1 तेसलोनि 2:13 - पवित्र पोल्‍ले

¹³ बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.

1 तेसलोनि 2:13 Iomraidhean Croise

मत्‍तयाल 10:40

बोर अय्ते मीकुन दग्‍गेरा कींतोर, ओर नाकुन दग्‍गेरा कीतापे. बोर अय्ते नाकुन दग्‍गेरा कींतोर, ओर नाकुन लोहता पेनदुनगुडा दग्‍गेरा कीतापे.

लूकाल 11:28

अस्‍के येसु, “गानि बोर अय्ते पेनदा वचनाल्क केंजसि अवुन पीसि ताकंतोरो ओर एक्‍को आसिर्वाद दोर्कुतोर आंद,” इंचि इत्‍तोर.

लूकाल 5:1

उंदि रोजु येसु गेनेसरेत इनना समुद्रमतगा नित्‍तिसि पेनदा पोल्‍लें वेहासेक मत्‍तोर. येसु ओड्‍डुनपोर्रो नित्‍तिसि पेनदा पोल्‍लें वेहनेंके, आ पोल्‍लें केंजालय अगा वेल्‍लेने लोकुल्‍क ओना सुट्‍टु जमा आतुर.

लूकाल 8:11

“इद वेसुडिता अर्तम इल्‍हा मंता, विज्‍जां इत्‍ते पेनदा पोल्‍ले आंदु.

लूकाल 8:21

अस्‍के, “बोर अय्ते पेनदा पोल्‍लें केंजसि अल्‍हेने ताकंतुरो, ओर्कुने नावा यावल, नावा तम्मुर इंतन,” इंचि येसु ओर्कुन इत्‍तोर.

योहान 15:3

दीनकन्‍ना मुन्‍ने नना मीकु वेहता पोल्‍लेहेंदाल मिमेट साप आतिर.

योहान 17:17

नीवा पोल्‍ले सत्‍तेम आंद, नीवा सत्‍तेमते ओर्कुन पवित्र कीम.

योहान 17:19

नीवा सत्‍तेमते ओर पवित्र आयगोम इंचि, नावद ननेन उंदि पवित्र मोक्‍कुनलेह्का आतन.”

प्रेरितुल्‍कुना कबाह्‍क 10:33

अदुनहाटीं नना बिराना नीकुन केया लोहतन, निमे इगे वासि बच्‍चोरो बेस आता. इंदके नीकु पेन बतल वेहतनो अव अन्‍नि केंजालय मोमोट अंटोरम इगे पेनदा मुन्‍ने जमा आतोम,” इंचि वेहतोर.

प्रेरितुल्‍कुना कबाह्‍क 13:48

ई पोल्‍ले केंजसि वेरे जातितोर वेल्‍ले कूस आसि, सामिना पोल्‍लेता कदर कियालय दल्‍गुतुर. बचटूर्कुन अय्ते बस्‍केळ्‍क पिस्सना पिस्वरताहाटीं पेन पेरकुत्‍तनो, अचटुर येसुनपोर्रो विस्वासम कीतुर.

प्रेरितुल्‍कुना कबाह्‍क 16:14

अवुन लोप्पो उंदि लिदिया पोरोलता मुरतळ मत्‍ता. अद तुयतीरा सहरतद आंद. दान्क पेनदापोर्रो वेल्‍लेन विस्वासम मत्‍ता. अद वेल्‍लेन दराता नेडि पंडि रंगुना कपडिं अम्मुंदु. अद बेस मनसु दोस्‍सि मावा पोल्‍लें केंजसेके मत्‍ता. पौलुस वेहना पोल्‍लेन बेस केंजालय सामि दाना मनसुन तयार कीतोर.

प्रेरितुल्‍कुना कबाह्‍क 17:11

तेसलोनि सहरता यहुदिल्कुंकन्‍ना इगेटा यहुदिल्क बच्‍चोरो बेस मत्‍तुर. ईर पौलुस वेहना पोल्‍लेन बेस मनसु ताससि केंजुंदुर. हरेक रोजु दर्मसास्‍त्रमतुन हद्‍विसि पौलुस वेहना पोल्‍लें निजमेना इंचि बेस अर्तम कीकुनुंदुर.

प्रेरितुल्‍कुना कबाह्‍क 17:32

बस्के अय्ते लोकुल्‍क, हातोराव्टेटाल मर्रा जीवाते तेदतोर इत्‍ता पोल्‍ले पौलुसुना तोळ्‍दाल केंजतुरो, अस्‍के इच्‍चुर लोकुल्‍क ओन कव्‍तुर. गानि इंका इच्‍चुर मात्रम, “निमे वेहना पोल्‍ले मर्रा बस्‍केनना केंजंतोम,” इंचि इत्‍तुर.

प्रेरितुल्‍कुना कबाह्‍क 2:41

अस्‍के बोर अय्ते ओना पोल्‍लेन ओप्‍कुत्‍तुर, ओर अंटोर बापतिस्मा एततुर. इल्‍हा ओर अंटोर कलियसि मूड वेय्‍कुना मंदि आतुर.

प्रेरितुल्‍कुना कबाह्‍क 8:14

सामरिया सहरता लोकुल्‍क पेनदा पोल्‍लेन स्विकार कीतुर इंचि बस्के अय्ते येरुसलेमते प्रेरितुल्कुंक तेळियतनो, अस्‍के ओर पत्रुन आनि योहानुन सामरिया एरियाक लोहचीतुर.

रोम सहरतोरहाटीं पौलुसना सिट्‍टि 10:17

इल्‍हा किरिस्‍तुना बारेमता बेसता कबुरतुन बोरन्‍ना वेहतेने केंजांतुर, केंजतेने विस्वासम किया परांतुर.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

गलातिया 4:14

ना जीवा बेस हिल्वका मीकु कस्‍टम आयिनागानि मिमेट नाकुन सिन्‍ना हूळा हिल्‍लिर, बेस हूळतिर. नाकुन पेनदा दूतालेसीं, येसु किरिस्‍तुनलेसीं बेस हूळतिर.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

इब्रि 4:12

बारित्‍ते पेन वेहता ई पोल्‍ले, जीवा मत्‍तद आनि बलमगल्‍लद आंद, अद रोंडु बाजकुनाल करा-करा मनना कसेरकन्‍ना एक्‍को करा-करा मंता. अद बल्हा बोक्‍कानाल पूलगुन वेरे-वेरे कींता, अल्हेन आत्माताल जीवातुन वेरे कींता. इंका अद मनसुना विचाराल्कुन, अवुना उद्‍देसाल्कुना बारेमते बरोबर वेहा पर्रंता.

इब्रि 4:2

बारित्‍ते, ई आराम दोर्कना जेगाता बारेमता बेसता कबुर इस्राएल लोकुल्‍कुंक एवताप मनकगुडा वेहमळ जर्गता. गानि ओर आ कबुरपोर्रो विस्वासम इर्रा हिल्‍लुर, अदुनहाटीं ओर्कु दानद बतले पायदा आयाहिल्‍ले.

याकोब 1:18

ओर पुटिस्तवुन लोप्पो मोट्‍टा मोदाटा पलम मनमे आयागोम इत्‍ता ओना सतता इच्‍चातुन पीसि, सत्‍तेम पोल्‍लेताल मनाकुन पुटिस्तोर.

1 पत्रु 1:23

इंदके मिमेट पूना पिस्वरते पुटतिर, नासडेम आयाना पेडेहेंदाल आयो, गानि बस्‍केन नासडेम आयवद, बस्‍केळ्‍क जीवाते मनना पेनदा पोल्‍लेताहेंदाल, पूना पिस्वरते पुटतिर.

1 पत्रु 2:2

इंदके पुटता पसिबाला बल्हा पाल उन्‍नालय तनलाळंता, अल्‍हेने मिमेटगुडा बेसता पाललेसीं मनना पेनदा पोल्‍लेताहाटीं तनलाळट. अल्हा तनलाळते मिमेट मुक्‍तिहाटीं पेनदा पोल्‍ले परकारम बेरस्सेक दांतिट.

2 पत्रु 3:2

अदुनहाटीं मिमेट पवित्र पेनदा कबुरतोर मुन्‍नेने वेहचि मत्‍ता पोल्‍लेन अल्‍हेने प्रेरितुल्‍कुना हेंदाल वेहतव सामि आनि मुक्‍ति हियानोना आदेसकुन मति इर्रागोम.

1 योहान 3:3

किरिस्‍तुनपोर्रो इसोंटा आसे इर्राना हरेक मनकल किरिस्‍तु पवित्र मत्‍ताप कुद्‍दुगुडा पवित्र कीकुंतोर.