1 तेसलोनि 5:15 - पवित्र पोल्‍ले

¹⁵ मीलोप्‍पो बोरन्‍ना सेड्‍डातनमता बदला सेड्‍डातनम कियाकोंटा हूळकुंटु. गानि बस्‍केळ्‍क वरोंक-वरोर आनि अंटोराहाटींगुडा बेस कियालय कोसिस कीम्‍टु.

1 तेसलोनि 5:15 Iomraidhean Croise

मत्‍तयाल 5:39

गानि नना मीकु वेहासेके मंतन गदा, मिमेट मीवा पगातोरकुंक एदुर तिरियमटु. ओक्‍कला बोरन्‍ना नीकुन तिना सेंपापोर्रो तंते निमे इंकुंदि सेंपागुडा तिरहा.

लूकाल 6:35

अल्हा कियाकोंटा मिमेट मीवा पगातोर्कुन पावरम कीसि ओर्कुन बेस हुळाट. बाकि वापस दोहंतोर इंचि आसे इर्राकोंटा बाकि हीम्ट. अस्‍के पेन मीकु पेद्‍दा इनाम हियार, मिमेट अन्‍निटकन्‍ना पेद्‍दा पेनदा मर्क-मियाह्क आकिट. बारित्‍ते, बोर अय्ते पेनदुन मति किय्युर आनि कराब मंतुर असोंटा लोकुल्‍कुनपोर्रो इंका पेन दया कींता.

प्रेरितुल्‍कुना कबाह्‍क 16:28

गानि पौलुस, “मोमोट अंटोरम इगेने मंतोम, नीवद निमेने नुकसान कीकुनमा,” इंचि जोरते वरगेयतोर.

रोम सहरतोरहाटीं पौलुसना सिट्‍टि 12:9

लोकुल्‍कुंक हुप्‍सना इंचि पावरम कियमट, निजम पावरम कीम्‍टु. तप्पु कबाह्‍कुन हय्समट, बस्‍केळ्‍क बेस कबाह्‍क कीसेक मंटु.

रोम सहरतोरहाटीं पौलुसना सिट्‍टि 14:19

अदुनहाटीं मनम बस्‍केळ्‍क सांति दोर्कानव आनि विस्वासमते बेर्सना कबाह्‍क कीकोम.

1 कुरेंति 14:1

पावरम इद मीवा लक्‍से मन्‍निकांटी. आत्माता वराल्कुन पह्काटु, बविस्यवानि वेहना वरम पहकसेकेन मंटु.

1 कुरेंति 16:10

तिमोति मिहगा वातस्के ओर मीवा नड्‍डुम दैरनेमते मननाल हुळट. ओरगुडा नावालेसीं सामिना सेवा कीसेक मंतोर.

1 कुरेंति 6:7

निजम इत्‍ते मीलोप्‍पो लोल्‍लिं कियमळे तप्पु आंद. दानकन्‍ना अन्‍यायम ओर्सकुनमळ बेस आयोना? नुकसानतुन ओप्कुनमळ बेस आयोना?

गलातिया 6:10

अय्ते मरि, मनाकु बल्हा मोका दोर्कते अल्हा अंटोराहाटीं, एक्‍कोते-एक्‍को मना विस्‍वासुल्‍कुनाहाटीं बेस सहायम कीकोम.

इपीसि 5:15

अदुनहाटीं मिमेट बल्हा ताकंतिर? परमेर्का कीसि हुळाट. बुद्‍दि हिल्वोनलेसीं ताकमट, बुद्‍दि मत्‍तोनलेसीं ताकट.

इपीसि 5:33

बल्हैना बेसे! मीवाव्टेटाल हरेक मांड्‍सा, मीवद मिमेट सतातुन बच्‍चोन पावरम कींतिरो, अचोने मीवा मुत्‍तोनगुडा पावरम कीम्‍टु. अल्‍हेने मुत्‍तोगुडा मुय्दोना कदर कियगोम.

1 तेसलोनि 5:21

गानि अन्‍निटवुन परिक्‍सा कीसि हुळाट, बव बेसतवो अवुन पीसि मंटु.

1 तिमोति 6:11

गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

2 तिमोति 2:24

इंका सामिना सेवाकुड बस्‍केने जगडम कियाकोंटा, अंटोरपोर्रो दया हुप्पिचानोर आयगोम, ओर कराहनालायक मनगोम, ओप्‍केते मनगोम.

तीतु 3:2

बोर्कुने बदनाम कियानायो, बोरतोने जगडाल्‍क कियानायो, मेत्‍तटा गुनम मंदना आनि अंटोरतोनि सादा-सिंपलते कलियसि मंदना इंचि ओर्क वेहा.

इब्रि 12:14

अंटोर मनकालोरतोनि सांतिते कलियसि पवित्र मनना कोसिस कीम्‍टु, अल्हा मनाकोंटे बोरे मनकल सामिनगा होना पर्रोर.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 पत्रु 2:17

अंटोरा कदर कियाना, मना दंटता विस्‍वासुल्‍कुन पावरम कियाना. पेनदुक वेरियसि ताकना, राजाना कदर इर्राना.

1 पत्रु 3:9

कराबता बदला कराबतोनि एतमट; तेराहतोर इंचि तेराहमट गानि ओर्क आसिर्वाद हीम्टु. बारित्‍ते मीक आसिर्वाद दोर्काना इंचि पेन मीकुन केयता.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”

पेन हुपिस्‍ता पोल्‍लें 22:9

गानि अद नाकुन, “निमे नावा काल्क मोळ्‍कमा, ननागुडा नीलेसीं, नी दंटाता कबुरतोरलेसीं, इद पुस्तकमते वेह्‍चि मत्‍ता पोल्‍लेन परकारम ताकानोरलेसीं पेनदुन मोळ्‍कानोने आंदुन. निमे सिराप पेनदुने मोळ्‍का,” इंचि इत्‍ता.