1 तेसलोनि 3:11 - पवित्र पोल्‍ले

¹¹ इंदके मना पेनबाबाल आनि मना येसु सामि, मोमोट मिहगा वायालय हर्रि तयार कियिरकांटी.

1 तेसलोनि 3:11 Iomraidhean Croise

मत्‍तयाल 6:14

मिमेट वेरेतोरा तप्‍पुकुन माप कीते, स्वर्गमते मनना पेनबाबालगुडा मीकुन माप कींतोर.

मत्‍तयाल 6:18

अल्हा कीते ओक्‍कापोद्‍दु मत्‍तद बोर्के दिस्सो गानि बोर्के दिसुवा मीवा पेनबाबाल मात्रम ओक्‍का पोद्‍दुन हूळांतोर. अदुनहेंके मीकु इनाम हींतोर.

मत्‍तयाल 6:26

आ पिट्‍टेनहेके हुळट, अव वीतों आनि कोय्यों, अचोने आयका गुम्मिने जमागुडा किय्यों, अय्नागानि मीवा स्वर्गमते मनना पेनबाबाल अवुंक तिंडि हींतोर. मीकु अय्ते पेनदा मुन्‍ने पिट्‍टेंकन्‍ना बच्‍चोनो विलवा मंता इदु मीकु एर्के मंता.

मत्‍तयाल 6:32

विस्वासम कियवोरगुडा इव गावाले इंचि तनलाळसेक मनांतुर. गानि मीकु इव अन्‍नि गावाले इंचि स्वर्गमते मनना मीवा पेनबाबांक एर्के मंता.

मत्‍तयाल 6:4

अल्हा कीते मिमेट कियना दर्मम बोनकु तेळियाकोंटा मनंता, अद बतल आंदो मीवा पेनबाबांक एर्के मंता. अदुन हूळसे मीकु इनाम हींतोर.

मत्‍तयाल 6:6

गानि मिमेट पारतना कियना वेलाक लोता लोप्पोटा अर्राते होंचि तल्‍पु वाटकुंचि बोर्के दिसुवा मीवा पेनबाबांक पारतना कीम्‍टु. अस्‍के मीवा पेनबाबाल मीकु अद पारतनाता जवाब हींतोर.

मरकुस 1:3

वरोना अल्किर बय्‍लि जेगाते, “सामिनाहाटीं हर्रि तयार कीम्‍टु, ओना हर्रि सवरगा कीम्‍टु,” इंचि केंजा वासेक मंता, इल्‍हा बापतिस्मा हियना योहानुना बारेमतेन पेन वेहचि मत्‍ता.

लूकाल 12:30

दुनियातोर अंटोर लोकुल्‍क इवुनाहाटींगें तनलाळसेक मनांतुर. गानि मीकु इव अन्‍नि गावाले इंचि मीवा पेनबाबांक एर्के मंता.

लूकाल 12:32

“अरे नावा सिस्युल्कुनिटा, ‘मीवा पेनबाबाल ओना राज्येमतुन मीकु हियालय वेल्‍लेन कुसिते तयार मंतोर. अदुनहाटीं मोमोट वेल्‍ले मंदि हिल्‍लोम’ इंचि वेरियमट.

योहान 20:17

अस्‍के येसु, “इदवेरदाका नना बाबानगा होना हिल्‍लेन. निमे नाकुन इट्‍टुमा, गानि नावा तम्मुह्कुनगा होंचि इल्‍हा वेहा: नना नावा बाबाल आनि मीवा बाबाल, इंका नावा पेन आनि मीवा पेनदागा पोर्रो होंचंतन, इंचि ओर्क वेहा,” इंचि दानकु वेहतोर.

रोम सहरतोरहाटीं पौलुसना सिट्‍टि 1:3

इद बेसता कबुर, मनकना रूपमते पुटसि वाता पेनदा मर्रिना बारेमते मंता. ओर दाविद राजाना वंसंमते पुटतोर.

2 कुरेंति 6:18

नना मीवा बाबान आकन, मिमेट नावा मर्क-मियाह्क आकिट इल्‍हा पेद्‍दा सक्‍तिमंतुड पेन इंता,” इंचिगुडा रासि मंता.

गलातिया 1:4

मनम मनना ई पापि दुनियाताल मनाकुन पिसागोटना इंचि मना पेनबाबाना इच्‍चा मत्‍ता. अदुनहाटीं येसु किरिस्‍तु मनाहाटीं ओना जीवा हीसि पेनबाबाना इच्‍चातुन पूरा कीतोर.

1 तेसलोनि 3:13

बस्के अय्ते मना सामि येसु ओना अंटोर पवित्र लोकुल्‍कुनतोनि वांतोरो, अस्‍के मनम पेनबाबाना मुन्‍ने पवित्रते दोसेम हिलाकोंटा मनालय मना मनसुकुन गट्‍टिगा कियिरकांटी, आमीन.

1 तेसलोनि 4:16

बारित्‍ते सामि स्वर्गमताल हिळु रेयानुर अस्‍के पेद्‍दा आवाजते आदेस हियमळ, पेद्‍दा दूताता पोल्‍लेते आनि पेनदा तूताकोमता आवाज कियमळ जर्गंता. अस्‍के बोर अय्ते किरिस्‍तुनलोप्‍पो हातुर, ओर मुन्‍ने जीवाते तेदानुर.

1 तेसलोनि 5:23

सांति हियना पेने कुद मीकुन पुरागा पवित्र किय्‍यिकांटी, मावा येसु किरिस्‍तु सामि मर्रा वायानादाका मीवा आत्मातुन, जीवातुन, मेंदुलतुन दोसेम हिलाकोंटा कापाळिकांटी.

2 तेसलोनि 2:16

मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

2 तेसलोनि 3:16

कुद सांति हियना सामि, बस्‍केळ्‍क अन्‍नि तीरुकुने मीक सांति हिय्यिर, बस्‍केळ्‍क मी अंटोरतोनि मन्‍निरकांटी.

2 तेसलोनि 3:5

सामि मीवा मनसुकुन पेनदा पावरमते अल्‍हेने किरिस्‍तुना गट्‍टि ओप्‍केते ताकसा परांतोर.

1 योहान 3:1

हुळट! पेन मनाकुन बच्‍चोन वेल्‍ले पावरम कींता! अदुनहाटीं मनाकु पेनदा पिलाल्क इंचि पोरोल दोर्कता, आनि मनम आंदुमगुडा. गानि दुनियातोर पेनदुन एरपाट किय्युवाहेंका ओर मनाकुन तेल्‍पिचकुन्‍नुर.

पेन हुपिस्‍ता पोल्‍लें 21:3

पजा राजगद्‍देतगटाल उंदि पेद्‍दा लेंग इल्‍हा केंजावाता, “हुळाट, पेन इंदके मनकालोरा नड्‍डुम जेगा आता. अद ओरतोने मनंता. ओर दाना लोकुल्‍क आंतुर, अद कुद्‍दु ओरा पेन आसि ओरतोने मनंता.