयाल 20:4

मिमेटगुडा नावा अंगुर बगिचाते कबळ कियालय होंट. मीवा कबळलायक बूति मीकु हींतन, इंचि मालक ओर्क वेहतोर. अल्हा इत्‍तारित्‍ते ओरगुडा बगिचाते कबळ कियालय होत्‍तुर.

प्रेरितुल्‍कुना कबाह्‍क 16:15

अद आनि दाना लोते मत्‍तोर अंटोर बापतिस्मा एततारित्‍ते अद, “मिमेटगिंटा नाकुन पेनदा निजम विस्वासि मुरतळ इंचि इनकुनानय्ते नावा लोन वासि आगट,” इंचि माकुन विनंति कीता. अस्‍के मोमोट दाना लोन होत्‍तोम.

प्रेरितुल्‍कुना कबाह्‍क 9:15

अस्‍के सामि ओन, “नावा पोरोलतुन वेरे जातितोरा नड्‍डुम, राजालोरा मुन्‍ने, इस्राएलता लोकुल्‍कुन मुन्‍ने वेहनाहाटीं नना ईन नावा विस्रे इंचि पेर्कुत्‍तन, अदुनहाटीं निमे होन.

प्रेरितुल्‍कुना कबाह्‍क 9:22

गानि साऊलना कराहना तेल्वि मात्रम रोज-रोज बेरसेकेन होत्‍ता. अदुनहाटीं दमिस्‍कते मनना यहुदिल्कुन, येसु सामिए किरिस्‍तु आंदुर, इंचि रुजुव कीसि ओर्कुन वळकाकोंटा कियुंदुर.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 3:5

अप्‍पुलोस बोर आंदुर? नना पौलुसुन बोन आंदुन? मोमोट इव्वुरमगुडा पेनदा सेवाकुल्कुमे. पेन माक बतल अय्ते कबळ अप्पजेपता, अदुन वेहतोम, मिमेट विस्वासम कीतिर.

1 कुरेंति 7:25

मरमिं आयववुना बारेमते सामि नाकु बतले आदेस हिया हिल्‍लोर, गानि नावा मनसुना पोल्‍ले मीक वेहसेक मंतन. सामिना दयाहेंदाल, नना दान बरोसा कींतन.

2 कुरेंति 4:1

पेन मापोर्रो दया कीसि, दाना पोल्‍ले वेहाना इद सेवा माक हीता, अदुनहाटीं मोमोट दैरनेमते वेहांतोम.

गलातिया 3:26

येसु किरिस्‍तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.

गलातिया 3:28

इंदके यहुदि, युनानि, जीतागाड, मालक, मांड्‍सा, मुरतळ इल्‍हा बतले परक हिल्‍ले. किरिस्‍तुने मिमेट अंटोर उंदे.

पिलिपिया 2:11

इंका “येसु किरिस्‍ते सामि आंदुर,” इंचि हरेक नाल्के ओप्कुनगोम. इल्‍हा पेनबाबांक कदर दोर्कना इंचि अल्हा कीता.

पिलिपिया 4:13

किरिस्‍तु नाक ताकत हीसेक इंचि, बसोंटा परिस्तिति वायिनागानि नना अन्‍नि किया परांतन.

कुलुसि 1:25

पेनदा पोल्‍लेतुन मीकु पूरा वेहानाहाटीं पेन नाक अप्पजेपता जिम्मेदारिहेंदाल नना कलिसियाता सेवकुन आतन. अद पोल्‍ले वेल्‍लेन कालाल्‍कुनाल, पीळि-पीळिनाल मर्ममते मत्‍ता, गानि इंदके दाना पवित्र लोकुल्‍कुंक तेळियागोटता.

1 तिमोति 1:1

इद सिट्‍टि पौलुसुनद आंद. मनम बोनपोर्रो अय्ते आसे पडसि मंतोम, आ किरिस्‍तु येसु आनि मनाकुन कापाळाना पेनदा आदेसताहेंदाल नना किरिस्‍तु येसुना प्रेरित आतन.

1 तिमोति 1:11

तल्‍सकुननालायक पेनदाहेंदाल वाता महिमामय बेसता कबुरतुन नना कराहना इंचि नाकु अप्पजेपमळ जर्गता.

1 तिमोति 1:2

विस्वासमते नावा निजम मर्रि आता तिमोतिंकु इद सिट्‍टि रासतन. मना पेनबाबानाहेंदाल आनि मना सामि येसु किरिस्‍तुनहेंदाल नीकु कुर्पा, दया आनि सांति दोर्कि.

1 तिमोति 6:13

अन्‍निटवुन जीवाते इर्रना पेनदा मुन्‍ने आनि पुंतुस पिलातुसना मुन्‍ने बेस गवाइ हीता किरिस्‍तु येसुना मुन्‍ने, नना नीकु आदेस हीसेक गदा, मना सामि येसु किरिस्‍तु मर्रा वायनदाका, निमे ई आदेसतुन बदे तप्पु डागु आनि दोसेम अंटाकोंटा कापाळसेके इर्रा.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

तीतु 1:4

विस्वासमते नावा समानम मनना नावा मर्रि तीतुंक इद सिट्‍टि नना रासेक मंतन. पेनबाबनहेंदाल आनि मनाकुन पिसागोटनोर किरिस्‍तु येसुनहेंदाल नीकु कुर्पा, सांति दोर्किकांटी.