1 तेसलोनि 4:6 - पवित्र पोल्‍ले

⁶ दीना बारेमते बोरे आयिर दंटाता विस्वासिन पसांचामन्‍नि, पसांचते सामि ओर्क सिक्‍सा हींतोर इंचि मोमोट मीक मुन्‍नेने गट्‍टिगा वेहतोम.

1 तेसलोनि 4:6 Iomraidhean Croise

मरकुस 10:19

नीकु पेनदा आदेसकु अय्ते एरपाटे मंतां: बोने हव्‍कुमा, बोगमतनम कियमा, दोंगातनम कियमा, आबद्‍दम गवाइ हियमा, इंकावरोन पसांचमा, नीवा तल्‍लुर-बाबोना कदर कीम,” इत्‍तोर.

लूकाल 12:5

मिमेट बोर्कु वेरियगोमो नना वेहांतन. मीकुन हव्कुतंका नरकमते वाटना अदिकारम बोन्क अय्ते मंतानो, मिमेट ओन्‍के वेरियट. नना वेहनद इदे.”

लूकाल 16:28

बारित्‍ते नाक हेय्युर तादह्क-तम्मुह्‍क मंतुर. ईर होंचि इव पोल्‍लें ओर्क वेहते, ओर इसोंटा तकलिपना जेगाताल तप्‍पानुर,’ इंचि इत्‍तोर.

रोम सहरतोरहाटीं पौलुसना सिट्‍टि 1:18

बेसता कबुर अंटोर लोकुल्‍कुंक एविच्‍चना अव्‍सरम बारि मंता इत्‍ते, सत्‍तेम हर्दे ताकवा लोकुल्‍क कराब कबाह्‍क कीसि सत्‍तेमतुन दबांचि इरतुर. निजम पेन हिल्‍ले इत्‍ताप ताकसि, तप्‍पुड कबाह्‍क कीतुर. अदुनहाटीं पेन ओरपोर्रो स्वर्गमताल दाना होंगुन हुप्‍संता.

रोम सहरतोरहाटीं पौलुसना सिट्‍टि 12:19

“बदला येतना कबळ नावद आंद, मिमेट बदला येतमट,” इंचि पेन वेहता पोल्‍ले पुस्तकमते रासि मंता. अदुनहाटीं नावा पावरमगल्‍ला विस्वासुल्‍कुनिटा, मिमेट बदला येतमट, ओरा बदला पेन येतंता, ओर्कुन पेनदुक होळसीम्टु.

रोम सहरतोरहाटीं पौलुसना सिट्‍टि 13:4

मीवा बेसताहाटींगे अदिकारिल्‍क पेनदा सेवाकुल्कुनलेसीं कबळ कीसेक मंतुर. ओक्‍कला मिमेटगिंटा बतलन्‍ना तप्पु कीते ओर मीकु सिक्‍सा हींतुरे, इंचि मिमेट ओर्क वेरियसि मना पींता. तप्पु कबळ कियानोर्कुंक सिक्‍सा हियनाहाटींगे पेन ओर्कुन निलाहता.

2 कुरेंति 7:11

निजम हूळते, पेनदाहेंदाल वाता दुक्‍कम बक्‍तिते मनालय मीकुन बच्‍चोनो बदलांचता. मीलोप्‍पो बच्‍चोनो जोस, सत्‍तेमतोरम इंचि हुपुसमळ, अन्‍यायमता विरोद कियमळ, वेर्रेते मनमळ, नाकु कलियानाहाटीं मीवा जीवा बागाने तन्‍लाळमळ, सेवाता इच्‍चा, तप्‍पु कीतोन सिक्‍सा कियमळ. इवन्‍नि पोल्‍लेने मीलोप्‍पो तप्‍पु हिल्‍ले इंचि मिमेट निजम कीसि हुपिस्‍तिर.

इपीसि 4:17

अदुनहाटीं सामिना पोरोलते नना मीकु विनंति कीसि वेहानद बतल इत्‍ते, यहुदि आयवोर बल्हा ओरा बत्‍तक ओज्जुवा विचाराल्कुन परकारम ताकंतुरो, अल्हा मिमेट इंदकेटाल मर्रा ताकमट.

इपीसि 4:28

बोर अय्ते मुन्‍ने दोंगातनाल्‍क कियुंदुर, ओर इंदके अदुन होळसियना. सतता कय्‍कुने कस्‍टम कीसि, बेस तरिकाते कमांचना. अस्‍केन, अव्‍सरम मत्‍तोर्क ओर सहायम किया पर्रंतोर.

इपीसि 5:6

उत्‍तुत्‍ता पोल्‍लें वळ्‍किसि मीकुन बोरन्‍ना पोक्‍कते अरहानायो हुळाट. बारित्‍ते इसोंटा कबाह्कुनहेंकेन पेन दाना आदेस परकारम ताकवोरपोर्रो होंग हुपसंता.

1 तेसलोनि 2:11

पेन मीकुन दाना राज्येमते आनि दाना पेद्‍दातनमते कलियालय केयता, अदुनहाटीं दानकु नच्‍चनालायक मिमेट ताकट इंचि वेहतोम. बाबाल बल्हा ओना पिलाल्कुन अवरिच्‍कुंतोर अल्‍हेने, मोमोट मीक हरेक मनकंक तेळियागोट्‍सि वेहासेके, दैरनेम हीसेक, विनंति कीसेके मत्‍तोम, इद मीक एरपाटे.

2 तेसलोनि 1:8

बोर अय्ते पेनदुन एरपाट किय्युर, बोर अय्ते मना सामि येसुना बेसता कबुरतुन पीसि ताकुर, ओर्क पेन सिक्‍सा हिय्यार.

इब्रि 13:4

मरमिन आनि मुत्‍तो-मुय्दोना संबंदमतुन कदर कियाना, ओर वरोनपोर्रो विस्वासम कीसि बदनाम आयाकोंटा मंदना. व्यबिचारम कियानोर्कुन आनि बोगमतनम कियानोर्कुन पेन न्‍यायम कींता, इदुन मतिते इर्राट. अदुनहाटीं मुत्‍तो-मुय्दो वरोनपोर्रो वरोर विस्वासम कीसि बदनाम आयाकोंटा मंदना.

इब्रि 2:6

इदुना बारेमते दर्मसास्‍त्रमते उंदगा बोरो वरोर गवाइ वेहासेक इल्‍हा इत्‍तोर: “मनकल इत्‍ते असल बोर आंदुर, ओना बारेमते निमे इच्‍चोन विचारम कीसंतिन. हिलाकोंटे निमे इच्‍चोर पिकिर कियनाहाटीं, असल मनकना रूपमते पुटतोर बोर आंदुर?

याकोब 2:6

गानि मिमेट आ गरिब मनकन अपमानम कीतिर. मीपोर्रो अदिकारम ताकिच्‍चेके, मीकुन कोरटते इग्गिसेक ओयानुर दनवंतुल्के गदा?

याकोब 5:4

हुळाट! मीवा नेदे कबळ कीता बूतिनोर्कुंक मिमेट बूति हिया हिल्‍लिर, अद बूति मीक अड्‍डम वरगेयसेक मंता, बूतिनोर्कुना अळमळ स्वर्गमते मंदना बलमगल्‍ला सामिना केव्कुंक केंजावाता.