1 तेसलोनि 4:8 - पवित्र पोल्‍ले

⁸ अदुनहाटीं बोर अय्ते इद पोल्‍लेतुन पास्कंतोर, ओर मनकन पास्‍कोर गानि मीक पवित्र आत्मा हियना पेनदुन पास्कंतोर.

1 तेसलोनि 4:8 Iomraidhean Croise

लूकाल 10:16

“सिस्युल्कुनिटा! बोर मीवा पोल्‍लें केंजंतोरो, ओर नावा पोल्‍लें केंजंतोर. बोर मीकुन हय्‍सोर ओर नाकुन हय्‍सोर. नाकुन हय्सवोर नाकुन लोहता पेनदुनगुडा हय्‍सोर,” इंचि येसु वेहातोर.

योहान 12:48

बोर अय्ते नाकुन हय्साका नावा पोल्‍लेन पिय्योर, ओना न्‍यायम कियनाहाटीं वेरे उंदि मंता. अद नना मीकु कराहता पोल्‍ले आंद. आकिर रोजुननाड ओना न्‍यायम नावा पोल्‍ले किय्‍यार.

प्रेरितुल्‍कुना कबाह्‍क 13:41

“नावा पोल्‍लेतुन पास्कानोरिटा हुळाट, इचंत्रम आसि, हासि दांतिट. बारित्‍ते, मीवा रोजकुने नना इसोंटा कबळ कींतन गदा, अदुना बारेमते बोर वेहिनागानि मिमेट विस्वासम किय्‍यिर,” इंचि पेन वेहता.

रोम सहरतोरहाटीं पौलुसना सिट्‍टि 5:5

इद आसे मनाकुन नाराज किय्‍यो, बारित्‍ते पेन दाना पवित्र आत्मातुन मना पिस्वरते हीसि, अद मनाकुन वेल्‍लेन पावरम कींता इंचि हुपिस्‍ता.

1 कुरेंति 2:10

गानि पेन दाना आत्माताहेंदाल अवुन मनाकु हुपिस्‍ता. बारित्‍ते अद आत्माकु अन्‍नि एरपाटे, पेनदा मर्ममगुडा एरपाटे.

1 कुरेंति 7:40

गानि अद इंकावरोनतोनि मरमिं आयाकोंटा मत्‍तेने बेस इंचि नना इनकुंचेके मंतन, अल्‍हेने नावा लोप्पो मनना पेनदा आत्माता हेंदाले नना मीक वेहासेक इंचि इनकुंचेके मंतन.

2 कुरेंति 1:22

पेन मनापोर्रो सिक्‍का वाटता अल्‍हेने गेरंटितालेसीं मनालोप्‍पो दाना पवित्र आत्मातुन इरता.

गलातिया 4:6

मनम पेनदा पिलाल्क आताहाटीं अद मनालोप्‍पो दाना मर्रिना आत्मातुन लोह्ता. अद आत्मा मनालोप्‍पो मंचि पेनदुन, “बाबा! बाबा!” इंचेके केयसेक मनंता.

1 पत्रु 1:12

इव पोल्‍लें ओरा पायदाताहाटीं आयों गानि मीवाहाटीं इंचि पेने ओर्क तेळियागोट्‍सि वेहचि हुपिस्‍ता. इदवेरादाका बदाय्ते बेसता कबुर वेहतुर, अद स्वर्गमताल लोहचीता पवित्र आत्माहेंदाले मीक वेहतुर. इव पोल्‍लेना बारेमते पेनदा दूतांगुडा बल्हा आंतानो इंचि हूळना इच्‍चाते मंतां.

2 पत्रु 1:21

बारित्‍ते बवे बविस्यवानिं मनकना इच्‍चाताहेंदाल वाया हिल्‍लें, गानि पवित्र आत्माते निंडता लोकुल्‍के पेनदाहेंदाल वळ्‍कुंदुर.

1 योहान 3:24

बोर अय्ते पेनदा आदेस परकारम ताकंतोर, ओर पेनदा लोप्पो निल्‍सि मनंतोर, ओनालोप्‍पो पेन निल्‍सि मनंता. इल्‍हा, पेन मना पिस्वरते निल्‍सि मनंता इंचि, मनाकु हीता पवित्र आत्माहेंदाल, एरपाट आंता.

यहुदा 1:8

अल्‍हेने कलां हूळना लोकुल्‍कगुडा मेंदुल्तुन पापमते अरहंतुर, पेनदा अदिकारमतुन हय्सुर आनि स्वर्गमकु संबंदिंचि मत्‍तोर्कुना अपमानम कींतुर.