1 तेसलोनि 3:12 - पवित्र पोल्‍ले

¹² मोमोट मीकुन पावरम कीताप, मिमेटगुडा मीलोप्‍पो वरोंक-वरोर पावरम कियालय, अंटोर लोकुल्‍कुनतोनि पावरम बेर्सालय सामि मीक सहायम कियिरकांटी.

1 तेसलोनि 3:12 Iomraidhean Croise

मत्‍तयाल 22:39

रोंडो आदेस बतल इत्‍ते, नीवद निमे बच्‍चोन पावरम कींतिनो, अचोने पावरम इंकावरोनगुडा कीम.

मत्‍तयाल 7:12

अदुनहाटीं लोकुल्‍क मीवातोनि बल्हा मनना इंचि मिमेट इनकुंतिरो, अल्हेन मिमेट ओरतोनि मंटु. इदे पोल्‍ले मूसाना नियम आनि पेनदा कबुरतोर रासतदगुडा वेहंता.

लूकाल 17:5

इल्‍हा येसु वेहतद केंजसि, “मावा विस्वासमतुन बेर्सागोटा सामि,” इंचि ओना प्रेरितुल्क इत्‍तुर.

रोम सहरतोरहाटीं पौलुसना सिट्‍टि 13:8

मिमेट इंकावरोन पावरम कीम्‍टु, पावरम कियमळ तप्‍पा बोर्के आयि बदे पोल्‍लेता बाकि मनमट. अल्हा मत्‍तोर मूसाना नियमतुन पालन कीताप आंतोर.

2 कुरेंति 9:10

अदुनहाटीं वीतानोंकु पेन विज्‍जां हींता, तिनालय तिंडि हींता. अद मीक वेल्‍ले विज्‍जां हीतस्के मीवा नीतिता पलम बेरसंता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

पिलिपिया 1:9

मीवा पावरम बेस बेरस्सेक मनना, पेनदाहेंदाल मीकु बुद्‍दि, मंचि-सेड्‍डातुन एरपाट कियना तेल्वि बेरसना इंचि नना बस्‍केळ्‍क पेनदुक पारतना कीसेक मनंतन.

1 तेसलोनि 2:8

अदुनहाटीं मीपोर्रो इच्‍चोर पावरम मंता गदा, मोमोट मीक सिराप पेनदा बेसता कबुरे आयो, मावा जीवागुडा हियालय तयार मत्‍तोम. मिमेट अच्‍चोर पावरमतोर आसि मत्‍तिट.

1 तेसलोनि 4:1

विस्वासुल्‍कुनिटा! बल्हा पिसते पेनदुन कूस ईरा परांतोम इंचि मिमेट मावाहेंदाल करियतिर, अल्‍हेने मिमेट पिस्सेकगुडा मंतिट, इंकागुडा मुन्‍ने अल्‍हेने पिस्सेक होंट इंचि विनंति कीसेके मंतोम आनि येसु सामिना लोप्पो तेल्‍पिच्‍चि वेहासेक मंतोम.

1 तेसलोनि 5:15

मीलोप्‍पो बोरन्‍ना सेड्‍डातनमता बदला सेड्‍डातनम कियाकोंटा हूळकुंटु. गानि बस्‍केळ्‍क वरोंक-वरोर आनि अंटोराहाटींगुडा बेस कियालय कोसिस कीम्‍टु.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

याकोब 1:17

हरेक बेसता वरम आनि अन्‍निंकन्‍ना बेसता इनाम पोर्रोटाले वांता, वेल्‍गुल्कुना पेनबाबानगटाल वांता, ओनालोप्‍पो बतले तेडा हिल्‍ले, ओर नीडातालेसीं बदलांचानोर आयोर.

2 पत्रु 1:7

बक्‍तिते दादल-तम्मुना कूळमळ, दादल-तम्मुना कूळमळते पावरम कल्‍पट.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.