1 तेसलोनि 4:5 - पवित्र पोल्‍ले

⁵ लालचते मनानोर पेनदुन एरपाट किय्युर, असंटोरतोनि इल्‍हा मनमळ आयापर्रो.

1 तेसलोनि 4:5 Iomraidhean Croise

मत्‍तयाल 6:32

विस्वासम कियवोरगुडा इव गावाले इंचि तनलाळसेक मनांतुर. गानि मीकु इव अन्‍नि गावाले इंचि स्वर्गमते मनना मीवा पेनबाबांक एर्के मंता.

लूकाल 12:30

दुनियातोर अंटोर लोकुल्‍क इवुनाहाटींगें तनलाळसेक मनांतुर. गानि मीकु इव अन्‍नि गावाले इंचि मीवा पेनबाबांक एर्के मंता.

प्रेरितुल्‍कुना कबाह्‍क 17:23

नना मीवा सहरअंता तिरियसि मिमेट मोळ्‍कना अन्‍नि वस्‍तुकुन हूळतन. अचोने आयका, “एरपाट हिलवा पेनदाहाटीं” इंचि रासि मत्‍ता उंदि गद्‍देतुन इंका नना हूळतन. अय्ते मीकु एरपाट हिलाकोन्‍ना मिमेट मोळ्‍कना आ पेनदा बारेमतेन नना मीकु वेहंतन.

रोम सहरतोरहाटीं पौलुसना सिट्‍टि 1:24

अदुनहाटीं ओरा मनसुने मत्‍ता बोगम विचाराल्कुन पूरा कीकुनालय पेन ओर्कुन होळसीता. अस्‍के ओर वरोना मेंदुल वरोंक कदर हिलाकोंटा बोगमतनाल्क कीतुर.

रोम सहरतोरहाटीं पौलुसना सिट्‍टि 1:26

अदुनहाटीं पेन ओर्कुन ओरा मनसुंक वाता सिग्गु हिल्वा कबाह्‍क कियालय होळसीता. अस्‍के मुर्ताह्क मुय्दुरतोनि मींडानद होळसि, मुर्ताह्कुनतोनि मुर्ताह्के मींडसि बस्‍केने ओप्वा कबाह्‍क कियालय दल्‍गतां.

रोम सहरतोरहाटीं पौलुसना सिट्‍टि 1:28

पेनदा सत्‍तेमता पोल्‍लेतुन ओर एरपाट कियालय हूळा हिल्‍लुर. अय्ते ओर बद कबळ कियमळ बेस आयो, अदे कबळ कियालय पेन ओर्कुन होळसीता.

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

1 कुरेंति 15:34

अदुनहाटीं नीतिते ताकसि उसारते मंटु, पापम कियमट. मीलोप्‍पो बच्‍चुटुरो पेनदुन एरपाट कियवोरगुडा मंतुर, मीक सिग्गु वायागोम इंचि इद पोल्‍ले वेहसेक मंतन.

गलातिया 4:8

दीनकन्‍ना मुन्‍ने मिमेट निजम पेनदुन एरपाट किया हिल्‍लिर, अदुनहाटीं अट्‍टि पेनकुना कय्‍दा हिळु मत्‍तिर.

इपीसि 2:12

अद कालमते मिमेट किरिस्‍तुनलोप्‍पो कलियका मत्‍तिर, मिमेट इस्राएल लोकुल्‍क आयवाहेंका मीकु पेनदा नियमाल्‍क दोर्का हिल्‍लें, करार्क कियाना बारेमते पेन हीता पोल्‍लेताल मीकुन लक्‍कु इरमळ जर्गता. मिमेट इद दुनियाते बदे आसे हिलुवा, पेन हिलुवा पिस्वर पिस्सेक मत्‍तिट.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

2 तेसलोनि 1:8

बोर अय्ते पेनदुन एरपाट किय्युर, बोर अय्ते मना सामि येसुना बेसता कबुरतुन पीसि ताकुर, ओर्क पेन सिक्‍सा हिय्यार.

1 पत्रु 4:3

मोदाला मिमेट यहुदि आयवोरा इच्‍चाना परकारम बोगमतनम कियमळ, जोसते मनमळ, कल्‍लु उनमळ, पार्टिं कियमळ, रिम्मा आयमळ, नियमकु विरोदमते ताकमळ, बतक ओज्जुवा बोम्मन मोळ्कमळ इल्‍हा कियिंदिर, इद वेल्‍लेने आता.