1 तिमोति 1:1 - पवित्र पोल्‍ले

¹ इद सिट्‍टि पौलुसुनद आंद. मनम बोनपोर्रो अय्ते आसे पडसि मंतोम, आ किरिस्‍तु येसु आनि मनाकुन कापाळाना पेनदा आदेसताहेंदाल नना किरिस्‍तु येसुना प्रेरित आतन.

1 तिमोति 1:1 Iomraidhean Croise

लूकाल 1:47

नाकुन पिसागोटना पेन नावा आत्माकु कुसि हीता.

लूकाल 2:11

इय्याला दाविद राजाना नाटे, मीकुन पिसागोटनोर पुट्तोर, ओरे किरिस्‍तु सामि आंदुर.

प्रेरितुल्‍कुना कबाह्‍क 9:15

अस्‍के सामि ओन, “नावा पोरोलतुन वेरे जातितोरा नड्‍डुम, राजालोरा मुन्‍ने, इस्राएलता लोकुल्‍कुन मुन्‍ने वेहनाहाटीं नना ईन नावा विस्रे इंचि पेर्कुत्‍तन, अदुनहाटीं निमे होन.

रोम सहरतोरहाटीं पौलुसना सिट्‍टि 1:1

नना पौलुस, येसु किरिस्‍तुना दासुन आंदुन. नना मीकु इद सिट्‍टि रासेक मंतन. येसु किरिस्‍तुना कबाह्‍क कियालय पेन नाकुन प्रेरित इंचि पेरता. पेरसि दाना बेसता कबुर वेहालय लोह्ता.

1 कुरेंति 1:1

नना पौलुसुन, किरिस्‍तु येसुना प्रेरित आयालय पेन नाकुन दाना मनसुनाल केयता. नावा आनि सोस्‍तिनेस दादानाहेंदाल जोहर.

1 कुरेंति 9:17

नना ओक्‍कला नावा इच्‍चाताल इदुन कीते नाक इनाम दोर्कंता. ना इच्‍चाताल कियाकोन्‍नागानि दाना जिम्मेदारि पेन नाक अप्पजेपता.

2 कुरेंति 1:1

पेनदा इच्‍चाताहेंदाल किरिस्‍तु येसुना प्रेरित आतोन नना पौलुसुन आनि मना तम्मुर तिमोति ओक्‍कला कुरेंति सहरते मंदना कलिसियातोर्क अल्‍हेने अकाया एरियाता अंटोर पवित्र लोकुल्‍कुंक सिट्‍टि रासेक मंतोम.

गलातिया 1:1

नना येसु किरिस्‍तुना वरोर प्रेरितुन आंदुन, नावा पोरोल पौलुस. नना प्रेरित इंचि मनकालोराहेंदालो हिलाकोंटे बोरो वरोर मनकल नाकुन कीताहेंका आया हिल्‍लेन, गानि कुद्‍दु येसु किरिस्‍तु आनि ओन हामुरताल मर्रा जीवाते तेहता आ पेनबाबाले नाकुन केयतोर.

गलातिया 1:11

विस्वासुल्‍कुनिटा, नावा पोल्‍ले बेस केंजट! नना वेहता बेसता कबुर मनकनहेंदाल आयो, इद मिमेट मतिते तासकुंटु.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

1 तिमोति 1:12

मना सामि येसु किरिस्‍तु नाकु बलम हीतोर अदुनहाटीं नना ओन्क दन्यवाद कींतन. इंका नाकुन विस्वासम लायकतोर इन्कुंचि ओना सेवाताहाटीं निलाहतोर.

1 तिमोति 2:3

इल्‍हा कियमळ मंचिद आंद. मनाकुन कापाळना पेनदा नदरतेगुडा इदे ओप्कुननालायक मंता.

1 तिमोति 2:7

इदे गवाइतुन वेहनाहाटीं, नाकुन प्रचार कियानोर प्रेरित इंचि पेरमळ जर्गता. इंका यहुदि आयवोर्कुंक विस्वासम आनि सत्‍तेमता बारेमते कराहनोर इंचि निलाहमळ जर्गता. नना निजम वेहचंतन, आबद्‍दम वेहासेक हिल्‍लेन.

1 तिमोति 4:10

इदुनाहाटींगें मनम बागा कस्‍टपळसेके, पोराटम कीसेके मुन्‍नेळ्‍क ताकसेके मंतोम. बारित्‍ते मनम मना आसे, बस्‍केळ्‍क जीवाते मननद आनि अंटोर लोकुल्‍कुन कापाळना पेनदापोर्रो इरतोम, विसेस कीसि दान विस्वासम कियानोर्कुन पिसागोटना पेनदापोर्रो इरतोम.

तीतु 1:3

बरोबर गावाले मत्‍ता वेलातेन पेन दाना पोल्‍लेन मनाकु वेहचि हुपिस्‍ता. इदे बेसता कबुरतुन वेहनाहाटीं मनाकुन कापाळना पेन नाकु आदेस हीसि अप्पजेपता.

तीतु 2:10

इंका मालकुल्कुनगटाल दोंगातनम कियामन्‍नि गानि अन्‍नि पोल्‍लेने बेस विस्वासमलायक ओर मंदना. अल्हा मत्‍ते, मनाकुन कापाळना मना पेनदा बारेमता कराहमळतुक ओर इंकिच्‍चो कदर तर्रांनोर आंतुर.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

तीतु 3:4

गानि मनाकुन पिसागोटना पेनबाबाल ओना बेसतनम आनि पावरमते निंडिस मत्‍ता दयातुन मनापोर्रो हुपिच्‍चि,

तीतु 3:6

ई पवित्र आत्मातुन, मनाकुन पिसागोटना येसु किरिस्‍तुनाहेंदाल ओर मनापोर्रो इरगा वळियतोर.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 पत्रु 1:3

मना सामि येसु किरिस्‍तुना पेनबाबाना दन्यवाद आयि! ओना वेल्‍ले दयाताहेंदाल मनाकुन पूना रीतुने पुटिचमळ जर्गता. अद बल्हा इत्‍ते, पेनबाबाल येसु सामिन हातोरा लोप्पोटाल मर्रा तेहाचि, मनाकु उंदि पिस्वरता आसे हीतोर.

2 पत्रु 1:1

नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.