1 तेसलोनि 4:9 - पवित्र पोल्‍ले

⁹ इंदके वरोंक-वरोर पावरम कियमळ मिमेट पेनदाहेंदाले करियतिर. अदुनहाटीं दादाल-तम्मुह्कुनालेसीं मिमेट वरोंक-वरोर पावरम कीम्‍टु इंचि रासनद अव्‍सरम हिल्‍ले.

1 तेसलोनि 4:9 Iomraidhean Croise

मत्‍तयाल 22:39

रोंडो आदेस बतल इत्‍ते, नीवद निमे बच्‍चोन पावरम कींतिनो, अचोने पावरम इंकावरोनगुडा कीम.

योहान 14:26

अय्नागानि, बाबाल नावा पोरोल्ते लोहना सहायम कियानोर, इत्‍ते पवित्र आत्मा, मीकु अन्‍नि पोल्‍लें करहार. अचोने आयका, नना मीकु वेहता अन्‍नि पोल्‍लें अद मीकु मति कीसि हिय्यार.

प्रेरितुल्‍कुना कबाह्‍क 4:32

विस्वासुल्‍क अंटोर उंदि मनसु, उंदि जीवा आसि मत्‍तुर. बोरन्‍ना आयि बदे सोम्मु, इद नावद इंचि इनाकोंदुर, गानि बोनगन्‍ना बतलन्‍ना मत्‍ते दान तूसकुनुंदुर.

रोम सहरतोरहाटीं पौलुसना सिट्‍टि 12:10

उंदि कुटुंबतोरलेसीं वरोंक-वरोर बेस पावरम कीकुंटु, वरोंक-वरोर कदर हियनेंके, मनाकन्‍ना एक्‍को इंकावरोंक कदर हीम्टु.

2 कुरेंति 9:1

इंदके यहुदिया राज्येमता पेनदा लोकुल्‍कुनाहाटीं कियाना ई सेवाता बारेमते मीक रासाना अव्‍सरम हिल्‍ले.

पिलिपिया 3:15

अदुनहाटीं मना लोप्पोटाल विस्वासमते बेस बेर्सतोरम मनम अंटोरम, इव अन्‍नि पोल्‍लेना बारेमते उंदासि मंदकोम. ओक्‍कला बद्‍दना पोल्‍ले बारेमते मीवद वेरे बतलन्‍ना विचारम मत्‍ते, अदुनगुडा पेन मीकु समजांचि वेहंता.

1 तेसलोनि 5:1

विस्वासुल्‍कुनिटा! अव गटनां जर्गना वेला, कालमता बारेमते मोमोट मीक रासाना अव्‍सरम हिल्‍ले.

इब्रि 13:1

मिमेट अंटोर उंदि लोतोरलेसीं वरोंक-वरोर पावरम कीसेके मंटु.

1 पत्रु 3:8

आकिरते, मिमेट उंदि मनसुने वरोंक-वरोर पावरम कियमळते, उंदि लोतोरलेसीं जीवा कियमळते, इंकावरोनहाटीं जीवा नोयमळते, सादा-सिंपल मनमळते अंटोर उंदि आसि मंटु.

1 पत्रु 4:8

अन्‍निंकन्‍ना पेद्‍दा पोल्‍ले बतल इत्‍ते, वरोंक-वरोर एक्‍को पावरम कीम्‍टु, अल्हा कीते वेल्‍लेने पापाल्कुन मापि किया परकिर.

2 पत्रु 1:7

बक्‍तिते दादल-तम्मुना कूळमळ, दादल-तम्मुना कूळमळते पावरम कल्‍पट.

1 योहान 2:10

बोर अय्ते ओना दादन पावरम कींतोर, ओर वेलगुने निल्‍सि मनंतोर. ओनगा पापमते अर्रना लायकतद बदे पोल्‍ले हिल्‍ले.

1 योहान 3:11

मनम वरोंक-वरोर पावरम कियागोम इनना ई बोदा, मिमेट सुरुवनेन केंजतद आंद.

1 योहान 3:23

दाना आदेस बतल इत्‍ते, मनम दाना मर्रि येसु किरिस्‍तुनपोर्रो विस्वासम इर्राना आनि ओना आदेस परकारम मनम वरोंक-वरोर पावरम कियाना.

1 योहान 4:21

पेनदाहेंदाल मनाकु इदु आदेस दोर्कता. बोर अय्ते पेनदुन पावरम कींतोर, ओर ओना दादानगुडा पावरम कियाना.