1 तेसलोनि 4:17 - पवित्र पोल्‍ले

¹⁷ पजा ओरतोनि पिस्सि मत्‍ता मनाकुनगुडा, मब्बु तेर्पेनपोर्रो वळिते किरिस्‍तुनतोनि कलियालय तेहकुंचि ओयमळ जर्गंता. इल्‍हा मनम बस्‍केळ्‍क सामिनतोनि मनंतोम.

1 तेसलोनि 4:17 Iomraidhean Croise

मत्‍तयाल 26:64

अस्‍के येसु ओन इल्‍हा इत्‍तोर. “निमे इत्‍तिन अद निजमे! गानि नना मीकु वेहांतन, इंका मुन्‍ने मिमेट मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनपोर्रो उद्‍दिसि वायानेंके हूळकिर,” इत्‍तोर.

मरकुस 14:62

अस्‍के येसु इत्‍तोर. “हो, ननाने आंदुन. आनि मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनतोनि वायानद मिमेट हूळकिर,” इत्‍तोर.

योहान 12:26

बोर नावा सेवा कींतन इंतोर, ओर नावा पज्जो ताकना. बारित्‍ते नना बगा मनंतनो, अगा नावा सेवा कियानोरगुडा मना पींता. अल्‍हेने बोर नावा सेवा कींतोर, नावा बाबाल ओन्क कदर हींतोर.

योहान 14:3

नना होंचि अवुन सदुरतंका, मल्सि वासि मीकुन ओंतन. अस्‍के नना मनानगेन, मिमेटगुडा मंदकिट.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

प्रेरितुल्‍कुना कबाह्‍क 1:9

येसु इल्‍हा इत्‍तस्के, ओर हूळसेक मननेंकेन ओन स्वर्गमते तेहाचि ओयमळ जर्गुता. ओर्क दिस्‍साकोंटा उंदि मब्बु तेर्पे अड्‍डम वासि ओन मुच्‍चुता.

प्रेरितुल्‍कुना कबाह्‍क 8:39

ओर एताल पलाते पेय्‍स्‍तस्‍के पिलिपुसुन सामिना आत्मा बेकेनो ओता. आ आडिगुंल्‍लोड ओन मर्रा बस्‍केने हूळा हिल्‍लोर. अयना आ आडिगुंल्‍ला मनकल आनंदमते ओना हर्रि पीसि ओर होत्‍तोर.

1 कुरेंति 15:52

इदंता, उंदि सेकंदतेन, कळु रेप्‍पा तंतच्‍चोरजेमनेन जर्गंता. आकिरता तूताकोम उह्‍कुता उह्‍कुळे, हातोर अंटोर बस्‍केने नासडेम आयाकोंटा मननाहाटीं मर्रा जीवाते तेदानुर आनि मना रूपम बारे मारियंता.

2 कुरेंति 5:8

मोमोट दैरनेमते मनंतोम, मेंदुल्तुन होळसिसि सामिनतोनि मनमळे बेस इनकुंतोम.

1 तेसलोनि 3:13

बस्के अय्ते मना सामि येसु ओना अंटोर पवित्र लोकुल्‍कुनतोनि वांतोरो, अस्‍के मनम पेनबाबाना मुन्‍ने पवित्रते दोसेम हिलाकोंटा मनालय मना मनसुकुन गट्‍टिगा कियिरकांटी, आमीन.

1 तेसलोनि 4:15

सामिना पोल्‍ले परकारम मोमोट मीक वेहानद बतल इत्‍ते, सामि मर्रा वायानस्के मनम पिस्सि मनिनागानि, हाता विस्वासुल्कुंकन्‍ना मुन्‍ने सामिनगा होना पर्रोम.

1 तेसलोनि 4:18

अदुनहाटीं इव पोल्‍लेनाल वरोंक-वरोर दैरनेम हीसेक मंटु.

1 तेसलोनि 5:10

मनम हायिना, पिस्सिना किरिस्‍तुनतोनि मंदना इंचि ओर मनाहाटीं जीवा हीतोर.

2 पत्रु 3:13

गानि पेन हीता पोल्‍ले परकारम मनम पूना मब्बु, पूना बूमिताहाटीं एदुर हूळसेक मंतोम. अगा सत्‍तेमे निल्‍सि मनंता.

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!

पेन हुपिस्‍ता पोल्‍लें 11:12

पजा स्वर्गमताल उंदि पेद्‍दा लेंग, “इगे पोर्रो वटु” इंचि इत्‍तद ओर इव्वुर गवाइदार्क केंजतुर. केंजसि उंदि मब्बु तेर्पेते कलियसि ओरा पगातुर हूळानेंकेन स्वर्गमताहेके पोर्रो होत्‍तुर.

पेन हुपिस्‍ता पोल्‍लें 12:5

अद मुरतळ वरोर मर्रिन कंता. ओर अन्‍नि राज्येल्कुनपोर्रो कच्‍चिता सलाकिलेसीं कडक राज्येम कियानोर मत्‍तोर. गानि आ पेळान पेनदागा, दाना राजगद्‍देतगा ओयमळ जर्गता.