1 तेसलोनि 4:3 - पवित्र पोल्‍ले

³ बारित्‍ते मिमेट बोगमतनमताल लक्‍कु मत्‍ते पवित्र मनंतिर, इदे पेनदा इच्‍चा आंद.

1 तेसलोनि 4:3 Iomraidhean Croise

मत्‍तयाल 12:50

बोर अय्ते नावा स्वर्गमता बाबाल वेहताप ताकंतोर, ओरे नावा तम्मुर, हेलड आनि यावनलेसीं दग्‍गेटोर आंदुर,” इंचि येसु इत्‍तोर.

मत्‍तयाल 15:19

इत्‍ते कराब विचाराल्क, हव्‍कमळ, बोगमतनम, व्यबिचारम, दोंगातनाल्‍क, आबद्‍दम वळ्‍कमळ, अपमानम कियमळ इवन्‍नि पापि कबाह्‍क मनसुनाले पलाते पेय्‍संतां.

मत्‍तयाल 5:32

गानि नना मीकु वेहासेक गदा, बोरन्‍ना ओना मुत्‍तोन बोगमतनमता कारनम तप्‍पा वेरे कारनमते होळसियानय्ते ओर दानतोनि बोगमतनम किया वेहांतोर. होळसीता मुत्‍तोनतोनि बोरन्‍ना मरमिं आयानय्ते ओरगुडा बोगमतनम कींतोर.

मत्‍तयाल 7:21

नाकुन सामि सामि इनानोर अंटोर स्वर्ग राज्येमते होळयुर. गानि स्वर्गमते मनना नावा पेनबाबाना मनसु मत्‍ताप बोर अय्ते ताकंतुर ओरे स्वर्ग राज्येमते होळियंतुर.

मरकुस 3:35

बोर अय्ते पेनदा इच्‍चा परकारम ताकंतुरो ओरे नावा तम्मुर, हेलड आनि यावनलेसीं दग्‍गेटोर आंदुर,” इंचि वेहतोर.

योहान 4:34

अस्‍के येसु ओर्क इल्‍हा वेहतोर: “नाकुन लोहतोना इच्‍चा मत्‍ताप ताकमळ, ओर वेहता कबाह्‍कुन पूरा कियमळ, इदे नावा तिंडि आंद.

योहान 7:17

मीवा लोप्पोटाल बोरे आयिर, पेनदा इच्‍चा मत्‍ताप ताकंतन इनकुनानय्ते, नना कराहना पोल्‍लें नहगटाल वासंतंगा हिलाकोंटे पेनदागटाल वासंतंगा, इंचि ओन्क तेळियंता.

प्रेरितुल्‍कुना कबाह्‍क 15:20

गानि बोम्मांक मोळ्‍कतदुन तिनामन्‍नि, व्यबिचारम कियामन्‍नि, गोंदके पिसकिसि हव्‍कता जिवरासिता हव्‍विं, नेत्‍तुरतुन तिनामन्‍नि इंचि ओर्क मनम रासि लोहकोम.

प्रेरितुल्‍कुना कबाह्‍क 20:32

इंदके नना मीकुन पेनदा कय्‍दे आनि दाना कुर्पाता कबुरता कय्‍दे अप्‍पजेपंतन. मीकुन बेस बेरसागोटना ताकत अद कबुरते मंता. पेन पवित्र कीता अंटोर लोकुल्‍कुना लोप्पो मीकुनगुडा वारसदार किया पर्रंता.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

रोम सहरतोरहाटीं पौलुसना सिट्‍टि 1:29

ओरा लोप्पो अन्‍नि तीरकुना कराब कबाह्‍क, पगा, आस्‍ति, सीडातनम निंडिस होत्‍ता. चुगलीं कियमळ, कळ्‍क पोतमळ, हव्‍कमळ, जगडाल्‍क कियमळ, विरोद कियमळ, नळेह कियमळ इसोंटा गुनम निंडिस ओर इंकावरोना बारेमते कराब विचारम कियानोर आतुर.

रोम सहरतोरहाटीं पौलुसना सिट्‍टि 12:2

मिमेट इद दुनियातोर पिसताप पिस्‍सामन्‍नि गानि मिमेट मीवा मनसु मार्सकुंचि पेनदुक नच्‍चना पिस्वर पिस्‍सट. अस्‍के पेनदा इच्‍चा बतलो एरपाट कींतिर. एरपाट कीसि, “अद इच्‍चा वेल्‍लेन बेसतद, कुसि हियानद, बतले तप्पु हिलवद,” इंचि मीकु तेळियंता.

रोम सहरतोरहाटीं पौलुसना सिट्‍टि 6:22

गानि इंदके पेन मीकुन पापमता कय्‍दाल होळसीताहेंका मिमेट दाना दासुल्क आतिर. अदुनहाटीं इंदके मीकु दोर्कना इनाम बतल इत्‍ते, पेन मीकुन दाना पवित्र हर्दे ताक्‍किचि, आकिरते बस्‍केळ्‍क पिस्सना पिस्वरताहेके ओंता.

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

1 कुरेंति 7:2

गानि व्यबिचारम जर्गामन्‍नि इंचि हरेक मांडसक मुत्‍तो गावाले, हरेक मुरतळ्‍क मुय्दो गावाले.

2 कुरेंति 12:21

अल्‍हेने नना मर्रा वाता पजा, इच्‍चुर विस्वासुल्‍क कराब कबाह्‍क, बोगमतनम, लंजेतनम इसोंटा पापाल्कुनाल मनसु मार्सकुनाकुंटे नाक वेल्‍ले दुक्‍कम आयार. अचोने आयाका पेनदा मुन्‍ने नावा सिग्गु होनना वेला वायारो बतल इंचिगुडा वेरियतन.

गलातिया 5:19

मनकना पापि कबाह्‍क मनाकु एरपाटे मंतां. अव इव आंदुं: बोगमतनम, अपवित्र कबाह्‍क, सिग्गु हिल्वा कबाह्‍क, बोम्मा पूजें, होदें, वरोंक-वरोर हय्साकोंटा मनमळ, जगडाल्‍क, कळ्‍क पोत्‍तमळ, होंग, नाके गावाले इनमळ, लोकुल्‍कुना नड्‍डुम पुटपाट कियमळ, वेरे गेंग तयार कियमळ, कल्‍लु उनमळ, विद्‍दुरतनम इसोंटव इंका वेल्‍लेन पोल्‍लें मंतां. इसोंटा कबाह्‍क कियानोर पेनदा राज्येमते वारसदार आया परुर. इद पोल्‍ले नना मीकु मुन्‍नेने वेहतन, अल्‍हेने इंदकेगुडा वेहासेक मंतन.

इपीसि 5:17

अदुनहाटीं सामिना इच्‍चा बतल मंतानो, बेस एरपाट कीसि ताकट, बुद्‍दि हिल्‍वोरलेसीं मनमट.

इपीसि 6:6

सिराप लोकुल्‍क कूस आयगोम इंचि हुप्‍सालय सेवा कियानोरलेसीं मिमेट कियमट. दानकु बदुल, पेनदा इच्‍चा परकारम किरिस्‍तुना सेवा कियाना दासुल्‍कुनलेसीं मनसु तासि कबळ कीम्‍टु.

कुलुसि 1:9

अदुनहाटीं मोमोट अव पोल्‍लें केंजतस्‍केटाल, मिमेट पूरा आत्माता तेल्‍विते, बुद्‍दिते दाना इच्‍चा मत्‍ताप निंडागोम इंचि बस्‍केळ्‍क पारतना कीसेके मंतोम.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

1 तेसलोनि 4:2

मोमोट येसु सामिनाहेंदाल बव-बव आदेसकु हीसि मत्‍तोम, अव मीक एरपाटे.

1 तेसलोनि 4:4

मीवा लोप्पोटाल हरेक मनकल ओना मेंदुल्तुन ओप्के पीसि, पवित्र, कदर कियानालायक मनमळ गावाले.

1 तेसलोनि 5:18

अन्‍नि परिस्तितिने मिमेट पेनदुक दन्यवाद कीम्‍टु, बारित्‍ते मिमेट येसु किरिस्‍तुनलोप्‍पो इल्हे मंदना इंचि पेनदा इच्‍चा मंता.

1 तेसलोनि 5:23

सांति हियना पेने कुद मीकुन पुरागा पवित्र किय्‍यिकांटी, मावा येसु किरिस्‍तु सामि मर्रा वायानादाका मीवा आत्मातुन, जीवातुन, मेंदुलतुन दोसेम हिलाकोंटा कापाळिकांटी.

2 तेसलोनि 2:13

सामिना पावरमगल्‍ला विस्वासुल्‍कुनिटा! मिमेट पवित्र आत्माताहेंदाल पवित्र आसि, सत्‍तेमते विस्वासम इर्सि पिसालय पेन मीकुन मुन्‍नेने पेरता. अदुनहाटीं माकु मीवा बारेमते पेनदुक बस्‍केळ्‍क दन्यवाद कियमळ गावाले.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 10:36

मिमेट दैरनेमते सहन कियमळ अव्‍सरमे मंता, अल्हा मत्‍तेन मिमेट पेनदा इच्‍चातुन पुरागा किया परकिट आनि पेन मीकु बतल अय्ते हींतन इंचि पोल्‍ले हीतानो अद मीकु दोर्कार.

इब्रि 12:16

मीवा नड्‍डुम बोरे व्यबिचारम कियानोर हिलाकोंटे, एसावुनलेसीं नीति हिलुवा मनकल मनामन्‍नि. उंदि पूटाता गाटोहाटीं ओर ओना जेस्‍टम पालुंक विलुवा हिय्याकोंटा तम्मुंक अम्मुकुत्‍तोर.

इब्रि 13:4

मरमिन आनि मुत्‍तो-मुय्दोना संबंदमतुन कदर कियाना, ओर वरोनपोर्रो विस्वासम कीसि बदनाम आयाकोंटा मंदना. व्यबिचारम कियानोर्कुन आनि बोगमतनम कियानोर्कुन पेन न्‍यायम कींता, इदुन मतिते इर्राट. अदुनहाटीं मुत्‍तो-मुय्दो वरोनपोर्रो वरोर विस्वासम कीसि बदनाम आयाकोंटा मंदना.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.

1 पत्रु 4:2

ओर वायाना रोजकुने मेंदुल्ता इच्‍चाना परकारम आयो गानि पेनदा इच्‍चा परकारम पिस्संतोर.

1 योहान 2:17

ई दुनिया, दुनियाताल वाता इच्‍चां, इव रोंडगुडा माय्‍सि होनानुं, गानि बोर अय्ते पेनदा पोल्‍लेपोर्रो ताकंतोरो, ओर मात्रम बस्‍केळ्‍क पिस्सि मनानुर.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.