1 तेसलोनि 3:5 - पवित्र पोल्‍ले

⁵ अदुनहाटीं नना आगा पर्राहिल्‍लेन. पट्‍टु हूळानोर मीवा पट्‍टु हूळतोरा बतला, मोमोट कीता कस्‍टम एर्तम आताना बतला इंचि, मीवा विस्वासमतुन कन्कुनालय नना तिमोतिन लोहतन.

1 तेसलोनि 3:5 Iomraidhean Croise

मत्‍तयाल 4:3

अस्‍के आ पट्‍टु हूळानोर येसुनगा वासि, “ओक्‍कला निमे पेनदा मर्रिन आते ई बंडां हारिं आयिं इंचि आदेस हीम,” इंचि इत्‍ता.

प्रेरितुल्‍कुना कबाह्‍क 15:36

इच्‍चुं रोजकु आतारित्‍ते, “मनम सामिना पोल्‍लें बव-बव सहरकुने वेहतोमो अव अन्‍नि सहरकुने मर्रा दाकोम. पेनदुन नम्मुकुत्‍ता पजा अगाटा विस्वासुल्कुना पिस्वरकु बल्हा बतल मंतांगो हूळसि वाकोम,” इंचि पौलुस बरनाबासुन इत्‍तोर.

1 कुरेंति 7:5

अदुनहाटीं मिमेट वरोंक-वरोर अलग मनमट. गानि कोन्‍नि रोजकु पारतना कियालय अलग मनकोम इंचि मिमेट इव्वुर इनकुत्‍ते, अलग मंटु. दाना पजा मर्रा कलियसि मंटु. बारित्‍ते, कुदता मनसुन आपकुना परवस्के देय्यम मीकुन पट्‍टुने अरहालय हूळंता.

2 कुरेंति 2:11

मापि कियाकोंटे देय्यम बस्‍केनना तकलिप हिय्या परांता. बारित्‍ते दाना गुनम बसोंटदो मनक एरपाटे मंता.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

गलातिया 2:2

नाकु अगा तप्‍पाकोंटा होनापींता इंचि पेन वेहचि हुपिस्ताहाटीं नना होत्‍तन. पेनदाहाटीं नना कीता कस्‍टम एर्तम आयानायो इंचि यहुदि आयवोर्क नना वेहता बेसता कबुरतुन अगटा लीडर्कुन बाजुंक केय्‍सि ओर्क वेहतन.

गलातिया 4:11

नना मीवाहाटीं कीता कस्‍टम वट्‍टिदे आंता बारे इंचि नाकु मीवा बारेमते वेर्रे वस्‍सेक मंता.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

पिलिपिया 2:16

पिस्वर हियना पेनदा पोल्‍लेतुन गट्‍टिगा पीसि ताकट. इदुना हेंदाल किरिस्‍तु वायाना रोजुने, मीवाहाटीं नना कीता कस्‍टम, वितलाटा एर्तम आयाहिल्‍ले इंचि कुसिते वेहंतन.

पिलिपिया 2:19

तिमोतिन मिहगा बिरानेन लोहकन इंचि नना सामि येसुनाहेंदाल आसे पळसंतन. ओर मीवा बारेमता कबुर नाकु वासि वेहनुर, अस्‍के नाकु इरगा कुसि आयार.

1 तेसलोनि 2:1

विस्वासुल्‍कुनिटा! मोमोट मिहगा वातद एर्तम आयाहिल्‍ले इंचि मीक एरपाटे मंता.

1 तेसलोनि 3:6

गानि तिमोति इंदके मिहागटाल महगा, मीवा विस्वासम आनि पावरमता बारेमते बेसता कबुर पीसि वातोर. मोमोट बल्हा मीकुन हूळालय बागा तनलाळंतोम, अल्‍हेने माकुन हूळालय मिमेटगुडा मावा बस्‍केळ्‍क मति कींतिट इंचि वेहतोर.