1 तेसलोनि 2:16 - पवित्र पोल्‍ले

¹⁶ पेनदा पिसागोटमळ बारेमते यहुदि आयवोर्कुनतोनि वळ्कते, ओर माकुन आपंतुर. इल्‍हा कीसि बस्‍केळ्‍क ओरा पापाल्कुन निहकुंतुर. गानि आकिरते पेनदा होंग ओरपोर्रो रेयंता.

1 तेसलोनि 2:16 Iomraidhean Croise

मत्‍तयाल 12:45

अस्‍के अद देय्यम तिरियसि होंचि दानकन्‍ना एक्‍को सेड्‍डातव एडुं देय्याल्कुन पीसि वांता. पजा अंटव कलियसि अदे लोते मनालय दल्‍गंतां. इल्‍हा आ मनकना परिस्तिति मोदाटा परिस्तितिकन्‍ना एक्‍को कराब मनंता. इद कालमता लोकुल्‍कुना जीवाते पेनदा पोल्‍लेक जेगा हिलाकोंटे इसोंटा गोसे आयार,” इंचि इत्‍तोर.

मत्‍तयाल 23:32

अय्ते मिमेट मीवा पेद्‍दाल्क सुरुव कीता पापमतुन पूरा कीम्‍टु.

मत्‍तयाल 24:14

पेनदा राज्येमता बारेमता बेसता कबुर दुनियाता अन्‍नि देसेल्‍कुना लोकुल्‍कुंक उंदि गवाइ इंचि तेळियागोटसि वेहतस्के, इद दुनियाता आकिर आयार.”

मत्‍तयाल 24:6

मिमेट लडाईं आनि लडाईना पोल्‍लेना बारेमते केंजसि वेरियमट, अल्हा तप्‍पाकोंटा आयानुंगे. गानि दुनियाता आकिर वेला अस्‍केने वायो.

मत्‍तयाल 3:12

ओना कय्‍दे हेती मंता. ओर ओना कडातुन बेस साप कीतारित्‍ते गोह्कुन तूरपाल्क पीसि गुम्मिते दोसंतोर, पोट्‍टुनबारे बस्‍केने पिर्रुवा तडमिते वाटसि बोळसंतोर,” इंचि इत्‍तोर.

मरकुस 16:16

बोर अय्ते विस्वासम कीसि, बापतिस्मा एतंतोर ओनके मुक्‍ति दोर्कंता, गानि बोर अय्ते विस्वासम किय्योर, ओनकु पेन सिक्‍साता आदेस हिय्यार.

प्रेरितुल्‍कुना कबाह्‍क 13:45

अच्‍चो वेल्‍ले मंदितुन हूळसि यहुदिल्कुना जीवा मसुल्ता, अदुनहाटीं ओर पौलुसना पोल्‍लेंक विरोद कीसि ओन बदनाम कियालय दल्‍गतुर.

प्रेरितुल्‍कुना कबाह्‍क 13:50

गानि यहुदि लोकुल्‍क मात्रम निजमाता पेनदुन आरादना किय्यानव सहरता कदरगल्‍ला वेरे जातिता मुर्ताह्‍कुन, पेद्‍दाल्कुन एक्‍किस्तुर. अस्‍के ओर पौलुस, बरनाबासुन पक्‍का तकलिप कीसि ओर्कुन आ एरियाताल पलाते पेचाहतुर.

प्रेरितुल्‍कुना कबाह्‍क 14:19

आयंका पीसिदियाता अंताकिया सहरताल, इकोनिया सहरताल इच्‍चुर यहुदिल्क वातुर. वासि लोकुल्‍कुन ओरा बाजुंक कीकुंचि, पौलुसुनपोर्रो बंडां हुक्‍तुर. ओर हातोर इनकुंचि ओन सहरता पलाते इग्‍गिस ओतुर.

प्रेरितुल्‍कुना कबाह्‍क 14:2

गानि विस्वासम कियवा यहुदिल्कु, विस्वासुल्‍कुनतोनि जगडम कियालय वेरे जातितोर्कुन एक्‍किस्तुर.

प्रेरितुल्‍कुना कबाह्‍क 14:5

वेरे जातितोर आनि यहुदिल्कु ओरा अदिकारिल्कुनतोनि कलियसि पौलुसुन आनि बरनाबासुना कदर रेहचि बंडां हुक्‍कालय तयार आतुर.

प्रेरितुल्‍कुना कबाह्‍क 17:13

गानि बस्के अय्ते पौलुस, पेनदा पोल्‍लें बिरिया सहरतेगुडा होंचि कराहचंतोर इंचि तेसलोनि सहरता यहुदिल्कुंक तेळियतनो, अस्‍के ओर अगा वासि लोल्‍लिं कियमळ, लोकुल्‍कुंक एकरेवुल्क वेहमळ सुरुव कीतुर.

प्रेरितुल्‍कुना कबाह्‍क 19:9

गानि ओरंटे इच्‍चुर जिद्‍दि मनकालोर मत्‍तुर. ओर विस्वासम किया हिल्‍लुर. अचोने आयका लोकुल्‍कुना मुन्‍ने पेन वेहता हर्दा बारेमते रोता-रोता पोल्‍लें वळ्कसेक मत्‍तुर. अदुनहाटीं पौलुस, सिस्युल्कुन ओना पज्जो केयकुत्‍तोर. आ लोकुल्‍कुन अग्गेन होळसि रोज तरन्‍नुसना मिटिंग बंगलाते होंचि चर्चा कियुंदुर.

प्रेरितुल्‍कुना कबाह्‍क 21:21

गानि, मूसाना नियमतुन पीसि ताकमट, मर्कुनद कतना कियमट इंका यहुदिल्कुना रीति-रिवाजकुन होळसीम्टु इंचि वेरे जातितोरा नड्‍डुम मनना यहुदिल्कुंक निमे कराहतिन इंचि बोरो इग्‍गे वेहतुर.

प्रेरितुल्‍कुना कबाह्‍क 23:12

इंकुंदि रोजु हक्‍केरे पौलुसुन हव्कालय यहुदिल्कु पिलान कीसि, ओन हव्कवा मोमोट तिन्‍नोम-उन्‍नोम, इंचि ओट्‍टु तित्‍तुर.

प्रेरितुल्‍कुना कबाह्‍क 24:9

अस्‍के यहुदिल्कगुडा ओनाहेके आसि, इवन्‍नि पोल्‍लें निजमे, आंदुं इंचि इनालय दल्‍गतुर.

प्रेरितुल्‍कुना कबाह्‍क 25:2

अगा पेद्‍दा पेर्मालोर आनि यहुदि पेद्‍दाल्क वासि पेसतुस राज्यपालना मुन्‍ने पौलुसुनपोर्रो तप्पु दोस्तुर.

प्रेरितुल्‍कुना कबाह्‍क 25:7

पौलुस वातारित्‍ते, येरुसलेमताल वाता यहुदिल्कु ओना सुट्‍टु निततुर. ओनपोर्रो पेद्‍दा-पेद्‍दा तप्पुक दोस्तुर, गानि उंदिंका तप्पु निजम कीसि वेहा पर्राहिल्‍लुर.

प्रेरितुल्‍कुना कबाह्‍क 4:12

येसुना पोरोल तप्‍पा मब्बुना हिळु मनानोरा बोना पोरोले मनाकुन पापमताल पिसागोट्‍टो, इंका बोरे मनाकुन पिसागोट्‍टोर,” इंचि वेहतोर.

प्रेरितुल्‍कुना कबाह्‍क 9:23

इल्‍हा वेल्‍लेने रोजकु आतारित्‍ते यहुदिल्क साऊलुन हव्कना उपायम कीतुर.

1 कुरेंति 10:33

ननागुडा ओर पिसागोम इंचि, नावा पाय्दा हूळाका, वेल्‍लेटुर लोकुल्‍कुना पाय्दाताहाटीं, अन्‍नि पोल्‍लेने अंटोर्कुन कूस इरंतन. बारित्‍ते ओर्क मुक्‍ति दोर्कगोम.

गलातिया 5:11

विस्वासुल्‍कुनिटा! ननागिंटा कतना कियना इंचि वेहासेक तिरियसि मत्‍ते, नाकुन यहुदिल्क वेल्‍लेन तकलिप कियाकोन्‍नेर, येसु सामि क्रुसुनपोर्रो हीता मोक्‍कुता हेंदाले बस्‍केळ्‍क पिस्सना पिस्वर मंता इंचि वेहताहेंकेन ओर्क होंग वाता.

इपीसि 3:13

मीहाटीं नाकु आयाना तकलिपकुन हूळसि मिमेट पजोळ्क आयमट इंचि मीकु विनंति कीसेक मंतन. नना अर्रना तकलिपकुनाहेंदाल मीके कदर दोर्कंता.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

1 तेसलोनि 1:10

पेन येसुन हातोरव्टेटाल तेहता. इंदके स्वर्गमताल दाना मर्रि येसु मल्सि वायानदुन एदुर हूळसेक मंतिर, इंचि इव पोल्‍लें अंटोर्क वेहासेक मंतुर. वायाना पेनदा होंगुनाल ओरे येसु मनाकुन पिसागोटंतोर.

2 तेसलोनि 2:10

पजा कराब कबाह्‍क कीसि नासडेम आयानोर्कुन अन्‍नि तीरुकुने पसांचंतोर. बारित्‍ते बद सत्‍तेमतुन अय्ते पावरमते ओप्‍कुंचि मत्‍ते मुक्‍ति दोर्किस मनवळ, ओर अदुन ओप्पकुन्‍ना हिल्‍लुर.

1 तिमोति 2:4

लोकुल्‍क अंटोर्कुंक मुक्‍ति दोर्कना आनि निजमतुन एरपाट कियना इंचि पेनदा इच्‍चा मंता.

इब्रि 6:8

गानि अदे बूमि ओक्‍कला हाह्कु, हाह्कुना पोदां पुट्‍टिचानय्ते अद कबळ्‍क ओज्‍जाकोंटा आसि पेनदा सापनेमलायक आंता. आकिरते दान बोळसि पोहमळ जर्गंता.

पेन हुपिस्‍ता पोल्‍लें 22:11

“अन्‍यायम कीसेके मनानोर अन्‍यायम कीसेकेन मन्‍निरकांटी, हेळ्‍सोत्‍तोर ओर हेळ्‍सोंचे मन्‍निरकांटी, नीतिमंतुड मत्‍तोर, ओर नीतिमंतुडे मन्‍निरकांटी, पवित्र मत्‍तोर, ओर पवित्र मन्‍निरकांटी,” इंचि इत्‍ता.