1 तेसलोनि 4:13 - पवित्र पोल्‍ले

¹³ विस्वासुल्‍कुनिटा! हातोरा बारेमते मीक तेळियाकोंटा मनमळ माक इस्‍टम हिल्‍ले. बदे आसे हिल्वोर दुक्‍कमते मनंतुर, गानि ओरालेसीं मिमेट मनमट.

1 तेसलोनि 4:13 Iomraidhean Croise

मत्‍तयाल 27:52

पेनदा लोकुल्‍क बोर अय्ते हातुर ओराव्टेटाल वेल्‍ले मंदि जीवा अर्सि बोंदानाल मर्रा तेदतुर.

योहान 11:24

पजा मार्ताल, “हो सामि, हातोर अंटोर्क जीवा अर्रना आकिरता रोजुने, ओर मर्रा जीवाते तेदानुर इंचि नाकु एरपाट मंता,” इंचि इत्‍ता.

प्रेरितुल्‍कुना कबाह्‍क 13:36

“दाविद पेनदा इच्‍चा मत्‍तापे ओन्क हीता सेवा-कबाटुन ओना कालमते महाचि हातोर. हातस्के ओना पेद्‍दाल्कुन बगा बोंदा दोस्तुरो, अग्गेन ओन इंका बोंदा दोस्तुर ओर कळियसिगुडा होत्‍तोर.

प्रेरितुल्‍कुना कबाह्‍क 7:60

पजा ओर टोंगरां ऊनसि, “हे सामि, ई पापम ईरापोर्रो तासुमा,” इंचि जोरसे वरगेयसि, कळ्‍क मुचतोर. इल्‍हा साऊलगुडा ओना हामुरते पोत्‍तु आतोर.

प्रेरितुल्‍कुना कबाह्‍क 8:2

बोरो इच्‍चुर विस्वासुल्‍क स्‍टिपनुन गति कीसि ओनाहाटीं वेल्‍ले दुक्‍कमते मत्‍तुर.

रोम सहरतोरहाटीं पौलुसना सिट्‍टि 1:13

विस्वासुल्‍कुनिटा! नना मीकु वेहानद बतल इत्‍ते, यहुदि आयवा लोकुल्‍कुंक बेसता कबुर वेह्‍चि ओर्क सहायम कीतन, अस्‍के ओर ओरा विस्वासमता पिस्वरते बेस बेर्सतुर. अल्हेन मिमेटगुडा मीवा विस्वासमता पिस्वरते बेस बेर्सना इंचि नना ऊके-ऊके मिहगा वायालय हूळुंदुन, गानि इदवेरादाका बतलन्‍ना-बतल अड्‍डम वासेक मत्‍ता, इद पोल्‍ले मीकु तेळियना इंचि नना वेहासेके मंतन.

1 कुरेंति 10:1

विस्वासुल्‍कुनिटा! इद पोल्‍ले मीक तेळियका मनमळ नाक इस्‍टम हिल्‍ले. अद बतल इत्‍ते, मना एनकटा तादो-बाबुर अंटोर मब्बु तेर्पेता हिळु मंचि समुद्रमता नड्‍डुमताल ताकतुर.

1 कुरेंति 12:1

विस्वासुल्‍कुनिटा! आत्माता वराल्‍कुना बारेमते मीक तेळियका मनमळ नाक इस्‍टम हिल्‍ले.

1 कुरेंति 15:6

अद आता पजा, हेय्युं नुह्कुंकन्‍ना एक्‍को विस्वासुल्कुंक उंदे मल्का दिसतोर. ओरागटाल वेल्‍लेटुर इदवेरदाकागुडा जीवाते मंतुर, गानि इच्‍चुर हातुर.

2 कुरेंति 1:8

विस्वासुल्‍कुनिटा! आसिया एरियाते माक वेल्‍लेने तकलिप वाता, अद तकलिप मोमोट आपकुना परवच्‍चो मत्‍ता, मोमोट पिसंतोम इंचिगुडा इनकुना हिल्‍लोम. अद पोल्‍ले मीक तेळियसि मनागोम इंचि वेहासेक मंतोम.

इपीसि 2:12

अद कालमते मिमेट किरिस्‍तुनलोप्‍पो कलियका मत्‍तिर, मिमेट इस्राएल लोकुल्‍क आयवाहेंका मीकु पेनदा नियमाल्‍क दोर्का हिल्‍लें, करार्क कियाना बारेमते पेन हीता पोल्‍लेताल मीकुन लक्‍कु इरमळ जर्गता. मिमेट इद दुनियाते बदे आसे हिलुवा, पेन हिलुवा पिस्वर पिस्सेक मत्‍तिट.

इपीसि 2:3

मनम अंटोरमगुडा मुन्‍ने मना मेंदुल्ता आसेन परकारम पिस्‍सुंदुम, मेंदुल आनि मनसुना इच्‍चां पुरागा कियानाहाटीं कराब विचाराल्क कीसेके, ओरा नड्‍डुम ओरालेसीं ताकतोरमे आंदुम. पेनदुन बरोसा कियवोरा गुनम मत्‍ताप मना गुनमगुडा मत्‍ताहेंका, मनम पेनदुक होंग वायाना पिस्वर पिस्सेक मत्‍तोम.

1 तेसलोनि 4:14

बारित्‍ते येसु हासि मर्रा जीवाते तेदतोर इंचि मनम विस्वासम कींतोम, अल्‍हेने बोर अय्ते येसुन विस्वासम कीसि हातुर, ओर्कुन पेन येसुनतोनि पीसि वायार.

1 तेसलोनि 4:15

सामिना पोल्‍ले परकारम मोमोट मीक वेहानद बतल इत्‍ते, सामि मर्रा वायानस्के मनम पिस्सि मनिनागानि, हाता विस्वासुल्कुंकन्‍ना मुन्‍ने सामिनगा होना पर्रोम.

1 तेसलोनि 5:10

मनम हायिना, पिस्सिना किरिस्‍तुनतोनि मंदना इंचि ओर मनाहाटीं जीवा हीतोर.

1 तेसलोनि 5:6

अदुनहाटीं मनम वेरेतोरालेसीं मींडसि मनमळ आयो गानि तेल्‍विते, उसारते मंदकोम.

2 पत्रु 3:4

इंका ओर वासि, “ओर मर्रा वांतोर इंचि हीता पोल्‍ले बतल आता? मावा एनकटा पेद्‍दाल्क अय्ते हासोत्‍तुर, दुनिया पुटतस्केटाल अन्‍नि पोल्‍लें बल्हा मत्‍तव अल्हे मंतां,” इंचि मीकुन पूसकींतुर.

2 पत्रु 3:8

गानि पावरमगल्‍लोरिटा! सामिनगा उंदि रोजु वेय वर्सानालेसीं आनि वेय वर्सां उंदि रोजुनलेसीं मनंतां इद पोल्‍लेतुन मति मर्गमटु.