1 तेसलोनि 3:6 - पवित्र पोल्‍ले

⁶ गानि तिमोति इंदके मिहागटाल महगा, मीवा विस्वासम आनि पावरमता बारेमते बेसता कबुर पीसि वातोर. मोमोट बल्हा मीकुन हूळालय बागा तनलाळंतोम, अल्‍हेने माकुन हूळालय मिमेटगुडा मावा बस्‍केळ्‍क मति कींतिट इंचि वेहतोर.

1 तेसलोनि 3:6 Iomraidhean Croise

प्रेरितुल्‍कुना कबाह्‍क 16:1

पजा पौलुस मर्रा दिरबे इनना सहर होंचि अगटाल लिसरा इनना सहर होत्‍तोर. हूळा! अगा तिमोति पोरोलतोर वरोर सिस्युड मत्‍तोर. ओना तल्‍लुर यहुदि जातिता उंदि विस्वासि मुरतळ आंद. गानि ओना बाबाल वेरे जातितोर (युनानि जातितोर) मत्‍तोर.

प्रेरितुल्‍कुना कबाह्‍क 18:1

पजा पौलुस एतेंस सहर होळसिसि कुरेंति सहरते होत्‍तोर.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

1 कुरेंति 11:2

अन्‍नि पोल्‍लेने नाकुन मिमेट मति कीसेक मंतिट, नना मीक कराहचि अप्पजेपता पोल्‍लेने ताकसेके मंतिट, इंचि नना मीकुन तल्‍सकुंचेके मंतन.

1 कुरेंति 13:13

इंदके विस्वासम, आसे, पावरम इव मूड पोल्‍लें बस्‍केळ्‍क मनानवे आंदुं, गानि इव्टेटाल पावरम अन्‍निंकन्‍ना पेद्‍दा पोल्‍ले आंद.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

पिलिपिया 1:8

किरिस्‍तु येसुनलेसीं ननागुडा मीकुन पावरम कींतन, इंचि नावा जीवा मीकुन हूळानाहाटीं बस्‍केळ्‍क तनलाळंता. दीनकु कुद्‍दु पेने गवाइ मंता.

कुलुसि 1:4

बारित्‍ते, किरिस्‍तु येसुना पोर्रोटा मीवा विस्वासम आनि अंटोर पेनदा लोकुल्‍कुन मिमेट कियाना मीवा पावरमता बारेमते केंजतोम.

कुलुसि 4:18

नना पौलुसुन, नावा कय्‍देन रासि मीकु जोहार वेहासेक मंतन, नना जेलते मंतन इंचि पारतनाते मति कीम्‍टु. पेनदा कुर्पा मीवातोनि मन्‍निकांटी. आमेन.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

1 तेसलोनि 2:17

विस्वासुल्‍कुनिटा! गडसेमताहाटीं मोमोट मिहागटाल लक्‍कु आतोम, गानि मनसुनाल लक्‍कु आया हिल्‍लोम. मर्रा मोमोट वेल्‍लेने आसेते मीवा मोकम हूळना इंचि बच्‍चोरो कोसिस कीतोम.

1 तेसलोनि 2:9

विस्वासुल्‍कुनिटा! मावा कस्‍टम, तकलिप मीक मते मंदार. मोमोट मीक बोनके बर्वु आयामन्‍नि इंचि नर्का-पिय्यल कबळ कीतोम. अल्हा कीसेके पेनदा बेसता कबुर मीक वेहचि मत्‍तोम.

1 तेसलोनि 3:7

अदुनहाटीं विस्वासुल्‍कुनिटा! मोमोट तकलिपते, दुक्‍कमते मनिनागानि मीवा विस्वासमताहेंदाल, मीवा बारेमते माकु सांति दोर्कता.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

1 तिमोति 1:5

ई आदेसता उद्‍देसम, पवित्र गुंडेताल, मनसुना बेस पोल्‍लेताल आनि निजम विस्वासमताल पुट्‍टना पावरम आंद.

2 तिमोति 1:3

नावा पारतनाने नीकुन बस्‍केळ्‍क मति कीसेके, ना तादो-बाबुरालेह्का नना मनसुना पोल्‍लेते, बद पेनदद अय्ते सेवा कीसंतनो, अद पेनदुक दन्यवाद वेहचंतन.

इब्रि 13:3

पेनदुन विस्वासम कीताहाटीं बोर अय्ते जेलने मंतुरो, ओरा मति कीतस्‍के, मिमेट कुद्‍दु ओरतोनि जेलने मत्‍ताप विचारम कीम्‍टु. अल्‍हेने, बोर अय्ते पेनदुन विस्वासम कीताहाटीं तिप्‍पल्‍क बोगांचेके मंतुरो, ओर्कुन मति कीतस्‍के मिमेट कुद्‍दु ओरतोनि तिप्‍पल्‍क बोगांचेके मत्‍ताप मति कीम्‍टु.

इब्रि 13:7

मीकु मोट्‍टा मोदाला पेनदा पोल्‍ले वेहता मीवा पेद्‍दाल्कुन मति कीम्‍टु. ओर बल्हा आकिरदाका पेनदापोर्रो विस्वासम इरसि पिस्तुरो मति कीसि, अल्हेन मिमेटगुडा ताकट.

1 योहान 3:23

दाना आदेस बतल इत्‍ते, मनम दाना मर्रि येसु किरिस्‍तुनपोर्रो विस्वासम इर्राना आनि ओना आदेस परकारम मनम वरोंक-वरोर पावरम कियाना.