1 तेसलोनि 4:7 - पवित्र पोल्‍ले

⁷ बारित्‍ते पेन मनाकुन पवित्र मनालय केयता, कराब मनालय आयो.

1 तेसलोनि 4:7 Iomraidhean Croise

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

1 कुरेंति 1:2

कुरेंति सहरते मनानोर किरिस्‍तु येसुनलोप्‍पो पवित्र आता पेनदा कलिसियातोर्कुंक, आनि वेरे-वेरे जेगाने मना सामि इत्‍ते, ओरा आनि मना येसु किरिस्‍तुना पोरोलते आरादना कियाना अंटोर बक्‍तुल्कुंक रासता सिट्‍टि,

गलातिया 5:19

मनकना पापि कबाह्‍क मनाकु एरपाटे मंतां. अव इव आंदुं: बोगमतनम, अपवित्र कबाह्‍क, सिग्गु हिल्वा कबाह्‍क, बोम्मा पूजें, होदें, वरोंक-वरोर हय्साकोंटा मनमळ, जगडाल्‍क, कळ्‍क पोत्‍तमळ, होंग, नाके गावाले इनमळ, लोकुल्‍कुना नड्‍डुम पुटपाट कियमळ, वेरे गेंग तयार कियमळ, कल्‍लु उनमळ, विद्‍दुरतनम इसोंटव इंका वेल्‍लेन पोल्‍लें मंतां. इसोंटा कबाह्‍क कियानोर पेनदा राज्येमते वारसदार आया परुर. इद पोल्‍ले नना मीकु मुन्‍नेने वेहतन, अल्‍हेने इंदकेगुडा वेहासेक मंतन.

इपीसि 1:4

अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

इपीसि 4:1

मीकुन पेन दाना लोकुल्‍क आयानाहाटीं केयता, अय्ते दाना लोकुल्‍क बल्हा अय्ते पिसानो अल्हा मिमेट पिस्‍सट इंचि, सामिनाहाटीं जेलुंक होत्‍तोन नना मीकु विनंति कीसंतन.

इपीसि 4:19

ओर्कु सिग्गु इत्‍तद बतले हिलुवाहेंका अन्‍नि तीरकुना कराब कबाह्‍क कियाना लालचतेन ओर कूस मनंतुर.

1 तेसलोनि 2:3

बारित्‍ते मावा बोदा गलतितेनो, कराब विचाराल्कुनेनो, पसांचना उद्‍देसमते वेहतद आयो.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

इब्रि 12:14

अंटोर मनकालोरतोनि सांतिते कलियसि पवित्र मनना कोसिस कीम्‍टु, अल्हा मनाकोंटे बोरे मनकल सामिनगा होना पर्रोर.

2 पत्रु 2:10

कास कीसि, बोर अय्ते पापमते अल्हेन मेंदुलता आसेता अदिकारमते मंतुर, ओर इरगा गर्रा आनि जिद्‍दिते निंडसि मत्‍ताहेंका स्वर्गमकु संबंदिंचि मत्‍तोर्कुनगुडा तेराहलय वेरियुर.