1 तेसलोनि 5:8 - पवित्र पोल्‍ले

⁸ गानि मनम पोद्‍दलतोरम आताहाटीं सांतिते मंदकोम. मना चातितुन कापाळना कच्‍चिता अंगिलेसीं विस्वासम आनि पावरमते ताककोम. मना तल्‍लक टोपिलेसीं मुक्‍तिता आसे इरकोम.

1 तेसलोनि 5:8 Iomraidhean Croise

1 कुरेंति 13:13

इंदके विस्वासम, आसे, पावरम इव मूड पोल्‍लें बस्‍केळ्‍क मनानवे आंदुं, गानि इव्टेटाल पावरम अन्‍निंकन्‍ना पेद्‍दा पोल्‍ले आंद.

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

गलातिया 5:5

बारित्‍ते मनम विस्वासमताहेंदाल पेनदा मुन्‍ने नीतिमंतुल्क आतोम इंचि आसे इरतोम. अदे आसेताहाटीं आत्मा बलमते दाना एदुर हूळसेक मंतोम.

इपीसि 6:11

देय्यमता ताकतता मुन्‍ने वेरियाकोंटा नित्‍तालय मिमेट पेन हीता अन्‍नि आयुदाल्कुन वाळकुंटु.

इपीसि 6:23

अंटोर विस्वासुल्कुंक पेनबाबाल आनि सामि येसु किरिस्‍तुनहेंदाल, सांति आनि विस्वासमतोनि पावरम दोर्कि.

1 तेसलोनि 5:5

मिमेट अंटोर वेल्‍गु आनि पोद्‍दलता पिलाल्क आंदिर, मनम नर्का आनि हीकटतोरम आयोम.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

इब्रि 6:19

अद आसे इत्‍ते मना जीवाहाटीं उंदि कोय्याता कुसितसोंटद आंद. अद बेस गट्‍टिगा आनि मेसलाकोंटा पीसि मनंता. पेन मनना पवित्र जेगातगळ्क अद मनाकुन एव्‍सा पर्रंता.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

1 योहान 1:7

गानि पेन बल्हा वेलगुने मंता, अल्हा मनमगुडा वेलगुने ताकानय्ते, मनम वरोनतोनि वरोर कलियसि उंदासि मत्‍ताप मनंतोम. अस्‍के पेनदा मर्रि येसुना नेत्‍तुर, मनाकुन मना अन्‍नि पापाल्कुनाल पुरागा बेस साप कींता.