1 तेसलोनि 5:12 - पवित्र पोल्‍ले

^12-13 विस्वासुल्‍कुनिटा! बोर अय्ते मीवा नड्‍डुम कस्‍टपळसि, सामिना हर्दे मीकुन मुन्‍ने अर्सि ताकिचेके कराहंतुर, ओर्क मिमेट कदर हीम्टु. ओर कियाना बेसता कबाह्कुनाहाटीं पावरमते ओर्क एक्‍को मान-मर्यादा कीम्‍टु, वरोंक-वरोर बेस सांतिते मंटु, इंचि मीकु विनंति कींतन.

1 तेसलोनि 5:12 Iomraidhean Croise

लूकाल 10:7

कबळ कियानोंकु बूति दोर्कंता. अदुनहाटीं मिमेट बद लोन अय्ते दांतिटो अद लोतुर बतल हींतुरो अद तिंचेक-उंचेके अदे लोते मंटु, अलग-अलग लोह्कुने मनमट.

योहान 4:38

बोरो वेरेतोर कस्‍टपळसि पंडिस्ता पंटातुन कोय्‍यालय नना मीकुन लोहतन. मिमेट कस्‍टपळा हिल्‍लिर, गानि ओर कीता कस्‍टमता पायदा मीकु दोर्कसंता,” इंचि येसु वेहतोर.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

प्रेरितुल्‍कुना कबाह्‍क 20:35

वेल्‍लेन कस्‍टम कीसेके नादान मत्‍तोर्कुंक मनम बल्हा सहायम कियगोम इत्‍ता संगतितुन नना मीकु नावा हरेक कबळताल कीसि हुपिस्तन. “एतकुनुळकन्‍ना हियमळतेन एक्‍को सुकम मंता,” इंचि कुद्‍दु येसु सामि इत्‍ता पोल्‍लेतुन मतिते इरमळ बच्‍चोनो अवसरम मंता, इंचि इत्‍तोर.

रोम सहरतोरहाटीं पौलुसना सिट्‍टि 16:12

तिरुपेना आनि तिरुपोसा इनना अक्‍काह्‍क सामिनाहाटीं कस्‍टपळंतां, अवुंक जोहार वेहाट. नावा पावरमगल्‍ला परसिस इनना अक्‍कलगुडा सामिनाहाटीं वेल्‍ले कस्‍टपळता, दान्क जोहार वेहाट.

रोम सहरतोरहाटीं पौलुसना सिट्‍टि 16:6

मीवाहाटीं वेल्‍ले कस्‍टपळतद मरियमुंक नावा जोहार वेहाटु.

1 कुरेंति 12:28

कलिसियाता लोप्पो पेन मोदाला प्रेरितुल्कुन, ओरा पज्जो पेनदा कबुरतोर्कुन, ओरा पज्जो पेनदा पोल्‍लें कराहनोर्कुन, ओरा पज्जो अद्‍बूतामाता कबाह्‍क कियानोर्कुन, ओरा पज्जो बिमार्कुन बेस कियानोर्कुन, ओरा पज्जो सहायम कियानोर्कुन, राज्येम ताकसानोर्कुन आनि वेरे-वेरे बासां वळ्कानोर्कुन निलाहता.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 16:16

मिमेटगुडा असंटोरा आनि ओरालेसीं सेवा कियानोरा पोल्‍ले केंजसि ताकट इंचि बतिमलाडसंतन.

1 कुरेंति 16:18

ओर वातुर इंचि नावा जीवक आनि मीवा जीवक सांति दोर्कता. अदुनहाटीं इसंटोर्कुन कदर हीम्टु.

1 कुरेंति 3:9

मोमोट पेनतोनि कलियसि कबळ कियानोर्कुम आंदुम, मिमेट पेनदा नेलितसंटोर, पेनदा लोतसंटोर आंदिर.

2 कुरेंति 11:23

ओर किरिस्‍तुना सेवाकुल्क आंदुरा? नना ओर्कन्‍ना एक्‍को किरिस्‍तुना सेवा कियानोन आंदुन इंचि पिस्‍सनलेसीं इंचेके मंतन. ओर्कन्‍ना एक्‍को कस्‍टम कीतन, ऊके-ऊके जेलुंक होनुंदुन, देब्बां तिनुंदुन, बच्‍चुंगो मल्कां हायाना वेला वासि मत्‍ता.

2 कुरेंति 5:9

अदुनहाटीं मोमोट इद मेंदुल्ते मनना, मनाकोन्‍ना, सामिंक इस्‍टाम वाताप ताकमळे मावा उद्‍देसम.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

गलातिया 4:11

नना मीवाहाटीं कीता कस्‍टम वट्‍टिदे आंता बारे इंचि नाकु मीवा बारेमते वेर्रे वस्‍सेक मंता.

पिलिपिया 2:16

पिस्वर हियना पेनदा पोल्‍लेतुन गट्‍टिगा पीसि ताकट. इदुना हेंदाल किरिस्‍तु वायाना रोजुने, मीवाहाटीं नना कीता कस्‍टम, वितलाटा एर्तम आयाहिल्‍ले इंचि कुसिते वेहंतन.

पिलिपिया 2:19

तिमोतिन मिहगा बिरानेन लोहकन इंचि नना सामि येसुनाहेंदाल आसे पळसंतन. ओर मीवा बारेमता कबुर नाकु वासि वेहनुर, अस्‍के नाकु इरगा कुसि आयार.

कुलुसि 1:29

इदुनहाटीं किरिस्‍तुना पूरा ताकत नावा लोप्पो गट्‍टिगा कबळ कीसेके मंता, दानाहेंदाल नना मनसु दोस्‍सि बागा कस्‍टम कीसेके मंतन.

1 तेसलोनि 2:9

विस्वासुल्‍कुनिटा! मावा कस्‍टम, तकलिप मीक मते मंदार. मोमोट मीक बोनके बर्वु आयामन्‍नि इंचि नर्का-पिय्यल कबळ कीतोम. अल्हा कीसेके पेनदा बेसता कबुर मीक वेहचि मत्‍तोम.

1 तेसलोनि 4:1

विस्वासुल्‍कुनिटा! बल्हा पिसते पेनदुन कूस ईरा परांतोम इंचि मिमेट मावाहेंदाल करियतिर, अल्‍हेने मिमेट पिस्सेकगुडा मंतिट, इंकागुडा मुन्‍ने अल्‍हेने पिस्सेक होंट इंचि विनंति कीसेके मंतोम आनि येसु सामिना लोप्पो तेल्‍पिच्‍चि वेहासेक मंतोम.

1 तेसलोनि 5:14

मावा विस्वासुल्‍कुनिटा! लंडोर्कुंक समजांचि वेहाट, वेरियानोर्कुंक दैरनेम हीम्टु, कमजोर मत्‍तोर्कुंक सहायम कीम्‍टु, अंटोरतोनि ओप्‍केते मंटु इंचि मोमोट मीक तेळियागोट्‍सि विनंति कीसेके मंतोम.

1 तिमोति 5:1

पेद्‍दा वयम मनकन तेराहताप वळ्कुमा, गानि ओन नीवा बाबाल इन्कुंचि ओन्क तेल्‍पिचि वेहा. सिन्‍नोर्कुन तम्मुर इन्कुंचि ओरतोनि व्यवहार कीम.

1 तिमोति 5:20

बस्‍केळ्‍क पापम कीसेक मनानोन अंटोरा मुन्‍ने तेरहा. अस्‍के कळमातोर अल्हा कियाकोंटा वेर्रेते मनांतुर.

2 तिमोति 2:6

कस्‍टपळना कास्तकारि मनकंक, पंडता पंटाता मोदाटा पाल एतना अदिकारम मंता.

तीतु 1:3

बरोबर गावाले मत्‍ता वेलातेन पेन दाना पोल्‍लेन मनाकु वेहचि हुपिस्‍ता. इदे बेसता कबुरतुन वेहनाहाटीं मनाकुन कापाळना पेन नाकु आदेस हीसि अप्पजेपता.

तीतु 1:5

क्रेति दीबेते, बव कबाह्‍क अय्ते मय्सि मंतां, अव कबाह्‍कुन सुदरांचनाहाटीं आनि नना नीकु आदेस हीता परकारम निमे हरेक सहरते पेद्‍दाल्कुन निलाहना इंचि नीकुन नना अगा होळसि वातन.

तीतु 2:15

इव अन्‍नि पोल्‍लें निमे पूरा अदिकारमते दटांचि तेळियागोट्‍सि वेहा, करहा. नीकुन सिन्‍नगा बोने हूळा हियमा.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

इब्रि 13:7

मीकु मोट्‍टा मोदाला पेनदा पोल्‍ले वेहता मीवा पेद्‍दाल्कुन मति कीम्‍टु. ओर बल्हा आकिरदाका पेनदापोर्रो विस्वासम इरसि पिस्तुरो मति कीसि, अल्हेन मिमेटगुडा ताकट.

पेन हुपिस्‍ता पोल्‍लें 1:20

निमे नावा तिना कय्‍दे हूळता एडुं सुक्‍कां आनि बंगारमता एडुं दीसोडिना मर्ममता अर्तम इल्‍हा मंता; एडुं दीसोडिं इत्‍ते एडुं कलिसियां आंदु आनि एडुं सुक्‍कां इत्‍ते, उंदि-उंदि कलिसियाता उंदि-उंदि दूता आंदु” इंचि इत्‍ता.

पेन हुपिस्‍ता पोल्‍लें 2:12

पेर्गममता सहरता कलिसियाता दूताक इल्‍हा रासा. बोर अय्ते रोंडु आयदार्कुना कसेर पीसि मनांतोर ओर बतल इंतोर इत्‍ते,

पेन हुपिस्‍ता पोल्‍लें 2:18

तुयतीराता सहरता कलिसियाता दूताक इल्‍हा रासा. बोना कळ्‍क अय्ते पोत्‍तना तळमिलेसीं मंतां, काल्क कोल्‍मिते काचाह्ता इत्‍तोडिलेसीं मंतां आ पेनदा मर्रि इल्‍हा वेहांतोर:

पेन हुपिस्‍ता पोल्‍लें 2:3

निमे ओप्के पीसि मनांतिन. नावा पोरोलहाटीं तकलिप अरसेक मंतिन गानि तकांचा हिल्‍लिन इंचि नाक एरपाटे.

पेन हुपिस्‍ता पोल्‍लें 2:8

स्मुरना सहरता कलिसियाता दूताक इल्‍हा रासा. बोर अय्ते मोदोल आनि आकिर आंदुर, बोर अय्ते हासि मर्रा जीवाते तेदतोर ओर बतल इंतोर इत्‍ते,

पेन हुपिस्‍ता पोल्‍लें 3:1

सरदिस सहरता कलिसियाता दूताक इल्‍हा रासा. बोनगा अय्ते पेनदा एडुं सुक्‍कां आनि एडुं आत्मां मंतां ओर बतल इंतोर इत्‍ते, निमे कियाना कबाह्‍क नाकु एरपाटे; नीवद निमे “जीवाते मंतन” इंचि इनकुंचंतिन गानि असल इत्‍ते निमे हासि मंतिन.

पेन हुपिस्‍ता पोल्‍लें 3:14

लोदिकिया सहरता कलिसियाता दूताक इल्‍हा रासा. बोर अय्ते आमीन इननोर, विस्वासमगल्‍लोड, निजम गवाइ वेहानोर, इंका पेन तयार कीता अन्‍निटवुने मोदोल मनकल आसि मंतोर, इव पोल्‍लें ओनव आंदुं.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,