1 तेसलोनि 2:2 - पवित्र पोल्‍ले

² गानि दीनकन्‍ना मुन्‍ने पिलिपिया सहरते माकुन बदनाम कीसि वेल्‍लेन दुक्‍कम हीतुर. लोकुल्‍क माकुन बागाने विरोद कीतुर. विरोद किय्यिनागानि पेनदा बेसता कबुर मीक वेहालय पेन दैरनेम हीता, इदगुडा मीकु एरपाटे मंता.

1 तेसलोनि 2:2 Iomraidhean Croise

प्रेरितुल्‍कुना कबाह्‍क 14:3

अय्नागानि पौलुस आनि बरनाबास अगा वेल्‍लेने रोजकु आगिसि मत्‍तुर. सामिना कुर्पाता बारेमते वेरियाकोंटा वेहचेके मत्‍तुर. ओर वेहना पोल्‍लें निजम इंचि गवाइ हुप्‍सालय सामि ओरा कय्‍दाल चिन्‍हां, इचंत्रमता कबाह्‍क हुप्‍सुंदुर.

प्रेरितुल्‍कुना कबाह्‍क 14:5

वेरे जातितोर आनि यहुदिल्कु ओरा अदिकारिल्कुनतोनि कलियसि पौलुसुन आनि बरनाबासुना कदर रेहचि बंडां हुक्‍कालय तयार आतुर.

प्रेरितुल्‍कुना कबाह्‍क 16:12

पजा अगटाल पिलिपिया इनना सहर होत्‍तोम. अद मेसिडोनिया एरियाता मुक्‍य सहर आंदु. अगा रोमि लोकुल्‍क मनुंदुर. अद सहरते मोमोट कोन्‍नि रोजकु मत्‍तोम.

प्रेरितुल्‍कुना कबाह्‍क 16:19

पजा आ पेगिटा मालकुल्कुंक दोर्कना दनम दोर्काकोंटा आताहेंके ओर पौलुसुन आनि सिलासुन दोर्कापीसि, इग्‍गिसेके नड्‍डुम सहरते अदिकारिल्कुना मुन्‍ने ओतुर.

प्रेरितुल्‍कुना कबाह्‍क 16:37

अस्‍के पौलुस, “मोमोट इंका रोम देसेमता रहिवासिल्के आंदुम. अय्नागानि ओर मावा बतले तप्पु हूळाकेने माकुन लोकुल्‍कुना मुन्‍ने तंतुर, जेलने वाटसीतुर. इंदके सपुडदाका बोर्कु एरपाट हिलाकोंटा माकुन होळसियालय हूळसंतुर, गानि इल्‍हा आयापर्रो. माकुन होळसानद मत्‍ते ओर कुद इग्‍गे वासि होळसियिरकांटी,” इंचि इत्‍तुर.

प्रेरितुल्‍कुना कबाह्‍क 17:1

पजा ओर अंपिपुलि आनि अपुलोनिया सहरकंता तिरियसेके-तिरियसेके तेसलोनि सहरते एवतुर. अगा यहुदिल्कनद उंदि दर्मसास्‍त्रम कराहना लोन मत्‍ता.

प्रेरितुल्‍कुना कबाह्‍क 17:17

दानहाटीं ओर रोज-रोज दर्मसास्‍त्रम कराहना लोह्कुने होंचि यहुदिल्कुनतोनि आनि पेनदुक वेरियना वेरे जाति लोकुल्‍कुनतोनि चर्चां कियुंदुर. अचोने आयका चौकुल्कुने होंचि बोर दोर्कुते ओरतोने चर्चा कियुंदुर.

प्रेरितुल्‍कुना कबाह्‍क 19:8

आयंका पौलुस मूड नेल्कुनदाका यहुदिल्कुना दर्मसास्‍त्रम कराहना लोते होनुंदुर. वेरियाकोंटा ओरतोनि चर्चा कीसि पेनदा राज्येमता बारेमते ओर्कु तेळियागोट्‍सि वेहुंदुर.

प्रेरितुल्‍कुना कबाह्‍क 4:13

ओर पत्रुन आनि योहानुन हूळसि इस्कुल करियवोर, सादा मनकालोर आंदुर इनकुत्‍तुर, गानि ओरा दैरनेम हूळसि इचंत्रम आतुर. अस्‍के ईर येसुनतोनि मत्‍तोर आंदुर इंचि ओर्कुन एरपाट कीतुर.

प्रेरितुल्‍कुना कबाह्‍क 4:20

बदाय्ते मोमोट हूळतोम, केंजतोम अदुन वेहाकोंटा मनमळ मावातोनि आया परो,” इंचि इत्‍तुर.

प्रेरितुल्‍कुना कबाह्‍क 4:31

पारतना कीतारित्‍ते, ओर जमा आसि मत्‍ता जेगा मेदुलता, ओर अंटोर पवित्र आत्माते निंडिसोंचि पेनदा पोल्‍ले वेरियाकोंटा वेहालय दल्‍गुतुर.

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

रोम सहरतोरहाटीं पौलुसना सिट्‍टि 1:1

नना पौलुस, येसु किरिस्‍तुना दासुन आंदुन. नना मीकु इद सिट्‍टि रासेक मंतन. येसु किरिस्‍तुना कबाह्‍क कियालय पेन नाकुन प्रेरित इंचि पेरता. पेरसि दाना बेसता कबुर वेहालय लोह्ता.

2 कुरेंति 3:12

अदुनहाटीं इदे आसेता हेंदाल मनम बच्‍चोरो दैरनेमते वळ्‍कंतोम.

कुलुसि 2:1

मिमेट नाकुन हूळाकोन्‍ना गानि मीवाहाटीं, लोदिकिया सहरते मंदना विस्‍वासुल्‍कुनाहाटीं आनि कळमता अंटोर विस्‍वासुल्‍कुनाहाटीं नना वेल्‍लेन कस्‍टम कीसेके मंतन, इद मीक तेळियाना इंचि नावा इच्‍चा मंता.

1 तेसलोनि 1:5

बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.

यहुदा 1:3

पावरमगल्‍लोरिटा! मनाक अंटोर्क दोर्कता मुक्‍तिता बारेमते मीकु रासाना इंचि इनकुंचेके मत्‍तन, गानि इंदके विस्वासमता बारेमते रासि दाना सत्‍तेमतुन कापाळनाहाटीं मीक तेळियागोटसि वेहाना इंचि नाक अव्‍सरम अनपिस्ता. ई सत्‍तेमतुन पवित्र लोकुल्‍कुंक बस्‍केळ्‍ताहाटीं उंदे मल्का हियमळ जर्गता.